پی ایس ایل: بائننس اور اسلام آباد یونائیٹڈ کی پارٹنرشپ کا اعلان
اشاعت کی تاریخ: 10th, April 2025 GMT
دنیا کی معروف بلاک چین ایکو سسٹم، بائننس کو پی ایس ایل کی معروف ٹیم اسلام آباد یونائیٹڈ کا آفیشل ایکسچینج پارٹنر مقرر کردیا گیا۔
یہ بھی پڑھیں: پاکستان سپر لیگ 10: پشاور زلمی اور اسلام آباد یونائیٹڈ نے متبادل کھلاڑی چُن لیے
اس تعاون کا مقصد پاکستان میں شائقین کی مصروفیت اور تعلیم کو بڑھا کر کھیلوں اور بلاک چین ٹیکنالوجی کی دنیا کو ملانا ہے۔ شراکت داری کے مقاصد میں مداحوں کی شمولیت کی مہمات اور ڈیجیٹل ایکٹیویشن کے ذریعے بلاک چین کے بارے میں بیداری پیدا کرنے کے اقدامات شامل تھے۔
بائننس کا خیال ہے کہ حقیقی ترقی وہاں سے شروع ہوتی ہے جہاں آرام پسندی ختم ہوتی ہے اور یہ عقیدہ ’بیونڈ دی باؤنڈری‘ کی بنیاد ہے ایک ایسا پلیٹ فارم ہے جو ان لوگوں کو سراہنے کے لیے ڈیزائن کیا گیا ہے جو قدم بڑھاتے اور حدوں کو آگے بڑھاتے ہیں۔ اس مشن کا محور کرکٹ چیلنج ہے۔ اس حوالے سے مختلف مہمات کے ذریعے شائقین کو مائل اور چیلنجز میں مشغول کیا جائے گا اور انہیں انعامات دیے جائیں گے۔ یہ کھیل، کرپٹو، اور جرات مندانہ عزائم کی پہچان کا ایک انوکھا امتزاج ہے اور یہ سب کچھ پاکستان میں بلاک چین کے بارے میں بیداری پیدا کرنے کے لیے ہے۔شراکت پر تبصرہ کرتے ہوئے گلوبل برانڈ پارٹنرشپس بائننس کی سربراہ سارہ ڈیل کا کہنا ہے کہ کرکٹ کا مطلب ایسی بولڈ چالیں چلنا اور خطرات مول لینا ہے جن سے نتائج کو تبدیل کیا جاسکے اور کرپٹو اس سے مختلف نہیں ہے۔
مزید پڑھیے: اسلام آباد یونائیٹڈ کا جیت پر جشن: سینیٹر مشتاق احمد خان تنقید کیوں کر رہے ہیں؟
انہوں نے کہا کہ بائنانس اور اسلام آباد یونائیٹڈ دونوں جذبے، درستگی اور انتھک عزم کے ساتھ پروان چڑھتے ہیں۔ انہوں نے مزید کہا کہ یہ مشترکہ یقین ہم دونوں کے درمیان ایک طاقتور ہم آہنگی پیدا کرتا ہے۔
اسلام آباد یونائیٹڈ کے سی ای او احسن لطیف نے بھی اپنے جوش و خروش کا اظہار کرتے ہوئے کہا کہ اسلام آباد یونائیٹڈ-بائنانس پارٹنرشپ ہمارے شائقین کو بلاک چین ٹیکنالوجی کے بارے میں بصیرت حاصل کرنے کا ایک منفرد موقع فراہم کرے گی۔
جس طرح کرکٹ پاکستان بھر میں لاکھوں لوگوں کو متحد کرتی ہے بالکل اسی طرح کرپٹو کرنسی عالمی برادری کو اکٹھا کرتی ہے جو اسی جذبے، توانائی اور جوش سے چلتی ہے۔ اس مشترکہ نقطہ نظر میں، بائننس اسلام آباد یونائیٹڈ کے درمیان شراکت داری ایک بہترین امتزاج ہے۔
مزید پڑھیں: پی ایس ایل 10 کے ٹیم کپتانوں کی مشترکہ پریس کانفرس، کس نے کیا کہا؟
بائننس کرپٹو کرنسی ایکسچینج میں تجارتی حجم اور رجسٹرڈ صارفین کے لحاظ سے دنیا کا سب سے بڑا اور سرکردہ عالمی بلاک چین ایکو سسٹم ہے اور اسے 100 ممالک کے 25 کروڑ سے زیادہ افراد کا اعتماد حاصل ہے۔یہ بنیادی ذرائع کے طور پر کرپٹو کے ساتھ دنیا بھر کے لوگوں کے لیے پیسے کی آزادی اور مالیاتی رسائی کو بڑھانے کے لیے ایک جامع کرپٹو ایکو سسٹم بنانے کے لیے وقف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد یونائیٹڈ بائننس بائننس اور اسلام آباد یونائیٹڈ کی پارٹنرشپ پی ایس ایل.
ذریعہ
ذریعہ: WE News
کلیدی لفظ: اسلام ا باد یونائیٹڈ پی ایس ایل اسلام ا باد یونائیٹڈ اسلام آباد یونائیٹڈ پی ایس ایل اور اسلام بلاک چین کے لیے
پڑھیں:
دبئی کا بڑا اعلان؛ دوستوں اور رشتہ داروں کو سیاحت پر بلائیں، ہزاروں درہم انعام پائیں
مشرقِ وسطیٰ میں جاری جنگ کے باعث سیاحوں کی تعداد میں نمایاں کمی کے بعد دبئی نے سیاحت کو دوبارہ فروغ دینے کے لیے منفرد مہم شروع کر دی ہے۔
عرب میڈیا کے مطابق نئی اسکیم کے تحت متحدہ عرب امارات کے رہائشی اگر اپنے دوستوں یا رشتہ داروں کو دبئی گھومنے کے لیے آمادہ کریں تو انھیں 3 ہزار اماراتی درہم مالیت تک کے انعامات اور سہولتیں دی جائیں گی۔
دبئی کے محکمۂ اقتصادیات و سیاحت کی جانب سے متعارف کرائی گئی اسکیم ’’دبئی اِنوائٹ‘‘ کے تحت یو اے ای میں مقیم افراد اپنے بیرونِ ملک رہنے والے دوستوں اور اہلِ خانہ کو نامزد کرسکتے ہیں۔
اگر کسی شہری کی دعوت پر ان کے دوست یا رشتہ دار سیاحتی ویزے پر دبئی آتے ہیں تو میزبان کو ہوٹل میں قیام، ریستورانوں میں خصوصی رعایت، تفریحی مقامات کے ٹکٹ اور دیگر مراعات پر مشتمل خصوصی پیکیج دیا جائے گا۔
اس اسکیم کے تحت ہر رہائشی زیادہ سے زیادہ تین مہمانوں کے لیے فوائد حاصل کرسکتا ہے بشرطیکہ مہمان 31 اکتوبر سے پہلے دبئی پہنچ جائیں۔ تاہم ان مراعات سے دسمبر تک فائدہ اٹھایا جا سکے گا۔
اس اسکیم سے فائدہ اٹھانے کے لیے ضروری ہے کہ آنے والا فرد یو اے ای کا رہائشی نہ ہو، وہ درست سیاحتی ویزے پر سفر کرے اور اسے صرف ایک مرتبہ ہی نامزد کیا جا سکے گا۔
دبئی حکومت کے یہ اقدام ایسے وقت میں سامنے آئے ہیں جب امریکا، اسرائیل اور ایران کے درمیان کشیدگی کے اثرات خلیجی ممالک تک پہنچنے کے بعد سیاحت شدید متاثر ہوئی ہے۔
رپورٹس کے مطابق ایران کی جانب سے کیے گئے میزائل اور ڈرون حملوں کے بعد دبئی کے بین الاقوامی ہوائی اڈے اور معروف فیئرمونٹ ہوٹل کو نقصان پہنچا جس سے دبئی کی محفوظ سیاحتی مقام کی ساکھ متاثر ہوئی۔
یاد رہے کہ گزشتہ برس 2025 میں دبئی نے تقریباً 2 کروڑ بین الاقوامی سیاحوں کا خیرمقدم کر کے نیا ریکارڈ قائم کیا تھا لیکن حالیہ جنگ کے بعد صورتحال یکسر بدل گئی ہے۔
ہوائی سفر پر سیکیورٹی خدشات بڑھنے کے باعث دبئی آنے والی کئی بین الاقوامی ایئرلائنز نے اپنی پروازیں معطل یا محدود کر دیں جبکہ متعدد طیاروں نے مشرقِ وسطیٰ کی فضائی حدود سے گزرنے سے گریز کیا۔
اس کے نتیجے میں دبئی ایئرپورٹس پر آپریٹ کرنے والی ایئرلائنز کی تعداد میں نمایاں کمی آئی۔ دوسری جانب ہوٹلوں میں بکنگ کم ہونے سے خالی کمروں کی شرح میں اضافہ ہوا ہے اور کئی کاروباری اداروں کی آمدنی میں 50 فیصد سے زائد کمی ریکارڈ کی گئی۔
دبئی کے بعض مشہور ہوٹلوں نے کم طلب کے باعث تزئین و آرائش کے منصوبے قبل از وقت شروع کر دیے ہیں۔ دنیا کے مشہور برج العرب ہوٹل کو بھی بڑے پیمانے پر مرمت اور بحالی کے لیے تقریباً 18 ماہ کے لیے بند کرنے کا اعلان کیا گیا ہے۔
اس کے علاوہ کئی ہوٹل اور سیاحتی ادارے حکومت کی نئی اسکیم کے تحت 45 فیصد تک رعایت اور مفت قیام جیسی خصوصی پیشکشیں بھی دے رہے ہیں۔
مقامی میڈیا کے مطابق دبئی اِنوائٹ اسکیم کے آغاز کے صرف 48 گھنٹوں میں 10 ہزار سے زائد درخواستیں موصول ہو چکی ہیں جس سے ظاہر ہوتا ہے کہ حکومت کو اس منصوبے سے سیاحت کی بحالی کی امیدیں وابستہ ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار