ایشیا کپ؛ بھارت اپنا پہلا میچ آج یو اے ای کے خلاف کھیلے گا
اشاعت کی تاریخ: 10th, September 2025 GMT
کراچی (نیوز ڈیسک) مینز ٹی ٹوئنٹی ایشیا کپ میں بھارتی ٹیم کا سفر بدھ سے شروع ہوگا، جہاں بلو شرٹس کا پہلا مقابلہ دبئی میں میزبان متحدہ عرب امارات سے ہوگا۔
مقامی وقت کے مطابق میچ رات ساڑھے 7 بجے کھیلا جائے گا۔ بھارت طویل وقفے کے بعد بین الاقوامی کرکٹ میں واپسی کر رہا ہے اور بطور ٹی ٹوئنٹی عالمی چیمپیئن ایونٹ میں فیورٹ سمجھا جا رہا ہے۔
شبمن گل نائب کپتان کی حیثیت سے ٹی ٹوئنٹی اسکواڈ میں واپس آئے ہیں۔ حالیہ آئی پی ایل سیزن میں انہوں نے 650 رنز 155.
یو اے ای کی ٹیم کی کوچنگ بھارتی نژاد لال چند راجپوت کے پاس ہے، جو بھارت کو 2007 کے ٹی ٹوئنٹی ورلڈ کپ کا فاتح بنانے والے کوچنگ اسٹاف کا حصہ رہ چکے ہیں۔ تاہم میزبان ٹیم حالیہ سہ ملکی سیریز میں پاکستان اور افغانستان کے خلاف ناکام رہی، جبکہ اس سے قبل یوگینڈا سے بھی شکست کھا چکی ہے۔
دبئی کی پچ کو تازہ اور جاندار قرار دیا جا رہا ہے، جہاں اسپنرز اور فاسٹ بولرز دونوں کو مدد ملنے کا امکان ہے۔ سخت گرمی اور نمی دونوں ٹیموں کے فٹنس لیول کا امتحان لے گی۔
بھارت اور یو اے ای اب تک ایک بار ٹی ٹوئنٹی میں آمنے سامنے آچکے ہیں۔ 2016 کے ایشیا کپ میں بھارت نے یو اے ای کو 9 وکٹ سے شکست دی تھی۔ بھارت نے گزشتہ ٹی ٹوئنٹی ورلڈ کپ سے اب تک 24 میچ جیتے ہیں جبکہ صرف 3 میں ناکامی کا سامنا کیا ہے۔
Post Views: 4
ذریعہ
ذریعہ: Daily Mumtaz
کلیدی لفظ: ٹی ٹوئنٹی ایشیا کپ یو اے ای
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار