چارلی کرک کی بیوی نے آخری رسومات کے دوران اپنے شوہر کے تابوت پر بین کرتے ہوئے کیا پیغام دیا؟
اشاعت کی تاریخ: 14th, September 2025 GMT
امریکا کے قدامت پسند رہنما اور ڈونلڈ ٹرمپ کے قریبی ساتھی چارلی کرک کے قتل کے بعد اُن کی اہلیہ ایریکا کرک نے سوشل میڈیا پر جذباتی پیغام جاری کیا ہے۔
ایریکا نے شوہر کی آخری رسومات کی تصاویر اور ویڈیوز شیئر کرتے ہوئے اپنے غم اور دکھ کا اظہار کیا۔
یہ بھی پڑھیے: چارلی کرک کی بیوہ نے شوہر کے قتل کے بعد پہلے بیان میں کیا کہا؟
بدھ کے روز یوٹاہ ویلی یونیورسٹی میں ایک تقریب کے دوران چارلی کرک کو فائرنگ کر کے ہلاک کیا گیا۔ پولیس کے مطابق ٹائلر رابنسن نامی 22 سالہ شخص کو اس واقعے میں گرفتار کر لیا گیا ہے۔
تصاویر میں ایریکا کو شوہر کے کھلے تابوت کے پاس بیٹھے روتے، اُن کا ہاتھ تھامے، بوسہ دیتے اور آخری بار اُن سے لپٹتے دیکھا جا سکتا ہے۔
ایریکا کرک نے لکھا کہ دنیا بُری ہے۔ لیکن ہمارا نجات دہندہ، ہمارا رب، ہمارا خدا بہت اچھا ہے۔ میرے پاس کبھی الفاظ نہیں ہوں گے۔
انہوں نے اپنے شوہر کے مشن کو آگے بڑھانے کا عزم ظاہر کرتے ہوئے کہا کہ اگر لوگوں کو لگتا ہے کہ میرے شوہر کا مشن پہلے بڑا تھا تو اب دیکھیں گے۔ تم سب کبھی بھی اُنہیں بھلا نہیں سکو گے۔ میں یہ یقینی بناؤں گی۔
ایریکا نے اپنے شوہر کو مخاطب کرتے ہوئے مزید کہا کہ خدا کی آغوش میں سکون سے آرام کرو، پیارے۔ وہ تمہیں ضرور یہ الفاظ سنائے گا: ’شاباش، میرے نیک اور وفادار بندے‘۔
یہ بھی پڑھیے: چارلی کرک کے مبینہ قاتل کو حراست میں لے لیا گیا، صدر ٹرمپ کا اعلان
چارلی اور ایریکا کی شادی 2021 میں ہوئی تھی اور اُن کے دو بچے، ایک 3 سالہ بیٹی اور ایک سالہ بیٹا ہے۔ آخری رسومات کے دوران امریکی نائب صدر جے ڈی وینس کی اہلیہ اوشا وینس نے بھی غمزدہ ایریکا کو دلاسہ دیا۔
اس سے قبل اپنے پہلے عوامی خطاب میں ایریکا کرک نے کہا تھا کہ وہ اپنے شوہر کی جدوجہد کو مرنے نہیں دیں گی، میرے شوہر کی آواز اس قوم میں ہمیشہ گونجتی رہے گی۔ وہ سب سے زیادہ اپنے بچوں اور مجھے دل کی گہرائیوں سے چاہتے تھے۔
ایریکا نے آخر میں کہا کہ وہ اپنے شوہر کی تحریک کو امریکا کی سب سے بڑی مہم میں بدل دیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: اپنے شوہر کرتے ہوئے چارلی کرک شوہر کے شوہر کی نے شوہر
پڑھیں:
باپ اپنے نابالغ بچے کے نان و نفقہ کی ذمہ داری سے بری الذمہ نہیں ہو سکتا ،لاہور ہائیکورٹ
لاہور (اُردو پوائنٹ اخبارتازہ ترین - اے پی پی۔ 02 جون2026ء) لاہور ہائیکورٹ نے قرار دیا ہے کہ مالی مشکلات یا کسی نجی معاہدے کی بنیاد پر باپ اپنے نابالغ بچے کے نان و نفقہ کی ذمہ داری سے بری الذمہ نہیں ہو سکتا اور یہ ذمہ داری اسلامی تعلیمات کے مطابق مستقل اور قابل نفاذ فریضہ ہے۔جسٹس محسن اختر کیانی نے 15 صفحات پر مشتمل تفصیلی فیصلہ جاری کرتے ہوئے باپ اختر حسین اعوان کی درخواست خارج کر دی اور فیملی کورٹ و اپیلٹ کورٹ کے فیصلے برقرار رکھے۔عدالت نے قرار دیا کہ نابالغ بچے کا نان و نفقہ صرف قانونی نہیں بلکہ اخلاقی اور مذہبی ذمہ داری بھی ہے۔ غیر ادا شدہ نان و نفقہ باپ پر قرض تصور ہوگا جو وقت گزرنے سے ختم نہیں ہو سکتا۔فیصلے میں سور البقرہ، سور الطلاق اور متعدد احادیث نبوی کے حوالے دیتے ہوئے کہا گیا کہ معاہدے یا رضامندی کے ذریعے نابالغ بچے کے حقوق ختم نہیں کیے جا سکتے، خصوصا جب بچہ معذوری کی حالت میں ہو۔(جاری ہے)
درخواست گزار کا موقف تھا کہ 2005 میں فریقین کے درمیان ہونے والے رضامندی نامے کے تحت تاحیات خرچہ طے ہو چکا تھا اور ماضی کے نان و نفقہ کی وصولی قانونا چھ سال سے زائد مدت کے لیے نہیں کی جا سکتی۔عدالت نے ماضی کے نان و نفقہ سے متعلق اسلامی اصولوں کی روشنی میں نئی قانون سازی کی سفارش کرتے ہوئے فیصلے کی نقل لا اینڈ جسٹس کمیشن اور وزارت قانون و انصاف کو ارسال کرنے کا حکم بھی دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ