نئی دہلی ریلوے اسٹیشن بھگڈر معاملہ کی تحقیقات کی جائے، کانگریس
اشاعت کی تاریخ: 18th, February 2025 GMT
دہلی کانگریس صدر نے اس موقع سے کہا کہ نئی دہلی ریلوے اسٹیشن پر محکمہ ریلوے کی بدانتظامی کیوجہ سے لوگوں کی موت ہوئی جس کیلئے براہ راست محکمہ ریلوے ذمہ دار ہے۔ اسلام ٹائمز۔ دہلی پردیش کانگریس کمیٹی کے صدر دیویندر یادو کی ہدایات کے مطابق آج دہلی کانگریس کے قانونی اور محکمہ انسانی حقوق کے ایک وفد نے قومی انسانی حقوق کمیشن سے ملاقات کی۔ کانگریس وفد نے 15 فروری کو نئی دہلی ریلوے اسٹیشن پر ریلوے کی بدانتظامی کی وجہ سے مچی بھگدڑ میں مرنے والے لوگوں کی شکایت کے حوالے سے ایک میمورنڈم پیش کیا۔ میمورنڈم میں اس افسوسناک حادثے کی تحقیقات کے لئے کمیٹی کی تشکیل اور ذمہ دار افسران کے خلاف کارروائی کا مطالبہ کیا گیا ہے۔ وفد کی سربراہی دہلی کانگریس کے قانونی اور محکمہ انسانی حقوق کے چیئرمین ایڈوکیٹ سنیل کمار نے کیا۔ وفد کے دیگر ممبران میں راجیش گرگ چیئرمین بوتھ منیجمنٹ، ایڈووکیٹ ساجد چودھری، ایڈووکیٹ شیخ عمران عالم، ایڈووکیٹ نشکرش گپتا، ایڈووکیٹ میگھا سہرا، ایڈوکیٹ بابر، ایڈوکیٹ پرتاپ سنگھ، ایڈوکیٹ دیپک پائلٹ اور لا طالب علم کارتکیہ گرگ شامل تھے۔
دہلی کانگریس صدر نے اس موقع سے کہا کہ نئی دہلی ریلوے اسٹیشن پر محکمہ ریلوے کی بدانتظامی کی وجہ سے لوگوں کی موت ہوئی جس کے لئے براہ راست محکمہ ریلوے ذمہ دار ہے۔ انہوں نے کہا کہ مستقبل میں اس طرح کی بھگڈر نہ مچے اس کے لئے ریلوے گائڈ لائنز جاری کریں، تاکہ دہلی اور دیگر ریاستوں سے کمبھ جانے والوں کی جان بچائی جا سکے۔ علاوہ ازیں انہوں نے کہا کہ کمبھ میں بدانتظامی کی وجہ سے 29 جنوری کو بھی پریاگ راج میں بھگڈر مچنے کی وجہ سے 35-40 لوگوں کی موت ہوئی تھی، لیکن مرکزی اور ریاستی حکومتوں نے اس پر کوئی حساسیت کا مظاہرہ نہیں کیا۔
دیویندر یادو نے آگے کہا کہ 144 سال بعد مقدس کمبھ میں کروڑوں ہندوستانیوں کی عقیدت ہے کہ وہ گنگا سماگم میں ڈبکی لگائے، جس کے لئے مرکزی حکومت سمیت ریاستی حکومت بھی لوگوں کی حوصلہ افزائی کر رہی ہے لیکن لوگوں کے لئے نہ تو ریاستوں کے ریلوے اسٹیشنوں، بس اڈوں اور آمد و رفت کا کوئی نظام ہے اور نہ ہی کمبھ کی جگہ کو عام لوگوں کے لئے منظم کیا گیا ہے۔ علاوہ ازیں انہوں نے کہا جب مرکزی حکومت اور اترپردیش کی حکومت کمبھ میں کروڑوں لوگوں کے ڈبکی لگانے کا کریڈٹ لے رہی ہے تب کمبھ میں یا کمبھ کے لئے جانے والے لوگوں کی موت کے لئے بھی بی جے پی کی مرکزی حکومت کو ذمہ داری لینی چاہیئے۔ دیویندر یادو نے کہا کہ صرف نئی دہلی ریلوے اسٹیشن پر فی گھنٹہ 1500 ٹکٹ فروخت کی جا رہی ہے، ٹرینوں میں دری، ریلوے کی آمد و رفت میں سدھار کئے جائیں، تاکہ کمبھ جانے والے عقیدت مندوں کو پریشانی کا سامنا نہ کرنا پڑے۔
ذریعہ
ذریعہ: Islam Times
کلیدی لفظ: نئی دہلی ریلوے اسٹیشن پر بدانتظامی کی دہلی کانگریس لوگوں کی موت محکمہ ریلوے کی وجہ سے ریلوے کی کے لئے نے کہا کہا کہ
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا