نئی نسل پاکستان کا اثاثہ، مواقع ملیں تو یہ ملک کو عظیم بنا دے، حافظ نعیم الرحمن
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور:۔۔ امیر جماعت اسلامی پاکستان حافظ نعیم الرحمن نے کہا ہے کہ تعلیم کا شعبہ مسلط حکمران طبقات کی ترجیحات میں کبھی بھی شامل نہیں رہا۔ تعلیمی نظام استحصالی اور طبقاتی ہے، چھ کروڑ کے قریب نوجوان بے روزگار ہیں، حکمران نئی نسل کی تعلیم و تربیت پر توجہ دیں تو ملک عظیم بن جائے، ایسا نہ ہوا تو نوجوان تباہی کے راستے پر چل پڑیں گے۔ جماعت اسلامی اور الخدمت فاﺅنڈیشن بنوقابل کے ذریعے اپنے حصہ کی شمع جلا رہی ہے، حکومتیں اپنی ذمہ داری سے مکمل غافل ہیں۔
ان خیالات کا اظہار انہوں نے لاہور کے مقامی ہوٹل میں بنوقابل اسٹارٹ اپ ایکسیلنس سمٹ (Bano Qabil Startup Excellence Summit) سے بطور مہمان خصوصی خطاب کرتے ہوئے کیا۔
الخدمت فاﺅنڈیشن پاکستان کے زیراہتمام تقریب میں مختلف کمپنیوں نے نوجوانوں میں انٹرن شپ لیٹر تقسیم کیے۔ امیر جماعت اسلامی پنجاب وسطی جاوید قصوری، امیر لاہور ضیاالدین انصاری ایڈوکیٹ، سیکرٹری اطلاعات شکیل احمد ترابی، صدر الخدمت لاہور انجینئر احمد حماد اورحلقہ خواتین لاہور کی ناظمہ عظمیٰ عمران، نائب ناظمہ شازیہ عبدالقادر اور دیگر خواتین قیادت بھی اس موقع پر موجود تھی۔
حافظ نعیم الرحمن نے مختلف اسٹالز کا دورہ کیا اور الخدمت کی ٹیم کو بہترین تقریب کے انعقاد پر مبارکباد دی۔ انہوں نے شرکا کو بتایا کہ اطلاعات کے مطابق گوگل آئندہ چھ ماہ میں پاکستان میں اپنا دفتر کھولے گا، یہ نوجوانوں کے لیے ایک بڑی خوشخبری ہے۔
حافظ نعیم الرحمن نے نوجوانوں، طلبہ و طالبات کو نومبر میں مینار پاکستان پر اجتماع عام میں شرکت کی دعوت دی اور کہا کہ اجتماع عام ملک کے مظلوم طبقات کے لیے امید لے کر آئے گا اور تبدیلی کی تحریک کا آغاز ہوگا۔
حافظ نعیم الرحمن نے کہا کہ پاکستان میں بارہ لاکھ طلبہ وطالبات نے بنو قابل میں رجسٹریشن کرالی، بڑے شہروں میں مفت آئی ٹی کورسز کا آغاز ہوچکا ہے۔ نوجوانوں کے ساتھ عنقریب گھریلو خواتین کے لیے بھی مفت آئی ٹی تعلیم کا آغاز کریں گے، پہلے ہدف دس لاکھ تھا، اب آئندہ دوبرسوں میں بیس لاکھ بچوں کو مفت کورسز کرائیں گے۔
امیر جماعت اسلامی نے کہا کہ حکمرانوں کی لاپرواہی اور عوام کو وسائل کی عدم دستیابی کی وجہ سے پونے دوکروڑ بچے اسکول نہیں جاتے۔ روزگار کے مواقع نایاب ہیں ، نوجوان خطرناک راستوں سے یورپ بھاگ رہے ہیں۔ ملک میں 32 فیصد نوجوان بے روزگار ہیں، یہ تعداد چھ کروڑ کے قریب ہے۔ کسی قوم کے لیے اس سے بڑی بدقسمتی کیا ہوگی جب تعلیم تجارت بن جائے اور صلاحیتوں کے باوجود نوجوانوں کو مواقعوں سے محروم رکھا جائے۔ انہوں نے کہا کہ موجودہ حالات میں قوم اور خصوصی طور پر نوجوانوں کو فرسودہ نظام کے خلاف جدوجہد کرنا ہوگی، ہمیں اپنے حق کے لیے بھی لڑنا ہے اور تعلیم، ہنر میں بھی آگے بڑھنا ہے۔
ذریعہ: Jasarat News
کلیدی لفظ: حافظ نعیم الرحمن نے جماعت اسلامی کہا کہ کے لیے نے کہا
پڑھیں:
ظلم کا نظام اب نہیں چلے گا، جاگیرداری نظام کا خاتمہ کریں گے، حافظ نعیم الرحمن
data-id="863a0a8" data-element_type="widget" data-widget_type="theme-post-content.default">
گوجرہ/ٹوبہ ٹیک سنگھ:۔ امیر جماعت اسلامی پاکستان حافظ نعیم الرحمن نے مطالبہ کیا ہے کہ حکومت کھاد، بیج، زرعی ادویات اور ٹیوب ویلوں کے لیے بجلی کی قیمتوں کو نصف کرے، گندم کی امدادی قیمت 45 سو روپے من مقرر کی جائے۔ سستا آٹا عوام کا اور اجناس کے بہتر نرخ کسان کا حق ہے اور دونوں کو یقینی بنانا حکومت کی ذمہ داری ہے۔
گوجرہ میں کسان بچاﺅ پاکستان بچاﺅ روڈ کاررواں سے خطاب کرتے ہوئے انہوں نے اعلان کیا کہ اقتدار میں آکر جماعت اسلامی جاگیرداری نظام کا خاتمہ کرے گی اور انگریزوں کی عطا کردہ زمینیں اور غیر آباد رقبے چھوٹے کسانوں، ہاریوں، غریبوں میں تقسیم کیے جائیں گے۔
انہوں نے کہا کہ جماعت اسلامی کارپوریٹ فارمنگ کی بجائے مشترکہ کھیتی (cooperativefarming) کی حمایت کرتی ہے، زمینیں بڑی کمپنیوں کی نہیں، عام کسانوں کی ملکیت ہونی چاہیے۔
امیر جماعت اسلامی پنجاب وسطی جاوید قصوری، جنرل سیکرٹری پنجاب وسطی بابر رشید، صدر کسان بورڈ پاکستان سردار ظفر حسین امیر ٹوبہ ٹیک سنگھ ڈاکٹر عطا اللہ، امیر فیصل آباد محبوب الزمان بٹ، امیر جھنگ اور ڈاکٹر فرید مگھیانہ نے بھی شرکا کاررواں سے خطاب کیا۔ امیر جماعت اسلامی نے کسانوں اور زراعت کے لیے آواز اٹھانے پر کسان بورڈ کو مبارکباد دی۔
حافظ نعیم الرحمن نے کہا کہ جماعت اسلامی نے ماضی میں مختلف سیاسی پارٹیوں سے اتحاد بنائے، ماضی کے تجربات سے سیکھا ہے کہ اب اتحاد صرف اور صرف عوام، کسانوں، مزدوروں، نوجوانوں سے ہوگا، خواتین کے حق کے لیے بھرپور آواز اٹھار ہے ہیں، اقلیتوں کے محافظ ہیں۔
انہوں نے کہا کہ جماعت اسلامی عوام کے حقوق کے لیے نومبر میں نئے عزم اور پوری قوت سے مینار پاکستان پر تحریک کا آغاز کرے گی۔ کسانوں، مزدوروں کو تین روزہ اجتماع عام میں شرکت کی دعوت دیتا ہوں۔
حافظ نعیم الرحمن نے کہا کہ موجودہ پارلیمنٹ میں بڑی تعداد فارم 47 والوں کی ہے، انہوں نے تو عوام کے لیے کیا آواز اٹھانی ہے فارم 45 والے بھی نہیں بول رہے، ملک پر ایک ہی طرح کے لوگ مسلط ہیں، ان طبقات نے ہر شعبہ کو تباہ کیا، پنجاب حکومت نے زراعت کو خصوصی طور پر برباد کیا ہے۔ صوبائی حکومت کا اس سے بڑا ظلم کیا ہوگا کہ کسان سے وعدہ کرکے اور امدادی قیمت کا تعین کرکے گندم نہیں خریدی گئی۔
امیر جماعت اسلامی پاکستان نے کہاکہ وزیراعلیٰ جان لیں کہ محض اشتہارات سے عوام کو بے وقوف نہیں بنایا جاسکتا۔ ظلم کا نظام اب نہیں چلے گا، استحصالی معیشت، طبقاتی تعلیم، گلا سڑا عدالتی نظام بدلنا ہوگا، بلدیاتی نظام بااختیار ہوجائے تو بہت سے جھگڑے اور مسائل یونین کونسل سطح پر ہی ختم ہوسکتے ہیں۔ اللہ کی مدد و نصرت اور عوام کی تائید سے اقتدار میں آکر جماعت اسلامی اس پورے فرسودہ نظام کو تبدیل کرے گی۔
’پاکستان کو پولیو فری بنانا مشترکہ ذمہ داری ہے‘، ورلڈ پولیو ڈے پر خاتون اول کا پیغام