جھگڑا، ریڈ کارڈ اور پھر اپ سیٹ، انگلش پریمیئر لیگ میں یونائیٹڈ کیخلاف ایورٹن کی فتح
اشاعت کی تاریخ: 25th, November 2025 GMT
ایورٹن نے تقریباً پورا میچ 10 کھلاڑیوں کے ساتھ کھیلنے کے باوجود مانچسٹر یونائیٹڈ کیخلاف اولڈ ٹریفورڈ میں 12 سال بعد اپنی پہلی پریمیئر لیگ فتح حاصل کر لی۔
یہ سب اس وقت ہوا جب مڈفیلڈر ادریسا گانا گیئے کو اپنے ہی ساتھی کھلاڑی مائیکل کین کو تھپڑ مارنے پر ریڈ کارڈ دکھا کر باہر بھیج دیا گیا۔
یہ بھی پڑھیں: ’سعید نیسا‘، وادی کیلاش سے فٹبال کے میدان تک
پیر کی شب کِیرنن ڈیو سبری ہال کے شاندار پہلے ہاف کے گول نے مہمان ٹیم کو 0-1 کی فتح دلائی۔
انہوں نے 13ویں منٹ کے اس واقعے کے باوجود زبردست ثابت قدمی دکھائی، جس میں ناراض گیئے کو ریڈ کارڈ دکھایا گیا تھا۔
People failed to read the law's of the game that's misconduct in football no matter the player he do it with it's a Red card, punching, slap, kicked or any form of fight is a red card pic.
— Salimco (@Salimco69) November 24, 2025
یونائیٹڈ، جو 5 میچوں سے ناقابلِ شکست چلی آ رہی تھی، اس جیت کے ساتھ پوائنٹس ٹیبل پر پانچویں نمبر پر آ سکتی تھی۔
میزبان ٹیم نے خاص طور پر دوسرے ہاف میں گیند پر مکمل غلبہ رکھا، لیکن ایورٹن نے بہترین دفاع کیا اور یونائیٹڈ کے حملے کمزور دکھائی دیا۔
مزید پڑھیں: کرسٹیانو رونالڈو کے بیٹے نے بین الاقوامی میچ کھیل کر فٹبال کی دنیا میں باضابطہ قدم رکھ لیا
ایورٹن کے گول کیپر جوراڈن پک فورڈ نے کئی اہم حملوں کا کامیابی سے دفاع کیا اور سب سے اہم لمحے میں جاشوا زِرکزی کی ہیڈر کو 10 منٹ قبل شاندار انداز میں روکا۔
ایورٹن کی یہ دوسری اوے فتح تھی، جس سے وہ 18 پوائنٹس کے ساتھ اپنے ہم شہر حریف اور چیمپیئن لیورپول سے آگے 11ویں نمبر پر آ گئے۔ یونائیٹڈ بھی 18 پوائنٹس پر ہے لیکن بہتر گول ایوریج کے باعث اوپر ہے۔
مزید پڑھیں: برطانوی فٹبال لیجنڈ ڈیوڈ بیکہم کو شاہ چارلس کی جانب سے نائٹ کا اعزاز
ایورٹن کو 10ویں منٹ میں ہی بڑا دھچکا لگا جب کپتان شیمس کولمین انجری کے باعث باہر چلے گئے۔
اس سے بھی بڑا نقصان 3 منٹ بعد اس ناقابلِ یقین جھگڑے کی صورت میں سامنے آیا جو گیئے اور کین کے درمیان ہوا۔
#MUNEVE – 13’
The referee’s call of red card to Gueye for violent conduct was checked and confirmed by VAR – with the action deemed to be a clear strike to the face of Keane.
— Premier League Match Centre (@PLMatchCentre) November 24, 2025
پریمیئر لیگ میچ سینٹر نے ایکس پر بتایا گیئے کو پُرتشدد رویے پر دیا گیا ریڈ کارڈ وی اے آر نے چیک کرکے برقرار رکھا، اس حرکت کو ساتھی کھلاڑی کے چہرے پر واضح ضرب قرار دیا گیا۔
گیئے 2008 کے بعد پہلے ایسے کھلاڑی بن گئے ہیں جنہیں اپنے ساتھی سے لڑائی پر پریمیئر لیگ میں ریڈ کارڈ ملا۔
میچ کے بعد ڈیو سبری ہال نے اس مقابلے کو ’رولر کوسٹر‘ قرار دیتے ہوئے کہا کہ وہ واقعی خوش ہیں۔
مزید پڑھیں: فٹبال کی تاریخ کا نیا سنگِ میل، کرسٹیانو رونالڈو کے 950 گول مکمل
’لڑکوں نے زبردست محنت کی، مشکل حالات میں گول کرنا اور حوصلہ قائم رکھنا بہترین کارکردگی تھی، 3 پوائنٹس ملنے پر بہت خوش ہوں۔‘
انہوں نے کہا کہ گیئے نے میچ کے بعد ساتھی کھلاڑیوں سے معافی مانگ لی۔
’ہم آگے بڑھ رہے ہیں، ہماری ٹیم کا ردعمل شاندار تھا۔ ہم ٹوٹ بھی سکتے تھے، مگر اس واقعے نے ہمیں مزید مضبوط کیا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انجری انگلش پریمیئر لیگ ایورٹن ریڈ کارڈ مانچسٹر یونائیٹڈ
ذریعہ
ذریعہ: WE News
کلیدی لفظ: انگلش پریمیئر لیگ ایورٹن ریڈ کارڈ مانچسٹر یونائیٹڈ پریمیئر لیگ ریڈ کارڈ
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی