آزاد کشمیر میں دہشتگردی کی کارروائی نا کام،فتنہ الخوارج کا دہشتگرد گرفتار
اشاعت کی تاریخ: 21st, March 2025 GMT
راولاکوٹ(اوصاف نیوز) چوکی پولیس آزاد تین ضلع سدھنوتی نے چیکنگ کے دوران ایک سوزوکی کلٹس کار کے اندر سے اسلحہ، ایمونیشن اور ہینڈ گرنیڈ وغیرہ برآمد کر کے کار میں موجود شخص کو گرفتار کرلیا جس پر مذکورہ شخص کے خلاف تھانہ پولیس سٹی پلندری میں مقدمہ درج کیا گیا۔ گرفتار ملزم نے دوران حراست انکشاف کیا کہ اس کا تعلق فتنہ الخوارج تنظیم سے ہے جو افغانستان سے تعلق رکھنے والے دہشتگردی کے بڑے نیٹ ورک سے ہے ۔
باغ پر لیس کوسجاد ریشم کانسٹیبل پولیس کے قتل میں مطلوب زرنوش، اسامہ اور محمد الفت عرف ثاقب ضرار کا تعلق بھی دہشتگردی کے اسی فتنہ الخوارج گروہ سے ہے جنہوں نے بھی افغانستان سے دہشتگردی کی ٹریننگ حاصل کررکھی ہے۔ مورخہ 2024-10-27 کو شجاع آباد ضلع باغ سجاد ریشم کانسٹیبل کو آزادکشمیر میں دہشتگردی پھیلانے کی غرض سے انہی ملزمان کے ساتھ مل کر فائرنگ کر کے قتل کیا تھا۔ دہشتگرد پاکستان اور آزاد کشمیر میں مختلف وارداتوںمیں ملوث ہیں۔
یکم رمضان کو موٹروے پر ڈکیتی کا واقعہ کی اس نے زرنوش وغیرہ کے ساتھ مل کر ہی کیا ہے۔ زرنوش وغیرہ او جوانوں کو ریاست کے خلاف ورغلا کر ان کی منفی ذہن سازی کرتے ہوئے انہیں دہشت گردی کی جانب راغب کرنے میں شامل ہیں۔ انہیں پاکستان اور با الخصوص آزاد کشمیر میں دہشت گردی کے واقعات کرنے کے سلسلہ میں افغانستان میں موجود دہشتگرد گروپ کی مکمل حمایت کے ساتھ فنڈنگ، اسلحہ اور دھما کہ خیز مواد کی فراہمی کی جاتی ہے۔
پولیس نے فتنہ الخوارج سے جڑے اس اہم دہشت گرد کو اسلحہ، ایمونیشن سمیت بر وقت گرفتار کر کے آزاد کشمیر کو دہشت گردی کے کسی بڑے منصوبے سے بچالیا ہے۔ رفتار خرم اوراس سے ملک روش، اساسا والا کے را بلے انسان میں موجود ہشت گرد گروپ سے ثابت ہو چکے ہیں۔ راولا کوٹ پولیس کو مطلوب اشتہاری ملزم غازی شہزادی کی ہی دہشت گرد گروہ کے ساتھ شامل ہو چکا ہے۔
متذکرہ دہشتگرد گروہ سےمنسلک ملزمان خطرناک اسلحہ کی بھاری مقدار کے ساتھ آزاد کشمیر میں سرگرم ہیں جو کسی بھی وقت کوئی بڑادہشتگردی کا واقعہ کر کے آزاد کشمیر کے امن کو تہ وبالا کر سکتے ہیں۔ پولیس اپنی پوری قوت کے ساتھ اس دہشت گرد گروہ کو گرفتار کرنے کیلئے کوشاں ہے ۔
ہماری عوام علاقہ سے بھی اپیل ہے کہ ان مطلوب دہشتگردوں کی گرفتاری کے سلسلہ میں پولیس کے ساتھ مکمل تعاون کیاجائے تاکہ ان کوگرفتار کے علاقے کے اس کے ساتھ ساتھ سجاد ریشم شہید کے لواحقین کو انصاف کی فراہمی یقینی بنائی جاسکے۔ متذکر ہ و مطلوب ملزمان کے بارے میں اطلاع دینے والے شخص کا نام نہ صرف صیغہ راز میں رکھا جائے گا بلکہ اس کو معقول نقد انعام بھی دیا جائے گا۔
ٹرمپ،وائس آف امریکااورمیڈیاکی آزادی کابحران
ذریعہ: Daily Ausaf
کلیدی لفظ: فتنہ الخوارج
پڑھیں:
قلات میں سیکیورٹی فورسز کی کارروائی میں فتنۃ الہندوستان کے 8 دہشت گرد ہلاک
سیکیورٹی فورسز نے بلوچستان کے علاقے قلات میں کامیاب آپریشن کر کے فتنۃ الہندوستان کے 8 دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے آپریشن کے دوران بھارتی حمایت یافتہ دہشت گردوں فتنۃ الہندوستان کے ٹھکانے کو کامیابی سے نشانہ بنایا اور اس دوران فائرنگ کے تبادلے میں چار دہشت گرد ہلاک ہوئے جن کے قبضے سے بھارتی مقدار میں اسلحہ، گولہ بارود اور دھماکا خیز مواد برآمد ہوا ہے۔
آئی ایس پی آر کے مطابق علاقے میں مزید کلیئرنس اور سرچ آپریشن کیا گیا جس کے دوران مزید چار دہشت گردوں کو ہلاک کیا اور ایک ٹھکانے کو تباہ کیا گیا۔
یہاں سے بھی کارروائی کے دوران بڑی مقدار میں اسلحہ، گولہ بارود اور دھماکہ خیز مواد بھی برآمد ہوا۔
آئی ایس پی آر کا کہنا ہے کہ پاکستان کی سیکیورٹی فورسز قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی بھارتی سازشوں کو ناکام بنانے کے لیے پرعزم ہیں۔ بلوچستان میں دشمن کے ایجنٹوں کے خلاف جاری کارروائیاں اس عزم کی عکاسی کرتی ہیں کہ ملک کا ہر انچ دشمن عناصر کے ناپاک عزائم سے محفوظ رکھا جائے گا۔
صدرِ مملکت آصف علی زرداری نے قلات، بلوچستان میں سیکیورٹی فورسز کو فتنتہ الہندوستان کے 8 دہشت گردوں کے خاتمے پر خراجِ تحسین کیا۔
انہوں نے اپنے بیان میں کہا کہ سیکیورٹی فورسز نے جرات اور پیشہ ورانہ مہارت سے ملک دشمن عناصر کو کیفرِ کردار تک پہنچایا، دہشت گردی کے خلاف جنگ میں قوم اپنی بہادر فورسز کے ساتھ کھڑی ہے۔
صدر زرداری نے کہا کہ دہشت گرد امن و استحکام کو سبوتاژ کرنا چاہتے ہیں جس کی اجازت نہیں دی جا سکتی۔ قوم متحد ہے، دہشتگردی کو ہر صورت ناکام بنایا جائے گا۔
انہوں نے کہا کہ دہشت گردی کے مکمل خاتمے تک سیکیورٹی فورسز کی کارروائیاں جاری رہیں گی۔
دوسری جانب وفاقی وزیر داخلہ محسن نقوی نے قلات میں بھارتی اسپانسرڈ دہشتگردوں کے خلاف کامیاب انٹیلیجنس بیسڈ آپریشن پر سکیورٹی فورسز کو خراج تحسین کیا اور اُن کی پیشہ وارانہ صلاحیتوں کو سراہا ہے۔
محسن نقوی نے کہا کہ بھارتی حمایت یافتہ دہشتگردوں کو جہنم واصل کرنے پر سکیورٹی فورسز کو سلام پیش کرتے ہیں، فورسز نے بروقت کارروائی کرکے انڈین سپانسرڈ دہشتگردوں کے ناپاک ارادوں کو ناکام بنایا۔
انہوں نے بتایا کہ قوم فتنۃ الہندوستان کے دہشتگردوں کے خاتمے کیلئے سکیورٹی فورسز کی کارروائیوں کو تحسین کی نگاہ سے دیکھتی ہے۔ بھارتی اسپانسرڈ دہشتگردوں کا عبرتناک انجام واضح پیغام ہے کہ پاکستان میں اس فتنے کو چھپنے کی جگہ نہیں ملے گی اور پاکستان سے ایک ایک دہشت گرد کا صفایا کیا جائے گا۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ