جنوبی افریقی کرکٹر فاف ڈو پلیسی نے آئی پی ایل کے بجائے پی ایس ایل کو ترجیح دینے کا فیصلہ کر لیا
اشاعت کی تاریخ: 29th, November 2025 GMT
data-id="863a0a8" data-element_type="widget" data-widget_type="theme-post-content.default">
جنوبی افریقا کے سابق کپتان اور مایہ ناز بلے باز فاف ڈو پلیسی نے چودہ سیزن تک انڈین پریمیئر لیگ (آئی پی ایل) میں شرکت کے بعد اس بار نیلامی میں نام نہ دینے اور نئے چیلنج کے طور پر پاکستان سپر لیگ (پی ایس ایل) کھیلنے کا فیصلہ کرلیا ہے۔
فوٹو اور ویڈیو شیئرنگ کی معروف ایپلیکیشن انسٹاگرام پر انسٹا پوسٹ شیئر کرتے ہوئے جنوبی افریقا کے سابق کپتان فاف ڈو پلیسی نے کہا کہ آئی پی ایل نے انہیں یادگار تجربات، بے شمار محبت اور عزت دی اور یہ فیصلہ کسی طرح الوداع نہیں بلکہ ایک وقفہ ہے۔
انہوں نے کہا کہ میں دوبارہ آؤں گا، مسلسل چودہ برس تک آئی پی ایل کا حصہ رہنے کے بعد اب میں اپنے کیریئر میں ایک نئی سمت، نئے ماحول اور نئے چیلنج کی تلاش میں ہوں۔
انہوں نے کہا کہ پی ایس ایل میں شرکت ان کے لیے ایک تازہ اور پُرجوش قدم ہے، جہاں وہ نہ صرف اپنی صلاحیتوں کو مزید نکھاریں گے بلکہ ایک ایسے پلیٹ فارم پر کھیلیں گے جس میں بے مثال ٹیلنٹ اور توانائی موجود ہے۔
فاف ڈو پلیسی کا کہنا تھا کہ وہ پاکستان کی مہمان نوازی، مقامی کرکٹ کلچر اور پی ایس ایل کے مقابلانہ ماحول کا تجربہ کرنے کے لیے بے حد پرجوش ہیں۔
41 سالہ فاف ڈو پلیسی نے آئی پی ایل کا آخری سیزن دہلی کیپیٹلز کی جانب سے کھیلا تھا، جہاں وہ دو کروڑ بھارتی روپے میں شامل ہوئے تھے۔ وہ اس سے قبل پی ایس ایل میں کوئٹہ گلیڈی ایٹرز اور پشاور زلمی کی نمائندگی بھی کر چکے ہیں، اور اسی تجربے نے انہیں ایک بار پھر پاکستان کی لیگز کا حصہ بننے پر آمادہ کیا ہے۔
پی ایس ایل فرنچائزز اور شائقین اب ان کے انتخاب کا بے چینی سے انتظار کر رہے ہیں، جبکہ ڈو پلیسی کے اس اعلان نے ٹورنامنٹ میں بین الاقوامی اسٹارز کی موجودگی کو مزید تقویت دی ہے
ان کے اس اعلان نے کرکٹ شائقین کو حیران بھی کیا اور پی ایس ایل کے آنے والے سیزن میں جوش و خروش میں مزید اضافہ کردیا ہے۔
ذریعہ: Jasarat News
کلیدی لفظ: آئی پی ایل پی ایس ایل
پڑھیں:
انٹرنیشنل کرکٹر کو خاتون پر حملہ اور فون چوری کے الزام میں تین سال قید
پاپوا نیوگنی کے وکٹ کیپر بلے بازکلپلنگ ڈوریگا کو ایک خاتون پر حملہ کرکے اس کا موبائل فون چھیننے کے جرم میں تین سال قید کی سزا سنائی گئی ہے۔
تفصیلات کے مطابق 30سالہ ڈوریگا جرسی میں جاری آئی سی سی کرکٹ ورلڈ کپ چیلنج لیگ میں اپنے ملک کی نمائندگی کررہے تھے۔
وہ ڈنمارک اور کویت کے خلاف میچ کھیل چکے تھے اور مزید مقابلے بھی شیڈول تھے۔
واقعہ 25 اگست کو راتتقریباً ڈھائیبجے پیش آیا جب ڈوریگا ہوٹل واپس جا رہے تھے۔
ہیلری اسٹریٹ، سینٹ ہیلئیر میں انہوں نے ایک خاتون کو دیکھا اور اچانک اس پر حملہ کر کے اسے زمین پر گرا دیا، جس کے بعد اس کا فون چھین لیا۔
پولیس کے پاس خاتون کے زخموں کی تفصیلات موجود نہیں، تاہم ڈوریگا کو اسی دن گرفتار کر لیا گیا تھا۔
اگلے روز ان پر ڈکیتی کا باضابطہ مقدمہ دائر کیا گیا اور 27 اگست کو جرسی مجسٹریٹس کورٹ میں انہوں نے جرم تسلیم کر لیا۔
بعد ازاں 28 نومبر کو رائل کورٹ نے فیصلہ سناتے ہوئے انہیں تین سال قید کی سزا سنا دی، جس سے ان کے کرکٹ کیریئر پر بھی گہرے اثرات مرتب ہونے کا امکان ہے۔
تھانہ گلبرگ نے منشیات مافیا کے عامر عرف کالا کو دھر لیا