مقبوضہ کشمیر اور بھارتی پنجاب میں 3 انڈین طیارے گرنے کی باقاعدہ تصدیق
اشاعت کی تاریخ: 7th, May 2025 GMT
سرینگر میں پلوامہ کے علاقے میں منگل کی شب ایک انڈین طیارہ گر کر تباہ ہوا۔ ادھر جموں کے ضلع رام بن میں بھی ایک اور طیارہ تباہ ہوا۔ اس کے علاوہ انڈیا کی ریاست پنجاب کے ضلع بھٹنڈہ میں بھی ایک جنگی طیارہ گر کر تباہ ہوا۔ اسلام ٹائمز۔ مقبوضہ کشمیر کے مختلف علاقوں میں کم از کم تین انڈین طیاروں کے گرنے کی باقاعدہ تصدیق ہو گئی۔ عالمی ذرائع ابلاغ اور خود انڈین میڈیا نے بھی اس کی تصدیق کر دی ہے۔ برطانوی نشریاتی ادارے کے مطابق سرینگر میں پلوامہ کے علاقے میں منگل کی شب ایک انڈین طیارہ گر کر تباہ ہوا۔ ادھر جموں کے ضلع رام بن میں بھی ایک اور طیارہ تباہ ہوا۔ ضلع رام بن کے علاقے پنتھیال کے سرپنچ ظہور احمد نے بی بی سی کو بتایا کہ اُن کے گاؤں میں بدھ کی شب جیٹ طیاروں کی آواز کے ساتھ ہی ایک زوردار دھماکہ ہوا جس کے بعد وہ خود پولیس کے ہمراہ جائے واردات پر پہنچے۔ان کا کہنا ہے کہ جہاز تباہ ہو چکا ہے تاہم اس کی شناخت کے لیے پولیس اور فوج کے اہلکار اس کا معائنہ کر رہے ہیں۔ اس کے علاوہ انڈیا کی ریاست پنجاب کے ضلع بھٹنڈہ میں بھی طیارہ گرنے کی اطلاعات ہیں۔ انڈین ذرائع ابلاغ کے مطابق یہ طیارہ اکلیان کلاں نامی گاؤں کے قریب گر کر تباہ ہوا اور اس واقعے میں کم از کم ایک شخص ہلاک اور نو زخمی ہوئے ہیں۔ یاد رہے کہ پاک فوج کے ترجمان اور وفاقی وزیر اطلاعات نے اعلان کیا تھا کہ بھارتی جارحیت کے جواب میں پاک فوج نے بھرپور کارروائی کرتے ہوئے 5 بھارتی جنگی طیارے تباہ کر دیئے۔
.ذریعہ: Islam Times
کلیدی لفظ: گر کر تباہ ہوا طیارہ گر میں بھی کے ضلع
پڑھیں:
یوم استحصال، مقبوضہ کشمیر پر بھارتی قبضہ غیر قانونی اور انسانی المیے کو بڑھا رہا ہے، مسلح افواج
یومِ استحصال پر مسلح افواج نے کشمیری عوام سے غیر متزلزل یکجہتی کا اظہار کیا ہے۔
پاک فوج کے شعبہ تعلقات عامہ (آئی ایس پی آر) کے مطابق یومِ استحصال کشمیر کے موقع پر فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی، نیول چیف، ایئر چیف اور پاکستان کی مسلح افواج نے بھارت کے غیر قانونی زیر قبضہ جموں و کشمیر کے بہادر اور باہمت عوام سے اپنی غیر متزلزل یکجہتی کا اعادہ کیا ہے۔
اعلامیے میں کہا گیا ہے کہ پاکستان کی مسلح افواج کشمیری عوام کے اُس جائز اور مسلسل جدوجہدِ آزادی کی بھرپور حمایت کرتی ہیں، جو اقوامِ متحدہ کی سلامتی کونسل کی قراردادوں اور بین الاقوامی قوانین کے تحت ان کا ناقابلِ تنسیخ حق ہے۔
اعلامیے میں کہا گیا ہے کہ بھارت کی جانب سے مقبوضہ کشمیر پر مسلسل غیر قانونی قبضہ، کرفیو نما محاصرہ، منظم انسانی حقوق کی پامالی، اور آبادی کے تناسب میں غیر قانونی تبدیلیاں بین الاقوامی قوانین کی سنگین خلاف ورزیاں ہیں جو خطے میں عدم استحکام اور انسانی المیے کو بڑھا رہی ہیں۔
آئی ایس پی آر نے کہا ہے کہ بھارت کا جابرانہ رویہ، جنگجویانہ بیانیہ اور اشتعال انگیز اقدامات جنوبی ایشیا میں پائیدار امن کے حصول میں بڑی رکاوٹ ہیں۔ جموں و کشمیر کے تنازعے کا منصفانہ اور پرامن حل، کشمیری عوام کی خواہشات اور اقوام متحدہ کی قراردادوں کے مطابق، خطے میں دیرپا امن کے لیے ناگزیر ہے۔
پاکستان کی مسلح افواج مقبوضہ کشمیرکے شہداء کو خراجِ عقیدت پیش کرتے ہوئے کشمیری عوام کے شانہ بشانہ کھڑے رہنے کے عزم کا ایک بار پھر اعادہ کرتی ہے۔
عالمی جونیئر ٹیم اسکواش چیمپئن شپ: پاکستان کی کوارٹر فائنل میں رسائی