انجلینا جولی کا رفح بارڈر کا دورہ، زخمی ہونے والے فلسطینیوں کی حالتِ زار کا جائزہ
اشاعت کی تاریخ: 2nd, January 2026 GMT
امریکی اداکارہ اور معروف انسانی حقوق کی کارکن انجلینا جولی نے جمعہ کے روز مصر کی جانب سے رفح بارڈر کراسنگ کا دورہ کیا، جو غزہ کے عوام کے لیے انسانی ہمدردی کے مشن کا حصہ تھا۔
میڈیا رپورٹس کے مطابق انجلینا جولی نے اس موقع پر غزہ سے زخمی ہونے والے فلسطینیوں کی حالتِ زار کا جائزہ لیا اور محصور علاقے میں جاری امدادی سرگرمیوں کا مشاہدہ کیا۔ دورے کا مقصد غزہ کے لیے فراہم کی جانے والی انسانی امداد کی صورتحال کا جائزہ لینا اور امدادی کوششوں کی حمایت کرنا تھا۔
یہ بھی پڑھیے: انجیلینا جولی اور بریڈپٹ کے درمیان طویل قانونی جنگ کا اصل سبب کیا نکلا؟
انجلینا جولی کے ہمراہ امریکی محکمہ خارجہ کا ایک نمائندہ، شمالی سینائی کے گورنر اور مصر کے وزیرِ امیگریشن بھی موجود تھے۔ وفد نے بین الاقوامی انسانی ہمدردی کی کوششوں میں شرکت کی اور مصر و امریکہ کی جانب سے امداد کی فراہمی کو یقینی بنانے کے اقدامات پر تبادلہ خیال کیا۔
واضح رہے کہ انجلینا جولی عالمی سطح پر انسانی فلاحی سرگرمیوں کے لیے جانی جاتی ہیں اور وہ ماضی میں بھی دنیا کے مختلف حصوں میں انسانی بحرانوں پر آواز بلند کرتی رہی ہیں۔
یہ بھی پڑھیے: سعودی عرب و پاکستان سمیت 8 مسلم ممالک کا غزہ کی بگڑتی انسانی صورتحال پر شدید اظہارِ تشویش
ادھر غزہ کے عوام گزشتہ 2 برس سے جاری اسرائیلی جنگ کے باعث شدید انسانی بحران کا شکار ہیں۔ رپورٹس کے مطابق اس دوران 70 ہزار سے زائد افراد جاں بحق ہو چکے ہیں جن میں اکثریت عام شہریوں کی ہے، جبکہ بنیادی ڈھانچہ بری طرح تباہ ہو چکا ہے۔
مصر نے رفح بارڈر کے ذریعے غزہ سے متعدد پناہ گزینوں کو قبول کیا ہے اور امدادی سامان کی ترسیل میں بھی کردار ادا کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انجیلینا جولی غزہ فلسطین.
ذریعہ
ذریعہ: WE News
کلیدی لفظ: انجیلینا جولی فلسطین انجلینا جولی کے لیے
پڑھیں:
پی ڈی ایم اے کا دورہ : انتظامیہ ہنگامی حالات سے نمٹنے کیلئے پوری طرح تیار ہے، خواجہ سلمان رفیق
سٹی 42: خواجہ سلمان رفیق نے پی ڈی ایم اے ہیڈ آفس میں صوبائی ایمرجنسی سنٹرکا دورہ کیا۔ ڈی جی پی ڈی ایم اے عمر عباس میلہ نے دریاؤں میں پانی کے بہاؤ بارےآگاہ کیا۔
خواجہ سلمان رفیق نے کہا پنجاب کو سیلاب سے محفوظ بنانے کیلئے اقدامات کئے جارہے ہیں،انتظامیہ ہنگامی حالات سے نمٹنے کیلئے پوری طرح تیار ہے۔
چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے کہا ریسکیو کو جدید آلات سے آراستہ کر دیا ہے، پری ڈیزاسٹر اور پوسٹ ڈیزاسٹر میکانزم کو مؤثر بنایا جا رہا ہے،۔
اقدامات سیلاب اور آبی خطرات سے بچاؤ کیلئےموثر ثابت ہوں گےگزشتہ سال کی نسبت پی ڈی ایم اے کی رواں سال تیاریاں بہتر ہیں۔
عمر عباس میلہ نے بتایا کہ مون سون سیزن و دریاؤں میں پانی کے بہاؤ کو مسلسل مانیٹر کیا جا رہا ہے۔
آئی جی پنجاب نے27افسران کے تقرروتبادلے کر دیے
بھارت سے جنگ اور افغانستان میں کارروائی خارج ازامکان نہیں، وزیردفاع