پی ایس ایل 10 جدت طرازی کے ساتھ سامنے آنے کیلئے تیار
اشاعت کی تاریخ: 10th, April 2025 GMT
ایچ بی ایل پاکستان سپر لیگ کا 10واں ایڈیشن جدت طرازی کے ساتھ سامنے لایا جا رہا ہے، چیمپئنز ٹرافی کے موقع پر ملکی گراؤنڈز کی تزئین و آرائش پہلے ہی کی جا چکی ہے،ملکی کرکٹ کے رنگارنگ میلے کو شاندار اور شائقین کے لیے زیادہ سے زیادہ دلچسپ بنانے کیلیے بھی بورڈ ہمہ وقت کوشاں ہے۔
ایونٹ میں نئی ٹیکنالوجی متعارف کرانے کا اعلان کیا گیاہے،اس سے کھیل میں شفافیت آنے کے ساتھ امپائرز کو فیصلوں میں مدد ملے گی،اس ٹیکنالوجی کی مدد سے نوبال،ڈی آر ایس،امپائرز کی لائیو کمیونیکیشن، مختلف زاویوں سے ری پلے کی سہولت میسر رہے گی، نئی ٹیکنالوجی سے میچ اننگز کا وقت بھی براہ راست دیکھنے کو ملے گا۔ ایونٹ میں پہلی بار مکمل اردو کمنٹری ہوگی، شائقین میچز کا براہ راست احوال قومی زبان میں سن کر ایکشن اور جوش وخروش سے لطف اندوز ہوسکیں گے۔
یہ قدم ان لاکھوں کرکٹ شائقین کے ساتھ تعلق کو مزید گہرا کرنے کا موقع فراہم کرے گا جو طویل عرصے سے اس اضافے کا انتظار کر رہے تھے۔ایچ بی ایل پی ایس ایل کے چیف ایگزیکٹیو سلمان نصیر کا اس بابت کہنا تھا کہ لیگ اور اس کے بڑھتے ہوئے مداحوں کے لیے یہ ایک تاریخی لمحہ ہے۔
پاکستان میں کرکٹ ایک متحد قوت ہے اور پورے کھیل کے لیے اردو میں کمنٹری پیش کرکے ہم ایچ بی ایل پی ایس ایل کے جوش اور توانائی کو ملک کے کونے کونے میں شائقین کے دلوں کے قریب لا رہے ہیں، اردو کمنٹری فیڈ کا سب کو بے صبری سے انتظار تھا اور ہم اسے فراہم کرنے کے لیے پْرجوش ہیں، یہ اقدام نہ صرف کمیونٹی کے ساتھ ہمارا تعلق مضبوط کرتا ہے بلکہ اس بات کو بھی یقینی بناتا ہے کہ پی ایس ایل کا جوش و خروش وسیع تر سامعین کے لیے زیادہ قابل رسائی ہے۔
10ویں ایڈیشن کے لیے انتہائی تجربہ کار اور معروف میچ آفیشلز کا تقرر کیا گیا ہے، 13 امپائرز اور 7 میچ ریفریز ایونٹ کے دوران ذمہ داریاں نبھائیں گے، 18 مئی تک کھیلی جانے والی لیگ میں دنیا کے نامور پلیئرز ایکشن میں نظر آئیں گے، پاکستان کرکٹ بورڈ نے میچ کو اعلی معیار کے مطابق منعقد کرانے کے لیے معروف آفیشلز کا تقرر کیا، آئی سی سی ایلیٹ پینل میں شامل احسن رضا، پال رائفل اور کمار دھرما سینا کو امپائرز پینل کا حصہ بنایا گیا ہے۔
الیکس وہارف اور کرس براؤن بھی امپائرز پینل میں شامل ہیں،پاکستان سے عالمی طور پر انتہائی مستند اور تجربہ کار علیم ڈار، آصف یعقوب، فیصل خان آفریدی، راشد ریاض وقار بھی ذمہ داریاں نبھائیں گے۔یہ تمام پی سی بی کے انٹرنیشنل امپائرز کا حصہ ہیں،پی سی بی ایلیٹ پینل آف امپائرز عبدالمقیت، ناصر حسین، طارق رشید اور ذوالفقار جان بھی ایچ بی ایل پی ایس ایل کے نئے ایڈیشن میں میچز سپروائز کرائیں گے، علیم ڈار الوداعی طور پرامپائرنگ کریں گے،میچ ریفریز میں آئی سی سی ایلیٹ پینل آف میچ ریفری رنجن مدوگالے اپنے ساتھی سری لنکن روشن مہاناما کے ساتھ میچزکی نگرانی کریں گے،دیگرریفریز میں علی نقوی اور محمد جاوید ملک شامل ہیں،ٹورنامنٹ میں افتخار احمد، اقبال شیخ اور ندیم ارشد بھی میچ آفیشلز کی ذمہ داریاں سنبھالیں گے۔
دوسری جانب پشاور زلمی کو ایونٹ سے قبل صائم ایوب کی دستیابی کی نوید سنا دی گئی، وہ مکمل فٹنس پانے کے بعد کھیل میں واپسی کیلئے تیار ہیں، صائم جنوبی افریقہ کے دورے میں دوسرے ٹیسٹ میں ابتدائی دن ٹخنے کی انجری سے دوچار ہوکر کھیل سے دور چلے گئے تھے ،وہ چیمپئنز ٹرافی میں بھی شریک نہیں ہوپائے تھے، صائم 3 ماہ سے زائد عرصے کرکٹ سے دور رہے لیکن اب پی ایس ایل میں اپنی فرنچائز پشاور زلمی کو دستیاب ہوں گے، زلمی کا سفر کوئٹہ گلیڈی ایٹرز کیخلاف میچ سے شروع ہوگا۔
ادھر لاہور، راولپنڈی اور ملتان میں میچز کی سیکیورٹی کیلئے فوج اور رینجرز کے دستے طلب کیے گئے ہیں، ملکی وغیر ملکی کھلاڑیوں، میچ آفیشلز اور عملے کی شرکت کے باعث یہ ہائی پروفائل ایونٹ ہے، محکمہ داخلہ پنجاب نے وفاقی وزارت داخلہ کو درخواست بھجوا کر پی ایس ایل میچز کے لیے فوج اور رینجرز کے دستے طلب کیے ہیں۔ درخواست میں لاہور، راولپنڈی اور ملتان کے لیے رینجرز کے ایک، ایک ونگ اور آرمی کی 2، 2 کمپنیوں کی خدمات مانگی گئی ہیں۔
محکمہ داخلہ پنجاب کا کہنا ہے کہ پی ایس ایل میں بین الاقوامی کرکٹرز اور میچ آفیشلز حصہ لے رہے ہیں، ملکی وغیر ملکی کھلاڑیوں، میچ آفیشلز اور عملے کی شرکت کے باعث کوئی خطرہ مول نہیں لیا جاسکتا ، سیکیورٹی کے تمام پروٹوکول کو ملحوظ خاطر رکھا جائے گا۔صوبائی محکمہ داخلہ کے مطابق لاہور، راولپنڈی اور ملتان میں میچز، ٹیموں کے قیام اور سفر کے دوران فول پروف سیکیورٹی انتظامات کیے جائیں گے۔
اس سے قبل ایونٹ کی تشہیری مہم بھی بھرپور انداز میں شروع کی گئی، لاہور کے علاقے گلبرگ مین بلیوارڈ اورلبرٹی مارکیٹ چوک کو پی ایس ایل کی ٹیموں کے ناموں سے سجایا گیا، دیو ہیکل پی ایس ایل ایکس بھی شائقین کی توجہ کا مرکز بنا ہوا ہے۔مین بلیوارڈ پر رنگ برنگی روشنیوں سے ماحول جگمگارہا ہے، شہریوں کی بڑی تعداد ان سجاوٹوں کیساتھ تصویریں بناتی رہی ہے۔
.ذریعہ: Express News
کلیدی لفظ: میچ ا فیشلز ایچ بی ایل کے ساتھ کے لیے
پڑھیں:
بینک اسلامی اور ایم جی موٹر زکے درمیان کار فنانسنگ کامعاہدہ
کراچی (اُردو پوائنٹ اخبارتازہ ترین - این این آئی۔ 17 ستمبر2025ء)بینک اسلامی نے ایم جی موٹرز پاکستان کے ساتھ ایک معاہدے پردستخط کیے ہیں۔ اس معاہدے کے تحت صارفین کو انڈسٹری کے سب سے کم شرح پر شریعہ کمپلائنٹ آٹو فنانسنگ فراہم کی جائے گی۔ صرف 4.99فیصد (1.49فیصد کے مساوی ایک سالہ شرح)سے شروع ہونے والی رینٹل شرح کے ساتھ بینک اسلامی کی ایم جی فنانسنگ آفر آٹو صارفین کیلئے سہولت اور کفایت کاایک نیا معیار ہے۔ 3ملین روپے یا اس سے زائد کی فنانسنگ پر یہ خصوصی مہم صارفین کواسی دن میں پراسیسنگ اور فوری منظوری کی سہولت فراہم کرتی ہے۔ اس کے علاوہ 2سال کیلئے 9.99فیصد اور 3سال کیلئے 11.75فیصد کی شرح کے ساتھ صارفین فلیکسیبل مدت کا انتخاب کرسکتے ہیں۔ اس آفر کے تحت مکمل شفافیت کو یقینی بناتے ہوئے شریعہ کمپلائنٹ کے مطابق بینک اسلامی کے پینل انشورنس پارٹنر کے ذریعے پرکشش کوریج پلانزبھی فراہم کیے جائیں گے۔(جاری ہے)
یہ آفر ایم جی ایچ ایس اور ایم جی ایچ ایس پلگ ان ہائبرڈ الیکٹریکل وہیکل (PHEV)سمیت منتخب ایم جی ماڈلز پر دستیاب ہے۔ جو جدید ڈیزائن، جدید ٹیکنالوجی اور ماحول دوست موبلٹی کی سہولت فراہم کرتے ہیں۔ ایم جی موٹرز پاکستان کے جنرل منیجر مارکیٹنگ ڈویژن سید آصف احمد نے کہاکہ بینک اسلامی کے ساتھ یہ شراکت داری پاکستان میں زیادہ سے زیادہ لوگوں کیلئے پریمیم موبیلٹی کو قابلِ رسائی بنانے کے ہمارے وژن کو مزید تقویت فراہم کرتی ہے۔ صارفین اب ایم جی کی جدید ٹیکنالوجی اور ماحول دوست گاڑیوں سے مستفید ہونے کے ساتھ ساتھ شریعہ کے مطابق انڈسٹری کی سب سے کم فنانسنگ شرح کی سہولت حاصل کرسکتے ہیں۔ یہ آفر جدت آسان سہولت اور صارفین دوستی کا بہترین امتزاج ہے۔
ایشیا کپ، فاتح ٹیم کو کتنی انعامی رقم ملے گی، تفصیلات سامنے آگئیں