وزیر دفاع خواجہ آصف کی عمران خان پر سخت تنقید، پاکستان دشمن رویہ قرار
اشاعت کی تاریخ: 6th, December 2025 GMT
سیالکوٹ: وزیر دفاع خواجہ آصف نے کہا ہے کہ بانی پی ٹی آئی عمران خان بھارت سے جنگ کے دوران بھی غیر ذمہ دارانہ اور غلط زبان استعمال کرتے رہے، ان کی شناخت پاکستان دشمن کی ہے۔
میڈیا سے گفتگو میں انہوں نے سخت ردعمل دیتے ہوئے کہا کہ ایسے بیانات اور رویے کسی پاکستانی کے نہیں ہو سکتے۔
خواجہ آصف نے کہا کہ ڈی جی آئی ایس پی آر نے انتہائی محتاط انداز میں بات کی، لیکن مجھے آزادی ہے کہ میں ان کی اینٹ کا جواب پتھر سے دے سکتا ہوں۔ اگر وہ اس قسم کی زبان استعمال کریں گے تو جواب بھی اسی لہجے میں دیا جائے گا۔
انہوں نے عمران خان کی بہن کے بھارتی میڈیا کو دیے گئے انٹرویو پر بھی اعتراض کیا اور کہا کہ وہ غیر سیاسی ہیں، مگر پھر بھی ایسے الفاظ بولے جو کوئی ذمے دار پاکستانی نہیں کہہ سکتا، کیا اس مٹی سے ان کا کوئی تعلق نہیں؟
وزیر دفاع کا کہنا تھا کہ بھارت کے خلاف جنگ کے دنوں میں پوری قوم متحد کھڑی تھی، ہمارے دوست اور بھائی ہمارے ساتھ تھے، لیکن ایک سیاسی جماعت نے اس وقت بھی وہ کردار ادا نہ کیا جو ایک پاکستانی کا ہونا چاہیے تھا۔ بانی پی ٹی آئی اس وقت بھی ہر معاملے میں غلط زبان استعمال کرتے رہے اور فوجی قیادت کو نشانہ بناتے رہے۔
خواجہ آصف نے کہا کہ جن کی زبان سے شہید بھی محفوظ نہ ہوں، وہ کس بنیاد پر خود کو پاکستانی کہلوانے کی کوشش کرتے ہیں؟ وہ لوگ جن کا کردار ایسا ہو، وہ ملک کے لیے نیک نیتی کیسے ثابت کر سکتے ہیں؟
انہوں نے مزید کہا کہ سیاست ضرور کریں، احتجاج بھی کریں، لیکن پاکستان کی سرزمین، غیرت اور اہمیت کو نہ للکاریں۔ اختلاف کا حق سب کو ہے مگر دہشتگردوں کی حمایت اور ان کے بیانیے کی تکرار قوم کو کسی صورت قبول نہیں۔
خواجہ آصف نے کہا کہ ہم نے بھی ماضی میں فوج پر تنقید کی، لیکن اپنے شہیدوں کے حق میں کھڑے رہے۔ طالبان اور دہشتگردوں کی حمایت نہیں کی، نہ بھتہ دیا، نہ ان کے لیے نرم گوشہ رکھا۔
.
ذریعہ
ذریعہ: Al Qamar Online
کلیدی لفظ: پاکستان کھیل خواجہ آصف نے کہا
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ