برش کرنے کا بہترین وقت کون سا؟ ناشتہ سے پہلے یا بعد؟
اشاعت کی تاریخ: 9th, December 2025 GMT
دانتوں کو صحیح طریقے سے برش کرنے سے نہ صرف آپ کے دانت اور مسوڑھے مضبوط ہوتے ہیں بلکہ بیماریوں کا خطرہ بھی کم ہو جاتا ہے، لیکن برش کرنے کا صحیح وقت کون سا ہے؟
ڈینٹسٹ مطابق ناشتہ سے پہلے دانت صاف کرنا صحت کے لیے نہایت اہم ہے۔ ڈاکٹر مشل یورگینسن نے اپنی حالیہ انسٹاگرام پوسٹ میں اس موضوع پر روشنی ڈالتے ہوئے بتایا کہ صبح اٹھتے ہی برش کرنا بیکٹیریا کے اثرات کو کم کرنے میں مؤثر کردار ادا کرتا ہے۔
View this post on Instagram
A post shared by Dr.
ڈاکٹر مشل کے مطابق رات کے دوران منہ میں بیکٹیریا کی افزائش بڑھ جاتی ہے اور اگر ناشتہ کرنے سے قبل انہیں صاف نہ کیا جائے تو کھانے کے ساتھ مل کر یہ بیکٹیریا تیزابیت پیدا کرتے ہیں جو دانتوں کو کمزور بنا سکتی ہے۔ ان کا کہنا تھا کہ ناشتے کے بعد برش کرنے سے خطرہ یہ ہوتا ہے کہ تیزابیت کے باعث نرم پڑ جانے والا اینامل برش کے ذریعے اور زیادہ نقصان کا شکار ہو سکتا ہے۔
یہ بھی پڑھیں: ٹوتھ برش ایک کروڑ جراثیم کا مسکن، کب تبدیل کرلینا چاہیے؟
انہوں نے وضاحت کی کہ دانتوں کی مضبوطی کے لیے ضروری معدنیات کا منہ میں مناسب وقت تک موجود رہنا ضروری ہے اور یہی فائدہ ہائیڈروکسی ایپیٹائٹ ٹوتھ پیسٹ فراہم کرتا ہے۔ ہائیڈروکسی ایپیٹائٹ وہ بنیادی معدنی جز ہے جس سے دانتوں کا اینامل بنتا ہے اس لیے یہ دانتوں کی قدرتی ریمینرلائزیشن میں مددگار ثابت ہوتا ہے۔
ڈاکٹر مشل نے مزید کہا کہ اگر کوئی شخص ناشتہ کے بعد ہی برش کرنا چاہتا ہے تو کم از کم 30 منٹ کا وقفہ ضرور رکھے خصوصاً جب ناشتے میں تیزابی مشروبات جیسے اورنج جوس یا کافی شامل ہوں۔ ان کے مطابق یہ وقفہ دانتوں کو تیزابیت سے بحالی کا وقت فراہم کرتا ہے۔ انہوں نے زور دیتے ہوئے کہا کہ بہترین نتائج کے لیے برش ہمیشہ ناشتہ سے پہلے کرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دانت دانت برش ڈینٹسٹ
ذریعہ
ذریعہ: WE News
پڑھیں:
پنجاب حکومت کا بڑا ریلیف، گھر کی مرمت اور توسیع کے لیے 10 لاکھ روپے تک بلاسود قرض کا اعلان
لاہور: اپنی چھت محفوظ چھت پروگرام 2026 کے تحت پنجاب حکومت نے ایسے شہریوں کے لیے خوشخبری سنائی ہے جو اپنے گھروں کی مرمت، مضبوطی یا توسیع کرنا چاہتے ہیں۔ اس منصوبے کے ذریعے اہل درخواست گزاروں کو 5 لاکھ سے 10 لاکھ روپے تک بلاسود قرض فراہم کیا جائے گا تاکہ وہ بغیر سود کے اپنے گھر کی ضروری تعمیراتی ضروریات پوری کر سکیں۔
حکومت کا کہنا ہے کہ اس پروگرام کا مقصد کم اور متوسط آمدن رکھنے والے خاندانوں کو بہتر رہائشی سہولیات فراہم کرنا اور گھروں کی محفوظ تعمیر و مرمت میں مالی مدد دینا ہے۔
دو مختلف کیٹیگریز میں قرض فراہم کیا جائے گا
اس اسکیم کے تحت قرضوں کی فراہمی کو دو حصوں میں تقسیم کیا گیا ہے۔
پہلی کیٹیگری ان افراد کے لیے مختص ہے جو اپنے موجودہ گھر کی چھت کی مرمت، بنیادی ڈھانچے کی مضبوطی یا ضروری تعمیراتی کام کروانا چاہتے ہیں۔ ایسے درخواست گزار 5 لاکھ روپے تک بلاسود قرض حاصل کر سکیں گے، جس کی واپسی 9 سال کے دوران آسان ماہانہ اقساط میں ہوگی۔ اس کی متوقع ماہانہ قسط تقریباً 4 ہزار 700 روپے ہوگی۔
دوسری کیٹیگری ان شہریوں کے لیے رکھی گئی ہے جو اپنے گھر میں توسیع، جیسے دوسری منزل یا اضافی کمروں کی تعمیر، کرنا چاہتے ہیں۔ انہیں 10 لاکھ روپے تک بلاسود قرض دیا جائے گا، جسے بھی 9 سال میں واپس کرنا ہوگا۔ اس قرض کی متوقع ماہانہ قسط تقریباً 9 ہزار 300 روپے ہوگی۔
درخواست کیسے دیں؟
اپنی چھت محفوظ چھت پروگرام 2026 کے لیے درخواست دینے کے خواہشمند افراد پنجاب حکومت کے مخصوص آن لائن پورٹل کے ذریعے رجسٹریشن کر سکتے ہیں۔ درخواست جمع کراتے وقت شناختی اور دیگر ضروری دستاویزات فراہم کرنا لازمی ہوگا۔
وہ افراد جو انٹرنیٹ کے ذریعے درخواست نہیں دے سکتے، ان کے لیے متبادل سہولت بھی فراہم کی گئی ہے۔ ایسے شہری اپنی درخواست متعلقہ ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
حکومت نے شہریوں کو مشورہ دیا ہے کہ درخواست جمع کرانے سے پہلے اپنی تمام معلومات اور دستاویزات مکمل کر لیں تاکہ درخواست کی جانچ کے عمل میں کسی قسم کی دشواری پیش نہ آئے۔
بھارت سے جنگ اور افغانستان میں کارروائی خارج ازامکان نہیں، وزیردفاع