ہارورڈ ماہر فلکیات کا خدا کے وجود پر حیران کن مؤقف، سائنس اور مذہب قریب آ گئے؟
اشاعت کی تاریخ: 28th, August 2025 GMT
سمتھسونین سینٹر فار ایسٹرو فزکس سے وابستہ ماہر فلکیات ڈاکٹر ولی سون نے ایک حیران کن دعویٰ کرتے ہوئے کہا ہے کہ کائنات اتنی باریکی سے ترتیب دی گئی ہے کہ اسے محض اتفاق نہیں کہا جا سکتا بلکہ یہ ایک اعلیٰ ہستی کی تخلیق ہے۔
یہ بھی پڑھیں: جیمز ویب سے یورینس کا نیا چاند دریافت، کل تعداد 29 ہوگئی
سائنس اور مذہب صدیوں سے کائنات کے آغاز کے بارے میں بظاہر ایک دوسرے سے متصادم رہے ہیں لیکن ڈاکٹر سون کا ماننا ہے کہ ان کی پیش کردہ فائن ٹیوننگ تھیوری ان دونوں شعبوں کو باہم جوڑتی ہے۔
واضح رہے کہ یورپی میڈیا نے ایک بار پھر ڈاکٹر ولی سون کی ایک گفتگو شائع کی ہے جو انہوں نے کچھ عرصہ قبل ٹکر کارلسن نیٹ ورک پر کی تھی۔ برطانوی خبر رساں ادارے ڈیلی ریکارڈ کی رپورٹ کے مطابق ڈاکٹر ولی سون نے کہا کہ کائنات کے اندر پائے جانے والے فزیکل حالات اتنے نازک اور متوازن ہیں کہ ان کی بنیاد پر زندگی کا وجود میں آنا محض اتفاق نہیں ہو سکتا۔
ڈاکٹر سون نے بتایا کہ ان کی دلیل کا مرکزی نکتہ وہ تصور ہے جو سنہ 1963 میں کیمبرج یونیورسٹی کے مشہور فزکس دان پال ڈیرک نے پیش کیا تھا جنہوں نے کہا تھا کہ قدرتی قوانین کی ریاضیاتی خوبصورتی کسی اعلیٰ ڈیزائنر کی طرف اشارہ کرتی ہے۔
ڈیرک کے مطابق ایسا معلوم ہوتا ہے کہ فزکس کے بنیادی قوانین ایک عظیم ریاضیاتی خوبصورتی اور طاقت کے تحت بیان کیے گئے ہیں جنہیں سمجھنے کے لیے اعلیٰ سطح کا ریاضی درکار ہے۔ ان کہنا تھا کہ شاید یہی کہا جا سکتا ہے کہ خدا ایک اعلیٰ درجے کا ریاضی دان ہے جس نے کائنات کو انتہائی جدید ریاضی سے تخلیق کیا۔
مزید پڑھیے: کہکشانی مہمان، انوکھے سمندری جاندار، جنگلی کیٹرپلر اور یورپ کی آگ
ڈاکٹر ویلی سون نے بھی اسی نکتہ نظر کی تائید کرتے ہوئے کہا کہ ایسے بے شمار مظاہر ہیں جو ہماری زندگی کو روشن کرتے ہیں اور یہ روشنی دراصل خدا کی دی ہوئی ہے تاکہ ہم اس روشنی کی پیروی کریں اور اپنی زندگی میں بہتری لائیں۔
ان کی دلیل ’ڈیزائن آرگومنٹ‘ کی سائنسی تشریح معلوم ہوتی ہے جو اکثر تعلیمی اداروں میں ’واچ میکر تھیوری‘ کے طور پر بیان کی جاتی ہے یعنی جیسے گھڑی کی پیچیدہ ساخت گھڑی ساز کی موجودگی کا ثبوت ہے ویسے ہی کائنات کی پیچیدگی ایک خالق کی نشاندہی کرتی ہے۔
تاہم ہر کوئی ڈاکٹر سون کے اس دعوے سے متفق نہیں ہے۔ نقادوں کے مطابق ہماری کائنات کے بارے میں معلومات ابھی بھی محدود ہیں۔ وہ کہتے ہیں کہ چونکہ ہم کاربن پر مبنی زندگی رکھتے ہیں اس لیے ممکن ہے کہ کسی دوسری کائنات میں زندگی مختلف عناصر پر مبنی ہو۔
دوسرا اعتراض ’اتفاق‘ سے متعلق ہے یعنی اگرچہ امکانات بہت کم تھے لیکن ایسا ہونا ممکن تھا اور یہی ہوا۔
مزید پڑھیں: پراسرار سیارچہ خلائی مخلوق کا بھیجا گیا کوئی مشن ہوسکتا ہے، ہارورڈ کے سائنسدان کا دعویٰ
اس کے باوجود ڈاکٹر سون کے دعوے نے سوشل میڈیا اور فلسفیانہ حلقوں میں ایک نئی بحث کو جنم دیا ہے جہاں سائنسی منطق اور روحانی عقائد ایک بار پھر ایک دوسرے کے سامنے کھڑے نظر آ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خدا کا وجود خدا کے وجود پر بحث خدا کے وجود پر سائنسی تحقیق ڈاکٹر ولی سون فلکیات ہارورڈ ماہر فلکیات ڈاکٹر ولی سون.
ذریعہ
ذریعہ: WE News
کلیدی لفظ: خدا کا وجود خدا کے وجود پر بحث خدا کے وجود پر سائنسی تحقیق ڈاکٹر ولی سون فلکیات ڈاکٹر ولی سون ڈاکٹر سون
پڑھیں:
میسی اور رونالڈو کے ممکنہ آخری عالمی امتحان سمیت ورلڈ کپ 2026 کا عظیم آغاز قریب
دنیا کے سب سے مقبول کھیل فٹبال کا سب سے بڑا ایونٹ، فیفا ورلڈ کپ 2026، 12 جون سے امریکا، کینیڈا اور میکسیکو کی مشترکہ میزبانی میں شروع ہو رہا ہے۔ اس بار ٹورنامنٹ کئی حوالوں سے تاریخ ساز ثابت ہونے جا رہا ہے، کیونکہ پہلی مرتبہ 48 قومی ٹیمیں عالمی اعزاز کے حصول کے لیے میدان میں اتریں گی جبکہ مجموعی طور پر 1248 کھلاڑی اس عظیم مقابلے کا حصہ ہوں گے۔
1248 players. 48 nations. Locked in. ????
The Official Squad Lists for #FIFAWorldCup 2026 are here ⤵️
— FIFA World Cup (@FIFAWorldCup) June 2, 2026
فیفا کی جانب سے تمام 48 ٹیموں کے حتمی اسکواڈز کی منظوری کے بعد یہ بات واضح ہو گئی ہے کہ ورلڈ کپ 2026 کھلاڑیوں، ٹیموں اور میچوں کی تعداد کے اعتبار سے تاریخ کا سب سے بڑا فٹبال ٹورنامنٹ ہوگا۔ ایونٹ میں شریک ٹیموں کو 12 گروپس میں تقسیم کیا گیا ہے اور ہر گروپ میں چار چار ٹیمیں شامل ہیں۔ مجموعی طور پر 104 میچز کھیلے جائیں گے، جو سابقہ ورلڈ کپ ایڈیشنز کے مقابلے میں نمایاں اضافہ ہے۔
یہ بھی پڑھیں:فیفا ورلڈ کپ: امریکا نے ایرانی فٹبال ٹیم کو قیام کی اجازت نہیں دی، ٹیم میکسیکو میں رہے گی
میڈیا رپورٹس کے مطابق 1248 کھلاڑیوں میں سے 357 ایسے ہیں جو پہلے بھی ورلڈ کپ کھیل چکے ہیں، جبکہ 891 کھلاڑی پہلی مرتبہ اس عالمی اسٹیج پر اپنی صلاحیتوں کا مظاہرہ کریں گے۔ ماہرین کے مطابق نئے اور تجربہ کار کھلاڑیوں کا یہ امتزاج ٹورنامنٹ کو مزید دلچسپ اور غیر متوقع بنا سکتا ہے۔
World Cup is exactly TWO weeks away. ???? #FIFA pic.twitter.com/NFDxw8uKlO
— World Cup 2026 (@WorldCupMedia) May 28, 2026
بین الاقوامی میڈیا نے ورلڈ کپ 2026 کو ’فٹبال کی تاریخ کا سب سے بڑا اور سب سے زیادہ جامع عالمی مقابلہ‘ قرار دیا ہے۔ عالمی نشریاتی اداروں کا کہنا ہے کہ ٹیموں کی تعداد میں اضافے سے نہ صرف مقابلہ زیادہ سخت ہوگا بلکہ دنیا کے نئے خطوں اور ابھرتی ہوئی فٹبال قوموں کو بھی عالمی سطح پر اپنی صلاحیتیں دکھانے کا موقع ملے گا۔
اس ورلڈ کپ کی ایک اور نمایاں خصوصیت عالمی فٹبال کے دو عظیم ترین ستاروں، لیونل میسی اور کرسٹیانو رونالڈو، کی ممکنہ تاریخی شرکت ہے۔ دونوں کھلاڑی اپنے چھٹے ورلڈ کپ میں شرکت کے لیے تیار ہیں۔ میکسیکو کے تجربہ کار گول کیپر گیلرمو اوچوا بھی چھٹی مرتبہ ورلڈ کپ کھیلنے والے کھلاڑیوں کی فہرست میں شامل ہیں، جو عالمی فٹبال میں ایک منفرد ریکارڈ تصور کیا جا رہا ہے۔
یہ بھی پڑھیں: اسلام آباد میں فیفا ورلڈ کپ 2026 کی تقریبات کا آغاز، سیالکوٹ کی فٹبال نے میلہ لوٹ لیا
ورلڈ کپ 2026 کئی نئی قومی ٹیموں کے لیے بھی یادگار ثابت ہوگا۔ کیپ ورڈے، کوراساؤ، اردن اور ازبکستان پہلی بار فیفا ورلڈ کپ کے فائنل مرحلے میں پہنچے ہیں۔ ان ٹیموں کی شمولیت کو فٹبال کی عالمی توسیع اور کھیل کے بڑھتے ہوئے دائرہ اثر کا ثبوت قرار دیا جا رہا ہے۔
عمر کے اعتبار سے بھی اس بار ٹورنامنٹ منفرد حیثیت رکھتا ہے۔ ایونٹ میں شامل سب سے کم عمر کھلاڑی کی عمر صرف 17 برس ہے جبکہ سب سے عمر رسیدہ کھلاڑی 43 سال کے ہیں۔ ٹورنامنٹ میں 7 ایسے کھلاڑی شریک ہیں جن کی عمر 40 برس سے زیادہ ہے، جبکہ 22 کھلاڑی 20 سال سے کم عمر ہیں۔ ماہرین کے مطابق یہ اعداد و شمار نوجوان ٹیلنٹ اور تجربے کے دلچسپ امتزاج کی عکاسی کرتے ہیں۔
The 2026 FIFA World Cup ???? ⚽ is making its triumphant return to North America, sparking huge excitement across the continent for the world's biggest football tournament, which kicks off on June 11 in Mexico.
Here's your quick guide ????https://t.co/li1RCedN1h
— TRT World (@trtworld) June 1, 2026
بین الاقوامی تجزیہ کاروں کا کہنا ہے کہ امریکا، کینیڈا اور میکسیکو کی مشترکہ میزبانی نہ صرف شمالی امریکا میں فٹبال کی مقبولیت کو نئی بلندیوں تک لے جائے گی بلکہ عالمی سطح پر بھی کھیل کی تجارتی اور ثقافتی اہمیت میں اضافہ کرے گی۔ توقع کی جا رہی ہے کہ یہ ٹورنامنٹ ناظرین، آمدنی اور ڈیجیٹل رسائی کے کئی نئے ریکارڈ قائم کرے گا۔
فٹبال شائقین کی نظریں اب 12 جون پر مرکوز ہیں، جب دنیا بھر کی 48 بہترین ٹیمیں عالمی اعزاز کے لیے اپنی مہم کا آغاز کریں گی اور تاریخ کے سب سے بڑے فیفا ورلڈ کپ کا باقاعدہ افتتاح ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رونالڈو فٹبال ورلڈ کپ 2026 فیفا ورلڈ کپ میسی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ