منگولیا میں آئندہ ہفتے شدید سردی، درجہ حرارت منفی 44 ڈگری سینٹی گریڈ تک گرنے کا خدشہ
اشاعت کی تاریخ: 29th, November 2025 GMT
منگولیا کے محکمہ موسمیات نے خبردار کیا ہے کہ آئندہ ہفتے ملک کے مختلف علاقوں میں شدید سردی اور برفباری متوقع ہے۔ بعض علاقوں میں درجہ حرارت منفی 39 سے منفی 44 ڈگری سینٹی گریڈ تک گر سکتا ہے۔
محکمہ موسمیات کے مطابق ہفتے کی رات سے مغربی اور وسطی منگولیا میں شدید برفباری ہوگی، جبکہ التائی پہاڑوں اور جنوبی صوبوں جیسے امنوگووی، ڈنڈگووی اور ڈورن گووی میں طوفانی ہوائیں چلنے اور برفانی طوفان آنے کا امکان ہے، جہاں ہوا کی رفتار 18 سے 20 میٹر فی سیکنڈ تک پہنچ سکتی ہے۔
محکمہ موسمیات نے اولان باتور اور ملک کے 21 صوبوں کے رہائشیوں، بشمول خانہ بدوش چرواہوں، کو ممکنہ آفات سے بچاؤ کے لیے اضافی احتیاط برتنے کی ہدایت کی ہے۔ منگولیا کی سردیوں کا موسم طویل اور سخت ہوتا ہے، اور درجہ حرارت اکثر منفی 25 سے منفی 45 ڈگری سینٹی گریڈ کے درمیان رہتا ہے۔
ذریعہ: Daily Mumtaz
پڑھیں:
صیہونی فوج کی غزہ پر شدید زمینی، ہوائی اور بحری بمباری
المیادین کی رپورٹ کے مطابق اسرائیلی گولہ باری نے غزہ شہر کے مشرقی علاقوں، بیت لاہیا کے قصبے، البریج کیمپ کے مشرقی حصّے، رفح شہر، اور خان یونس کے مشرق میں واقع القرارہ اور بنی سہیلہ کو نشانہ بنایا۔ اسی طرح جنگی طیاروں نے شجاعیہ اور التفاح کے محلّوں (مشرقی غزہ) پر کئی فضائی حملے کیے اسلام ٹائمز۔ قابض اسرائیلی فوج نے جمعہ اور ہفتہ کی درمیانی رات غزہ کے مختلف علاقوں پر اپنے زمینی، سمندری اور فضائی حملوں میں شدت پیدا کر دی اور وسیع علاقے کو بمباری کا نشانہ بنایا۔ المیادین کی رپورٹ کے مطابق اسرائیلی گولہ باری نے غزہ شہر کے مشرقی علاقوں، بیت لاہیا کے قصبے، البریج کیمپ کے مشرقی حصّے، رفح شہر، اور خان یونس کے مشرق میں واقع القرارہ اور بنی سہیلہ کو نشانہ بنایا۔ اسی طرح جنگی طیاروں نے شجاعیہ اور التفاح کے محلّوں (مشرقی غزہ) پر کئی فضائی حملے کیے، جبکہ قابض فوج کی زمینی گاڑیوں نے محلّہ الزيتون کے مشرقی علاقوں (جنوب مشرقی غزہ) پر فائرنگ اور گولہ باری کی۔ اسی دوران، جنگی بحری جہازوں نے غزہ کے ساحل کی جانب شدید فائرنگ اور گولہ باری کی۔ اسی دوران اسرائیلی ہیلی کاپٹروں نے بنی سہیلا اور القرارہ کے علاقوں میں فائرنگ بھی کی۔
سرگودھا ،معاون خصوصی وزیراعظم چودھری حامد حمید ن لیگی رکن قومی اسمبلی ارم حمید حلقہ PP-73میں ضمنی انتخابات کے موقع پر پولنگ اسٹیشن کا دورہ کررہے ہیں