بدلتے موسم میں نزلہ،فلو اور کھانسی سے بچنے کے آزمودہ گھریلو طریقے
اشاعت کی تاریخ: 20th, October 2025 GMT
data-id="863a0a8" data-element_type="widget" data-widget_type="theme-post-content.default">
موسمِ سرما کی آمد کے ساتھ ہی نزلہ، زکام، فلو، کھانسی اور سانس کی دیگر وائرل بیماریاں تیزی سے پھیلنے لگتی ہیں۔
ٹھنڈا موسم جہاں آرام دہ محسوس ہوتا ہے، وہیں صحت کے لیے کئی چیلنجز بھی لاتا ہے، خاص طور پر بچوں، بزرگوں اور کمزور مدافعت والے افراد کے لیے۔ سردی میں لوگ عموماً بند کمروں میں زیادہ وقت گزارتے ہیں، جس سے وائرس کے پھیلنے کے امکانات بڑھ جاتے ہیں۔ خشک ہوا ناک اور گلے کی اندرونی جھلیوں کو متاثر کرتی ہے، جس سے جسم کی قدرتی مدافعت کمزور پڑ جاتی ہے۔
طبی ماہرین کے مطابق درجہ حرارت میں کمی سے مدافعتی نظام کی کارکردگی سست ہو جاتی ہے، جس سے معمولی وائرس بھی جلد حملہ آور ہو سکتے ہیں۔ ایسے میں چند آسان احتیاطی تدابیر اپنائی جائیں تو موسمِ سرما کا لطف صحت مند انداز میں لیا جا سکتا ہے۔
سب سے پہلے جسم کو گرم رکھنا ضروری ہے۔ ٹھنڈی ہوا سے بچنے کے لیے تہ دار لباس پہنیں، سر اور پاؤں کو ڈھانپیں اور اچانک درجہ حرارت کی تبدیلی سے گریز کریں۔ اس کے ساتھ ساتھ غذا میں وٹامن سی اور زنک سے بھرپور اشیا جیسے مالٹا، لیموں، سبزیاں، اور خشک میوہ جات شامل کریں۔ جسم کو ہائیڈریٹ رکھنے کے لیے پانی، سوپ اور ہربل چائے کا استعمال بڑھائیں۔
صفائی کا خاص خیال رکھنا بھی بے حد ضروری ہے۔ ہاتھ بار بار دھونا یا سینیٹائزر کا استعمال، چھینک یا کھانسی کے وقت منہ ڈھانپنا اور استعمال شدہ ٹشوز فوراً پھینک دینا مؤثر احتیاطی تدابیر ہیں۔ اگر آس پاس کسی کو کھانسی یا نزلہ ہے تو بہتر ہے کہ مناسب فاصلہ رکھا جائے اور ہجوم والی جگہوں میں ماسک کا استعمال کیا جائے۔
گھریلو ماحول کو صحت مند رکھنے کے لیے روزانہ کچھ دیر کے لیے کھڑکیاں کھول کر تازہ ہوا کو اندر آنے دیں۔ ہیٹر کے استعمال سے کمرہ خشک نہ ہو، اس کے لیے قریب پانی کا پیالہ رکھنا مفید ہے اور سب سے بڑھ کر ہر سال فلو ویکسین لگوانا بہترین دفاعی قدم ہے، خاص طور پر بچوں، بزرگوں اور حاملہ خواتین کے لیے۔
.
ذریعہ
ذریعہ: Jasarat News
کلیدی لفظ: کے لیے
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار