لاہور میں پاکستانی تاریخ کا سب سے دلچسپ مقدمہ درج
اشاعت کی تاریخ: 9th, December 2025 GMT
لاہور میں سیشن کورٹ کے ایک جج کے چیمبر سے 2 سیب اور ایک ہینڈ واش چوری ہونے پر پولیس نے مقدمہ درج کر لیا ہے، جو سوشل میڈیا پر طنز و مزاح کا موضوع بن چکا ہے۔
تھانہ اسلام پورہ میں درج ایف آئی آر کے مطابق یہ واقعہ 5 دسمبر کو پیش آیا، جب ایڈیشنل سیشنز جج نور محمد بسمل کے چیمبر سے 2 سیب اور ہینڈ واش چوری پایا گیا۔ چوری شدہ اشیا کی مجموعی مالیت 1000 روپے بتائی گئی ہے۔
مقدمہ جج کے ریڈر کی مدعیت میں درج کیا گیا، جن کے مطابق یہ رپٹ جج صاحب کی ہدایت پر درج کرائی گئی۔
پولیس نے مقدمہ تعزیرات پاکستان کی دفعہ 380 کے تحت درج کیا ہے، جس کے تحت چوری ثابت ہونے پر ملزم کو 7 سال تک قید یا جرمانہ، یا دونوں سزائیں دی جا سکتی ہیں۔
اس انوکھی ایف آئی آر نے سوشل میڈیا پر ہلچل مچادی۔
متعدد صارفین حیرت کا اظہار کرتے ہوئے اسے ملک کے نظامِ انصاف پر سوالیہ نشان قرار دے رہے ہیں۔
ایک صارف نے طنزاً کہا کہ شاید چوری شدہ سیب اور ہینڈ واش کی ریکوری کے لیے جے آئی ٹی بھی بنا دی جائے!
دوسرے صارف نے لکھا کہ عام آدمی کے لاکھوں، کروڑوں لوٹ لیے جائیں تو ایف آئی آر نہیں ہوتی، لیکن جج صاحب کے سیب چوری ہوں تو پوری ریاست حرکت میں آجاتی ہے۔
کئی افراد نے اس واقعے کا تقابل اسلام آباد میں گاڑی کی ٹکر سے 2 لڑکیوں کی ہلاکت کے کیس سے بھی کیا، جس میں مبینہ طور پر ایک اعلیٰ عدالتی افسر کا بیٹا ملوث ہے۔
قانونی ماہرین کیا کہتے ہیں؟دوسری جانب بعض افراد کا کہنا ہے کہ چوری چاہے چھوٹی ہو یا بڑی، قانون کے مطابق اس کی ایف آئی آر درج ہونا ضروری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ایف آئی آر
پڑھیں:
نیٹ فلکس کی پہلی پاکستانی اوریجنل سیریز ’جو بچے ہیں سنگ سمیٹ لو‘ کب ریلیز ہوگی؟
پاکستان کی پہلی نیٹ فلکس اوریجنل سیریز ’جو بچے ہیں سنگ سمیٹ لو‘ کی ریلیز سے متعلق طویل انتظار کے بعد اہم پیش رفت سامنے آئی ہے جن کے مطابق طویل انتظار کے بعد یہ سیریز 2026 کے اختتام تک نیٹ فلکس پر پیش کیے جانے کا امکان ہے۔
یہ سیریز معروف ناول نگار فرحت اشتیاق کے شہرۂ آفاق ناول ’جو بچے ہیں سنگ سمیٹ لو‘ پر مبنی ہے جسے ہم ٹی وی اور نیٹ فلکس کے اشتراک سے تیار کیا گیا ہے۔ یہ پاکستان کی پہلی ایسی ڈرامہ سیریز ہوگی جسے نیٹ فلکس نے بطور اوریجنل پاکستانی پروڈکشن پیش کرنے کا فیصلہ کیا ہے۔
یہ بھی پڑھیں: نیٹ فلکس پر پاکستانی مواد نہ ہونے کی اصل وجہ کیا ہے؟ فیصل قریشی نے سب کچھ بتا دیا
سیریز میں پاکستانی شوبز انڈسٹری کے صفِ اول کے فنکار جلوہ گر ہوں گے جن میں ماہرہ خان، فواد خان، بلال اشرف، حمزہ علی عباسی، ہانیہ عامر، اقرا عزیز، صنم سعید، احد رضا میر، نادیہ خان سمیت کئی معروف اداکار شامل ہیں جبکہ اس کی ہدایت کاری اور پروڈکشن معروف پروڈیوسر مومنہ درید نے کی ہے۔
واضح رہے کہ اس سیریز کی ریلیز ابتدائی طور پر 2025 میں متوقع تھی تاہم مقررہ وقت پر اسے جاری نہیں کیا گیا۔ اس کے بعد طویل عرصے تک نہ تو پروڈیوسرز اور نہ ہی فنکاروں کی جانب سے کوئی باضابطہ اعلان سامنے آیا جس کے باعث اس منصوبے کے مستقبل سے متعلق مختلف قیاس آرائیاں گردش کرتی رہیں۔
یہ بھی پڑھیں: نیٹ فلکس کے شیئرز میں 9 فیصد سے زیادہ کمی، سرمایہ کاروں کو تشویش لاحق
تاہم تازہ میڈیا رپورٹس کے مطابق سیریز کی فائنل ایڈیٹنگ کا کام آخری مراحل میں ہے اور مومنہ درید خود اس عمل کی نگرانی کر رہی ہیں۔ رپورٹس میں یہ بھی دعویٰ کیا گیا ہے کہ سیریز کی اسٹار کاسٹ جلد ہی اس کی تشہیری مہم کا آغاز کرے گی۔
دوسری جانب مسلسل تاخیر کے باعث شائقین ان نئی اطلاعات پر محتاط ردِعمل دے رہے ہیں۔ سوشل میڈیا پر کئی صارفین کا کہنا ہے کہ وہ ریلیز کی خبروں پر اس وقت تک یقین نہیں کریں گے جب تک نیٹ فلکس باضابطہ طور پر سیریز کی ریلیز کی تاریخ یا اقساط جاری نہیں کر دیتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جو بچے ہیں سنگ سمیٹ لو فواد خان ماہرہ خان نیٹ فلکس نیٹ فلکس سیریز
بھارت سے جنگ اور افغانستان میں کارروائی خارج ازامکان نہیں، وزیردفاع