تاریخی ثقافتی تبادلہ: بلاک بسٹر چینی فلم کی پاکستان میں ریلیز کی تیاریاں مکمل
اشاعت کی تاریخ: 26th, October 2025 GMT
ثقافتی اور فلمی تعاون کے ایک اہم سنگِ میل کے طور پر ایچ کے سی انٹرٹینمنٹ نے مانڈوی والا انٹرٹینمنٹ کے اشتراک سے چینی اینیمیٹڈ شاہکار ’نی ژا 2‘ کو پاکستان بھر میں جمعہ 31 اکتوبر 2025 سے ریلیز کرنے کا اعلان کیا ہے۔
یہ ریلیز ایک تاریخی موقع کی نمائندگی کرتی ہے، کیونکہ ’نی ژا 2‘ کئی برسوں بعد پاکستان میں ریلیز ہونے والی پہلی چینی فلم ہے، جو سرحد پار فلمی تعاون کے ایک نئے دور کا آغاز ہے۔
یہ بھی پڑھیں: چینی فلم ’نیژا 2‘، مشہور زمانہ ’ٹائیٹنک‘ کا ریکارڈ توڑنے کے قریب، 2.
’نی ژا 2‘ نے پہلے ہی دنیا بھر میں ریکارڈ توڑ دیے ہیں، یہ دنیا کی سب سے زیادہ کمائی کرنے والی اینیمیٹڈ فلم بن چکی ہے، عالمی سطح پر پانچویں اور چین کی تاریخ کی سب سے زیادہ بزنس کرنے والی فلم ہے، جس نے حیران کن طور پر 2.2 ارب امریکی ڈالر کا بزنس کیا۔
پاکستان بھر میں اس فلم کی نمائش مقامی ناظرین کو بڑے پردے پر ایک شاندار بصری اور جذباتی تجربہ فراہم کرے گی۔
فلم کے پریمیئر کی تقریب میں چینی سفارت خانے کے منسٹر کاؤنسلر ہز ایکسی لینسی جناب شی یوان چیانگ نے خصوصی طور پر شرکت کی، جو اس تقریب کی سفارتی اور ثقافتی اہمیت کو اجاگر کرتی ہے۔
’نی ژا 2‘ پاکستان بھر کے سینماؤں میں جمعہ 31 اکتوبر 2025 کو نمائش کے لیے پیش کی جائے گی۔ ناظرین کی سہولت کے لیے فلم کو دو زبانوں میں پیش کیا جائے گا: ’چینی زبان کے ساتھ انگریزی سب ٹائٹلز، اور اردو ڈب شدہ ورژن‘۔
انکور فلمز کی منیجنگ ڈائریکٹر جویس لی نے فلم کی ریلیز کے موقع پر کہاکہ نی ژا 2‘ ایک سنگِ میل فلم ہے جس نے ایشیا بھر میں ریکارڈ قائم کیے۔ ہمیں ایچ کے سی انٹرٹینمنٹ اور مانڈوی والا انٹرٹینمنٹ کے ساتھ شراکت داری پر بے حد خوشی ہے تاکہ ہم یہ جادوئی شاہکار پاکستان کے ناظرین تک پہنچا سکیں۔
’ہمیں یقین ہے کہ نی ژا 2 کی شاندار کہانی پاکستانی شائقین کے دلوں کو بھی چھو لے گی۔‘
منسٹر کاؤنسلر چارج ڈی افیئرز شی یوان چیانگ نے تقریب کے موقع پر دونوں ممالک کے گہرے تعلقات پر اظہارِ خیال کرتے ہوئے کہاکہ ’نی ژا 2‘ جیسی ثقافتی علامت کا پاکستان میں ریلیز ہونا ہمارے تعلقات کو تجارت اور ترقی سے بڑھا کر ثقافت کے دائرے تک مضبوط کرتا ہے۔
ان کا کہنا تھا کہ یہ ایک اہم ثقافتی پل ہے جو پاکستانی عوام کو جدید چینی سینما سے متعارف کراتا ہے۔ ہم اس لمحے کو پاکستان چین کی آہنی دوستی کی ایک اور درخشاں مثال کے طور پر مناتے ہیں۔
سینیٹر سلیم مانڈوی والا نے اس موقع پر اس فلمی تقریب کی سیاسی اہمیت کو اجاگر کرتے ہوئے کہاکہ ’نی ژا 2‘ کی ریلیز صرف ایک فلمی ایونٹ نہیں بلکہ پاکستان اور چین کے درمیان ناقابلِ شکست دوستی کا ثقافتی اور سیاسی اظہار ہے۔
انہوں نے کہاکہ ہماری قیادت خصوصاً صدر آصف علی زرداری اور وزیراعظم شہباز شریف، اس ’آئرن برادر‘ دوستی کو ہمیشہ فروغ دیتے رہے ہیں۔
’یہ فلمی تبادلہ چین کی سب سے بڑی فلم کو یہاں لانا اور ساتھ ہی پاکستان کی بلاک بسٹر ’دی لیجنڈ آف مولا جٹ‘ کو وہاں ریلیز کرنے کی تیاری اس دوستی کو فنون اور میڈیا کی دنیا میں بھی زندہ و تابندہ ثابت کرتا ہے۔‘
وزیراعظم کے مشیر برائے سیاحت و نیشنل کوآرڈی نیٹر سردار یاسر الیاس نے اس موقع پر کہاکہ یہ تقریب علاقائی سینما کے لیے گیم چینجر کی حیثیت رکھتی ہے۔ ہم ایک تاریخی دوطرفہ تبادلے کے گواہ ہیں۔
انہوں نے کہاکہ چین کی ریکارڈ توڑ فلم پاکستان آ رہی ہے، اور اسی دوران پاکستان کی بلاک بسٹر ’دی لیجنڈ آف مولا جٹ‘ چین میں ریلیز کی تیاری میں ہے۔ یہ پاکستانی فلم سازی کی عالمی سطح پر شناخت کے سفر کا مضبوط قدم ہے۔
دوطرفہ فلمی تبادلے کی نئی راہ
یہ اہم فلمی درآمد ایک اور نمایاں پیش رفت کے ساتھ جڑی ہوئی ہے: پاکستان کی سب سے بڑی فلم ’دی لیجنڈ آف مولا جٹ‘ (2022) بھی نومبر، دسمبر 2025 میں چین میں ریلیز ہونے جا رہی ہے۔
یہ پہلی بار ہے کہ کسی پاکستانی فلم کو چائنا فلم گروپ کے کوٹا سسٹم کے تحت اجازت دی گئی ہے، اور اسے ریونیو شیئرنگ کی بنیاد پر ریلیز کیا جائے گا، جو پاکستانی سینما کے لیے دنیا کی سب سے بڑی فلم مارکیٹ میں داخلے کا تاریخی موقع ہے۔
یہ فلمی تبادلہ دونوں ممالک کے فنون اور تفریحی شعبے میں ایک مشترکہ روشن مستقبل کی علامت ہے۔ ’پاکستان چین آہنی دوستی زندہ باد‘۔
انکور فلمز
2003 میں قائم ہونے والی انکور فلمز ایک معروف فلم ڈسٹری بیوشن اور پروڈکشن کمپنی ہے جو ایشیائی اور بین الاقوامی معیار کی فلموں کو عالمی ناظرین تک پہنچانے کے لیے وقف ہے۔
یہ بھی پڑھیں: روحانیت کا عکاس ایوارڈ یافتہ فلم ’ سنو لیپرڈ ‘ کی چینی سینما گھروں میں نمائش جاری
بڑے اسٹوڈیوز اور سینما چینز کے ساتھ طویل المدتی شراکت داری کے ذریعے، یہ کمپنی منفرد ایشیائی کہانیوں کو خطے بھر میں فروغ دیتی ہے۔
ایچ کے سی انٹرٹینمنٹ اور مانڈوی والا انٹرٹینمنٹ یہ دونوں ادارے پاکستان بھر میں معیاری بین الاقوامی اور مقامی فلموں کی تقسیم کے حوالے سے نمایاں نام ہیں، جو پاکستانی ناظرین کو عالمی معیار کا تفریحی تجربہ فراہم کرنے کے لیے پرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاک بسٹر چینی فلم ریلیز کی تیاریاں مکمل سلیم مانڈوی والا وی نیوز یاسر الیاسذریعہ: WE News
کلیدی لفظ: ریلیز کی تیاریاں مکمل سلیم مانڈوی والا وی نیوز یاسر الیاس مانڈوی والا پاکستان بھر میں ریلیز بلاک بسٹر چینی فلم ریلیز کی کی سب سے کے ساتھ کے لیے چین کی نی ژا 2
پڑھیں:
پاکستان اور انڈونیشیا کے درمیان مختلف شعبوں میں تعاون کے معاہدوں اور مفاہمتی یادداشتوں کا تبادلہ
پاکستان اور انڈونیشیا کے درمیان مختلف شعبوں میں تعاون کے معاہدوں اور مفاہمتی یادداشتوں کا تبادلہ WhatsAppFacebookTwitter 0 9 December, 2025 سب نیوز
اسلام آباد:(آئی پی ایس)
پاکستان اور انڈونیشیا کے درمیان اعلیٰ تعلیم و صحت سمیت مختلف شعبوں میں تعاون کے سات معاہدوں اور مفاہمتی یادداشتوں کا تبادلہ کردیا گیا۔
معاہدوں پر دستخط اور مفاہمتی یادداشتوں کے تبادلے کی تقریب وزیراعظم ہاؤس میں منعقد ہوئی جس کے بعد دونوں رہنماؤں نے مشترکہ پریس کانفرنس سے خطاب کیا۔
وزیراعظم شہباز شریف نے مشترکہ پریس کانفرس سے خطاب میں کہا کہ انڈونیشیا کے صدر کو پاکستان میں خوش آمدید کہتے ہیں، ہماری آج کی بات چیت کافی مثبت رہی، پاکستان اور انڈونیشیا کے تعلقات ہر آزمائش پر پورے اترے ہیں، انڈونیشیا کے صدر کے دورے سے دونوں ملکوں کے تعلقات نئی بلندیوں کو چھوئیں گے۔
وزیراعظم شہباز شریف نے کہا کہ ملاقات میں ہم نے باہمی تجارت میں توازن، میڈیکل، ہیلتھ اور ووکیشنل ٹریننگ میں تعاون پر بات چیت کی۔ پاکستانی ڈاکٹرز، میڈیکل پروفیسرز اور ماہرین کو انڈونیشیا بھیجنے پر اتفاق ہوا ہے۔
وزیراعظم نے کہا کہ پاکستان اور انڈونیشیا کے تعلقات کی تاریخ 75 سال پر مبنی ہے، انڈونیشیا کی عوام اور حکومت نے 1965 کی جنگ میں پاکستان کیساتھ اظہار یکجہتی کیا، فلسطین کے حوالے بات کرتے ہوئے وزیراعظم کا کہنا تھا کہ غزہ میں اسرائیل کی طرف سے جنگ بندی کی خلاف ورزیاں قابل مذمت ہیں۔
صدر انڈونیشیا پرابوو سوبیانتو نے شاندار میزبانی اور استقبال پر وزیراعظم شہباز شریف کا شکریہ ادا کرتے ہوئے کہا کہ پاکستان کی فضائی حدود میں جے ایف 17 تھنڈر طیاروں کی سلامی میرے لیے اعزاز ہے۔ ہم نے مختلف شعبوں میں تعاون کے حوالے سے یادداشتوں اور ایم او یوز کا تبادلہ کیا۔
انہوں نے کہا کہ پاکستان اور انڈونیشیا کے درمیان تاریخی تعلقات ہیں، پاکستان کی جانب سے صحت کے شعبے میں تعاون کا خیر مقدم کرتے ہیں، پاکستان کیساتھ تعلیم، تجارت، زراعت، ٹیکنالوجی کے شعبوں میں تعاون کو فروغ دیں گے، انہوں نے کہا کہ غزہ کے معاملے پر ہم نے مشترکہ موقف اپنایا ہے۔
قبل ازیں انڈونیشیا کے صدر پرابوو سوبیانتو کا وزیراعظم ہاؤس آمد پر وزیراعظم شہباز شریف نے پرتپاک استقبال کیا۔ وزیراعظم ہاؤس آمد پر معزز مہمان کو پاکستان کی مسلح افواج کے دستے کی جانب سے گارڈ آف آنر پیش کیا گیا۔ انڈونیشیا کے صدر نے وزیراعظم ہاؤس میں یادگاری پودا بھی لگایا۔ انڈونیشیا کے صدر نے گارڈ آف آنر کا معانہ کیا جس کے بعد انکا وفاقی وزراء سے تعارف کرایا گیا۔
انڈونیشیا کے صدر پروبووو سَوبیانتو کا یہ پاکستان کا پہلا سرکاری دورہ ہے، انڈونیشیا کے صدر دورے کے دوران صدر مملکت آصف علی زرداری سے بھی ملاقات کریں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد ہائیکورٹ کا کچی آبادی مسلم کالونی میں سی ڈی اے آپریشن روکنے کا حکم اسلام آباد ہائیکورٹ کا کچی آبادی مسلم کالونی میں سی ڈی اے آپریشن روکنے کا حکم الیکشں کمیشن نے اسلام آباد میں بلدیاتی انتخابات کا شیڈول جاری کر دیا ایبٹ آباد: مقتول ڈاکٹر سپرد خاک، مرکزی ملزمہ کی نشاندہی پر مزید 3 ملزمان گرفتار درگاہ شاہ عبدالطیف بھٹائی پر چورگیٹ توڑ کر چاندی لے اڑے قومی اسمبلی کے سیکرٹری جنرل طاہر حسین مستعفی مریم نواز کے بیٹے جنید صفدر کی دوبارہ شادی کی خبریں زیر گردش، دلہن کون ہیں؟Copyright © 2025, All Rights Reserved
رابطہ کریں ہماری ٹیم
حیدرآباد: ایڈووکیٹ رسول بخش وکلاء کے ہمراہ پریس کانفرنس کررہے ہیں