چاند پر تاریخ کا پہلا ہوٹل بنانے کا منصوبہ، خلائی سیاحت کی جانب بڑا قدم
اشاعت کی تاریخ: 18th, January 2026 GMT
سائنس اور خلائی تحقیق کے میدان میں ایک نئی پیش رفت سامنے آئی ہے، جہاں سائنسدانوں نے چاند پر تاریخ کا پہلا ہوٹل بنانے کا منصوبہ تیار کر لیا ہے۔ اس منصوبے کو چاند کی سیاحت کو حقیقت میں بدلنے کی جانب ایک اہم سنگ میل قرار دیا جا رہا ہے۔
یہ بھی پڑھیں: اب چاند پر بھی وقت ناپا جاسکے گا، چین نے سوفٹ ویئر تیار کرلیا
امریکا کی نجی خلائی کمپنی گیلیکٹک ریسورسز یوٹیلائزیشن اسپیس کے مطابق 2032 تک چاند پر پہلا سیاحتی ہوٹل قائم کرنے کا ہدف رکھا گیا ہے۔ کمپنی کا کہنا ہے کہ اس ہوٹل میں قیام کے خواہش مند سیاحوں کو تقریباً 75 لاکھ پاؤنڈ ادا کرنا ہوں گے، جبکہ ابتدائی بکنگ کے لیے ساڑھے 7 لاکھ پاؤنڈ بطور ایڈوانس لیے جارہے ہیں۔
کمپنی ترجمان کے مطابق ابتدائی مرحلے میں ہوٹل میں صرف 4 مہمانوں کو قیام کی اجازت دی جائے گی، جو چاند پر 5 راتیں گزار سکیں گے۔ ہوٹل کو جدید خلائی ٹیکنالوجی سے آراستہ کیا جائے گا، جہاں آکسیجن بنانے کا نظام، ہوا اور پانی کی ری سائیکلنگ، درجہ حرارت کو قابو میں رکھنے کا انتظام، ہنگامی انخلا کا مکمل سسٹم اور سورج کی مضر شعاعوں سے بچاؤ کے لیے ریڈی ایشن شیلٹر بھی شامل ہوگا۔
یہ بھی پڑھیں: انسان اگلے سال نصف صدی بعد دوبارہ چاند کی طرف روانہ ہونے کے لیے تیار
کمپنی کے 22 سالہ بانی اسکائلر چان کے مطابق ان کا وژن یہ ہے کہ موجودہ نسل اپنی زندگی میں انسان کو ایک بین السیاروی مخلوق بنتے ہوئے دیکھے۔ ان کا کہنا ہے کہ اگر یہ منصوبہ کامیاب ہو گیا تو مستقبل میں اربوں افراد چاند اور مریخ پر زندگی کا تجربہ حاصل کر سکیں گے۔
کمپنی کے مطابق اس منصوبے میں سب سے بڑی رکاوٹ خلا میں طویل عرصے تک انسانی جانوں کے تحفظ کو یقینی بنانا ہے۔ اسی لیے حکمت عملی یہ اپنائی گئی ہے کہ زمین سے کم سے کم سامان لے جایا جائے اور چاند پر ہی زیادہ سے زیادہ رہائشی سہولیات تیار کی جائیں۔
یہ بھی پڑھیں: چاند پر نیوکلیئر پاور پلانٹ: روس کی خلائی دوڑ میں نیا قدم
منصوبے کے تحت 2029 میں پہلا آزمائشی مشن روانہ کیا جائے گا، جس میں ہوٹل کا ایک چھوٹا ماڈل چاند پر بھیجا جائے گا۔ اس کے بعد 2031 میں ایک بڑا مشن ترتیب دیا جائے گا، جس کے دوران چاند کے ایک گہرے گڑھے کے قریب انفلیٹیبل ڈھانچہ نصب کیا جائے گا، جبکہ حتمی مرحلہ 2032 میں مکمل کیے جانے کا منصوبہ ہے۔
کمپنی نے چاند کی سیاحت میں دلچسپی رکھنے والے افراد کو خبردار کیا ہے کہ حتمی ٹکٹ کی قیمت ایک کروڑ ڈالر سے بھی زیادہ ہو سکتی ہے۔ کمپنی کے مطابق یہ منصوبہ ناسا اور دیگر نجی خلائی اداروں کے تعاون سے تیار کیا جارہا ہے، جو پہلے ہی زمین کے مدار میں خلائی اسٹیشنز قائم کر چکے ہیں اور اب چاند پر مستقل انسانی موجودگی کے لیے سرگرم عمل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بین السیاروی چاند خلائی ادارے سیاحتی پیشرفت گیلیکٹک ریسورسز یوٹیلائزیشن اسپیس ناسا ہوٹل.
ذریعہ
ذریعہ: WE News
کلیدی لفظ: بین السیاروی چاند خلائی ادارے سیاحتی پیشرفت ہوٹل کے مطابق چاند پر جائے گا کے لیے
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع