نوجوان کی فیس بک لائیو پر خودسوزی: حیران کن کہانی سامنے آگئی
اشاعت کی تاریخ: 29th, January 2026 GMT
سوشل میڈیا پر براہِ راست نشریات کے دوران خود کو آگ لگانے والے نوجوان کا واقعہ دنیا بھر میں توجہ کا مرکز بن گیا ہے۔
آئے دن لوگ آن لائن پلیٹ فارمز پر اپنی زندگی کے حساس لمحات شیئر کرتے دکھائی دیتے ہیں۔ حالیہ برسوں میں ایسے کئی واقعات رپورٹ ہوچکے ہیں جن میں افراد نے لائیو ویڈیو کے دوران اپنی جان لینے کی کوشش کی، اور یہی رجحان ایک بار پھر عراق میں سامنے آیا۔
عراقی ذرائع ابلاغ کے مطابق یہ واقعہ موصل کے جنوب میں واقع علاقے حمام العلیل سے تعلق رکھنے والے ایک نوجوان سے جڑا ہے، جس نے فیس بک پر براہِ راست ویڈیو چلاتے ہوئے تیزی سے بھڑکنے والا ایندھن استعمال کیا اور خود کو آگ لگا لی۔
واقعے کے فوراً بعد نوجوان کو طبی امداد فراہم کی گئی اور کردستان ریجن کے ایک اسپتال منتقل کیا گیا، جہاں وہ اس وقت زیرِ علاج ہے۔ بعد ازاں مذکورہ ویڈیو فیس بک سے ہٹادی گئی۔
پولیس حکام نے بتایا کہ نوجوان کے خلاف اس سے قبل بھی 2021 اور 2022 میں منشیات کے مقدمات میں عدالتی فیصلے صادر ہو چکے تھے۔ مزید یہ کہ حالیہ اقدام سے کچھ عرصہ قبل اس کے خلاف منشیات کی اسمگلنگ اور تشہیر کے الزامات کے تحت غیر حاضری میں ایک نیا عدالتی حکم بھی جاری ہوا تھا، جس نے اس معاملے کو مزید سنگین بنا دیا۔
تحقیقات میں یہ بات بھی سامنے آئی کہ نوجوان پانچ افراد پر مشتمل ایک منشیات فروش نیٹ ورک کا حصہ تھا، جس کے دیگر تمام ارکان کو گرفتار کرلیا گیا تھا۔ تاہم یہ نوجوان نینویٰ سے فرار ہونے میں کامیاب ہوگیا تھا اور کچھ عرصے بعد اچانک سوشل میڈیا پر لائیو آ کر سب کی توجہ کا مرکز بن گیا۔
پولیس کا کہنا ہے کہ سیکیورٹی ادارے اس کیس میں کردستان ریجن کی متعلقہ انتظامیہ سے مسلسل رابطے میں ہیں، اور نوجوان کی حالت بہتر ہوتے ہی اس کے خلاف قانونی کارروائی شروع کی جائے گی۔
واقعے نے ایک بار پھر سوشل میڈیا کے غیر ذمہ دارانہ استعمال اور ذہنی دباؤ جیسے پہلوؤں پر بحث چھیڑ دی ہے، جن پر ماہرین پہلے ہی تشویش کا اظہار کرتے رہے ہیں۔
.
ذریعہ
ذریعہ: Express News
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع