رواں سال میں آسمان پر رنگوں کی داستان، اسنو مون کے بعد بلڈ مون کا جادو
اشاعت کی تاریخ: 29th, January 2026 GMT
فروری 2026 کا اسنو مون سال کا دوسرا مکمل چاند ہو گا، جو اتوار یکم فروری کو اپنے عروج پر پہنچے گا۔ موسمِ سرما کے اس مکمل چاند کی خاص بات یہ ہے کہ یہ آسمان میں نسبتاً زیادہ بلند دکھائی دیتا ہے، جس کی وجہ سے نظارہ خاص طور پر دلکش ہوتا ہے۔
ماہرینِ فلکیات کے مطابق مکمل چاند اس وقت سب سے خوبصورت دکھائی دیتا ہے جب وہ شام کے وقت مشرقی افق پر طلوع ہوتا ہے، سورج غروب ہونے کے فوراً بعد بلیو آور کے دوران چاند کا ابھرتا ہوا منظر نہایت ڈرامائی ہوتا ہے، جو خاص طور پر مغربی امریکا میں نمایاں طور پر دیکھا جا سکے گا۔
یہ بھی پڑھیں: نایاب فلکیاتی مظہر بلیک مون کب اور کیوں رونما ہوتا ہے؟
اسنو مون کے بعد آنے والا نیا چاند ایک اینولر سولر ایکلیپس لے کر آئے گا، جسے رنگ آف فائر سورج گرہن بھی کہا جاتا ہے۔ یہ فلکیاتی مظہر 17 فروری کو دیکھنے کو ملے گا، جب چاند سورج کے 96 فیصد حصے کو ڈھانپ لے گا۔ یہ منظر تقریباً 2 منٹ 20 سیکنڈ تک رہے گا اور انٹارکٹکا کے دور دراز علاقوں سے دیکھا جا سکے گا۔
فل وولف سپر مون کے ایک دن بعد، قریباً مکمل چاند شمالی امریکا کے مشرقی حصے میں ستارے ریگولس کو تقریباً ایک گھنٹے کے لیے اوجھل کر دے گا۔ نیویارک سٹی میں ریگولس رات 8:51 پر چاند کے روشن کنارے کے پیچھے غائب ہو گا اور 9:54 پر دوبارہ نمودار ہو گا۔
اگلا مکمل چاند اور بلڈ موناسنو مون 2026 کے 13 مکمل چاندوں میں دوسرا ہو گا۔ اس سال کے دیگر اہم فلکیاتی مناظر میں مارچ میں مکمل چاند گرہن، مئی میں بلیو مون اور نومبر و دسمبر میں سپر مونز شامل ہیں۔
مکمل چاند گرہن کو بلڈ مون اس لیے کہا جاتا ہے کہ اس دوران زمین کا ماحول سورج کی روشنی کو فلٹر کر کے نیلی شعاعوں کو منتشر کر دیتا ہے، جبکہ سرخ روشنی چاند پر پڑنے سے وہ سرخی مائل یا تانبے جیسی چمک اختیار کر لیتا ہے۔ مشاہدات کے مطابق تقریباً 29 فیصد قمری گرہن مکمل ہوتے ہیں، جبکہ زمین کو عموماً سال میں 2 قمری گرہن کا سامنا ہوتا ہے۔
یہ بھی پڑھیں: زمین پر پانی کیسے آیا، چاند کی مٹی سے سائنسدانوں کی پوچھ گچھ
اگلا مکمل چاند 3 مارچ کو نمودار ہو گا، جب سال کا واحد مکمل قمری بلڈ مون گرہن دیکھا جائے گا، جو 58 منٹ تک رہے گا۔ یہ دلکش منظر شمالی امریکا، آسٹریلیا، نیوزی لینڈ، مشرقی ایشیا اور بحرالکاہل کے خطوں سے دیکھا جا سکے گا۔ یہ 2029 تک آنے والا آخری مکمل قمری گرہن بھی ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسنو مون بلڈ مون فل وولف سپر مون فلکیاتی مناظر قمری گرہن.
ذریعہ
ذریعہ: WE News
کلیدی لفظ: بلڈ مون فلکیاتی مناظر مکمل چاند ہوتا ہے بلڈ مون
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ