ایپل کی چیٹ جی پی ٹی طرز کی ایپ متعارف، نیکسٹ جنریشن ’سری‘ لانچ کرنے کی تیاری
اشاعت کی تاریخ: 28th, September 2025 GMT
ٹیکنالوجی کمپنی ایپل نے چیٹ جی پی ٹی کی طرز پر اپنی نئی اے آئی ایپ ’ویریٹاس‘ لانچ کردی ہے۔
ایپل نیکسٹ جنریشن تیاریوں میں مصروف ہے اور اس مقصد کے لیے ایک چیٹ جی پی ٹی طرز کی نئی ایپ متعارف کرائی گئی ہے جسے کمپنی نے اندرونی طور پر ’ویریٹاس‘ کا نام دیا ہے۔
یہ بھی پڑھیں: ایپل کی اوپن اے آئی سے شراکت داری، نئے فیچرز کیا ہیں؟
بلوم برگ کی رپورٹ کے مطابق یہ ایپ سری میں آنے والی بڑی تبدیلیوں کو آزمانے اور عملی گفتگو کے ذریعے خامیوں کو دور کرنے کے لیے ڈیزائن کی گئی ہے۔
رپورٹ میں بتایا گیا ہے کہ ویریٹاس بالکل ایک عام چیٹ بوٹ کی طرح کام کرتی ہے، جہاں صارفین مختلف موضوعات پر گفتگو کرسکتے ہیں اور اپنے سوالات کے تسلسل میں جوابات حاصل کرسکتے ہیں۔
ایپل کے انجینیئرز اس ایپ کو پرامپٹ اسٹریٹیجی، ایرر ہینڈلنگ اور ریسپانس جنریشن کو بہتر بنانے کے لیے استعمال کررہے ہیں تاکہ عوام کے سامنے پیش کرنے سے پہلے سری کے نظام کو زیادہ ذہین اور مؤثر بنایا جاسکے۔
یہ بھی پڑھیں: ایپل نے نیا موبائل آپریٹنگ سسٹم ’آئی او ایس 26‘ جاری کردیا، نئے فیچرز کیا ہیں؟
اس تجرباتی عمل کا مقصد یہ یقینی بنانا ہے کہ سری کا نیا ورژن، جسے اندرونی طور پر ’لن وڈ‘ کہا جاتا ہے، ہموار طریقے سے کام کرے۔ یہ فریم ورک بڑے لینگویج ماڈلز (LLMs) پر مبنی ہے جس میں ایپل کے اپنے فاؤنڈیشن ماڈلز کے ساتھ ایک تھرڈ پارٹی اے آئی ماڈل بھی ضم کیا گیا ہے۔
ابتدائی طور پر ایپل نے نئی سری کو آئی او ایس 18 کے ساتھ متعارف کرانے کا منصوبہ بنایا تھا، تاہم بار بار کی تاخیر کے باعث اب اس کی متوقع ریلیز مارچ 2026 میں ہوگی۔ اس اپ ڈیٹ میں نہ صرف زیادہ اسمارٹ فیچرز شامل ہوں گے بلکہ سری کے انٹرفیس کو بھی نیا ڈیزائن دیا جائے گا۔
یہ بھی پڑھیں: ایپل کی اوپن اے آئی سے شراکت داری پر ایلون مسک کی دلچسپ ٹویٹ
مزید یہ کہ ایپل اس وقت مصنوعی ذہانت پر مبنی اسمارٹ ہوم ڈیوائسز پر بھی کام کر رہا ہے اور اپنی پروڈکٹ رینج جیسے ویب سرچ اور دیگر ہارڈویئر میں اے آئی فیچرز کو وسعت دینے کی منصوبہ بندی کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایپل اے آئی ٹیکنالوجی کمپنی سری ویریٹاس.
ذریعہ
ذریعہ: WE News
کلیدی لفظ: ایپل اے ا ئی ٹیکنالوجی کمپنی ویریٹاس اے ا ئی کے لیے
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار