دوسرا ون ڈے: نیوزی لینڈ کیخلاف بھارت کو شرمناک شکست، سیریز برابر
اشاعت کی تاریخ: 14th, January 2026 GMT
نیوزی لینڈ نے بھارت کو ایک روزہ سیریز کے دوسرے میچ میں 7 وکٹوں سے شکست دے کر سیریز 1-1 سے برابر کردی۔
راج کوٹ میں کھیلے گئے میچ میں بھارت نے نیوزی لینڈ کی دعوت پر پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 284 رنز اسکور کیے۔
بھارت کی جانب سے کے ایل راہول 112 رنز ناٹ آؤٹ بنا کر نمایاں رہے۔ یہ ان کے کیریئر کی آٹھویں سینچری تھی۔
کپتان شبمن گِل 56، رویندر جڈیجا 27، روہت شرما 24، ویرات کوہلی 23، نتیش کمار ریڈی 20، شریاس ایر 8 اور ہرشت رانا 2 رنز بنا کر آؤٹ ہوئے۔
محمد سراج 2 کے انفرادی اسکور پر ناٹ آؤٹ پویلین لوٹے۔
نیوزی لینڈ کی جانب سے کرسٹن کلارک نے 3 کھلاڑیوں کو آؤٹ کیا۔ جبکہ مائیکل بریسویل، جیڈن لینوکس، کائل جیمیسن اور زیک فوکس نے 1، 1 وکٹ حاصل کی۔
مزید پڑھیںویرات کوہلی، سچن ٹنڈولکر کا ایک اور ریکارڈ لے اڑے
جواب میں کیویز نے 285 رنز کا ہدف ڈیرل مچل کی شاندار سینچری کی بدولت 15 گیندوں پہلے 3 وکٹوں کے نقصان پر حاصل کر لیا۔ وہ 131 رنز بنا کر ناقابلِ شکست پویلین لوٹے۔
وِل ینگ 87، ڈیوون کانوے 16 اور ہنری نکلس 10 رنز بنا کر آؤٹ ہوئے۔
گلین فلپس نے 32 رنز کی ناٹ آؤٹ باری کھیلی۔
بھارت کی جانب سے پرسدھ کرشنا، ہرشت رانا اور کلدیپ یادو 1، 1 وکٹ حاصل کر سکے۔
سیریز کا تیسرا اور حتمی میچ اتوار 18جنوری کو اندور میں کھیلا جائے گا۔
.
ذریعہ
ذریعہ: Express News
کلیدی لفظ: نیوزی لینڈ
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع