معذوری کا بہانہ بے نقاب: برطانیہ میں قید سے بچنے والا مجرم باکسنگ مقابلے میں پکڑا گیا
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
کارڈف:برطانیہ میں معذوری کا بہانہ بنا کر جیل سے بچنے والے ایک مجرم کا جھوٹ اس وقت کھل کر سامنے آگیا جب وہ ایک باکسنگ مقابلے میں پوری جسمانی فِٹنس کے ساتھ لڑتا ہوا پکڑا گیا۔ عدالت نے واقعے کو عدالتی نظام سے دھوکا قرار دیتے ہوئے مجرم کو قید اور طویل پابندی کی سزا سنا دی۔
غیر ملکی میڈیا رپورٹس کے مطابق ویلز کے شہر کارڈف سے تعلق رکھنے والا 31 سالہ اینٹن بوسٹن غیر قانونی طور پر کتوں کی افزائش (بریڈنگ) میں ملوث تھا۔ اینٹن بوسٹن نے عدالت میں اس بات کا اعتراف کیا تھا کہ اس نے چھ کتوں کے کان غیر قانونی طریقے سے کاٹے جو برطانیہ میں جانوروں پر ظلم کے زمرے میں آتا ہے۔
اینٹن بوسٹن نے خود کو کرونز بیماری میں مبتلا ظاہر کرتے ہوئے یہ مؤقف اختیار کیا تھا کہ وہ شدید جسمانی کمزوری کا شکار ہے اور جیل میں رہنے کے قابل نہیں۔ 2020 میں جرم کا اعتراف کرنے کے باوجود ایک جج نے طبی بنیادوں پر ہمدردی کا مظاہرہ کرتے ہوئے اسے قید سے مستثنیٰ قرار دے دیا تھا۔
استغاثہ کے مطابق اینٹن بوسٹن نہ صرف اپنا غیر قانونی کاروبار جاری رکھے ہوئے تھا بلکہ حال ہی میں اسے ایک باقاعدہ باکسنگ مقابلے میں شریک ہوتے ہوئے بھی دیکھا گیا۔ پراسیکیوٹنگ وکیل لی رینلڈز نے عدالت کو بتایا کہ جس شخص نے خود کو شدید معذور ظاہر کیا، اس کی باکسنگ رنگ میں سرگرمی اور جسمانی طاقت اس دعوے کے بالکل برعکس تھی۔
ادھر مجرم کے پڑوسیوں نے اس کے گھر سے شدید بدبو آنے پر پولیس کو شکایت درج کرائی، جس کے بعد کارروائی عمل میں لائی گئی۔ تحقیقات کے دوران انکشاف ہوا کہ اینٹن بوسٹن جانوروں کو انتہائی خراب اور غیر انسانی حالات میں رکھ رہا تھا، جس پر اس کے خلاف مزید الزامات عائد کیے گئے۔
عدالت نے شواہد اور گواہوں کے بیانات کی روشنی میں اینٹن بوسٹن کو تین سال قید کی سزا سناتے ہوئے 15 برس تک کتے پالنے پر مکمل پابندی عائد کر دی۔ جج نے ریمارکس دیے کہ عدالتی نظام کو دھوکا دینا اور جانوروں پر ظلم کسی صورت قابلِ قبول نہیں اور ایسے جرائم پر سخت سزائیں ضروری ہیں۔
ذریعہ
ذریعہ: Jasarat News
کلیدی لفظ: اینٹن بوسٹن
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
بھارت سے جنگ اور افغانستان میں کارروائی خارج ازامکان نہیں، وزیردفاع