قومی استحکام کو نقصان پہنچانے والے عناصر سے نمٹنے کیلئے مکمل تیار ہیں: فیلڈ مارشل
اشاعت کی تاریخ: 13th, December 2025 GMT
چیف آف ڈیفنس فورسز فیلڈ مارشل سید عاصم منیر کا کہنا ہے قومی استحکام کو نقصان پہنچانے والے تفرقہ انگیز عناصر سے نمٹنے کے لیے مکمل طور پر تیار ہیں۔ پاک فوج کے شعبہ تعلقات عامہ آئی ایس پی آر کے مطابق فیلڈ مارشل سید عاصم منیر نے گوجرانوالہ اور سیالکوٹ گیریژنز کا دورہ کیا جس دوران انہیں فارمیشن کی آپریشنل تیاری اور جنگی صلاحیتوں کو مزید مضبوط بنانے سے متعلق اقدامات پر بریفنگ دی گئی۔ اس موقع پر فیلڈ مارشل نے فیلڈ ٹریننگ ایکسرسائز اور جدید سمیولیٹر ٹریننگ سہولت کا مشاہدہ کیا، چیف آف ڈیفنس فورسز نے فارمیشن کے اعلیٰ پیشہ ورانہ معیار اور مجموعی تیاری کی تعریف کی۔ آئی ایس پی آر کے مطابق فیلڈ مارشل عاصم منیر نے ٹیکنالوجی سے ہم آہنگی کی اہمیت پر زور دیا اور کہا کہ جدید جنگی ماحول میں پھرتی، درستگی، مؤثر حالات سے آگاہی اور بروقت فیصلہ سازی ناگزیر ہے۔ اس موقع پر چیف آف ڈیفنس فورسز نے افسران اور جوانوں سے گفتگو کی اور ان کے بلند حوصلے اور قومی سلامتی کے لیے غیر متزلزل عزم کو سراہا۔ چیف آف ڈیفنس فورسز نے جوانوں کی سخت گیر مشن پر مبنی تربیت کی اہمیت اجاگر کی اور کہا کہ پاک فوج اندرونی و بیرونی چیلنجز، انتہا پسند نظریات سے نمٹنے کے لیے مکمل طور پر تیار ہے، پاک فوج قومی استحکام کو نقصان پہنچانے والے تفرقہ انگیز عناصر سے نمٹنے کے لیے مکمل طور پر مستعد ہے۔
.ذریعہ: Nawaiwaqt
کلیدی لفظ: چیف آف ڈیفنس فورسز فیلڈ مارشل کے لیے
پڑھیں:
فیلڈ مارشل عاصم منیر کاگوجرانوالہ ،سیالکوٹ گیریژن کادورہ
راولپنڈی (نیوز ڈیسک) پاک فوج کے شعبہ تعلقاتِ عامہ (آئی ایس پی آر) کے مطابق فیلڈ مارشل عاصم منیر نے گوجرانوالہ اور سیالکوٹ گیریژن کادورہ کیا۔ دورے کے موقع پر فیلڈ مارشل نے آپریشنل بریفنگز کا جائزہ لیا، توپ خانے اور دستوں کی نقل و حرکت پر مشتمل فیلڈ مشقوں کا مشاہدہ کیا اور جدید سمیولیٹر ٹریننگ سہولت کا معائنہ بھی کیا۔فیلڈ مارشل عاصم منیر نے افسران اور جوانوں کی بلند پیشہ ورانہ صلاحیتوں اور اعلیٰ حوصلے کو سراہتے ہوئے کہا کہ جدید جنگی تقاضوں کے مطابق ٹیکنالوجی کا مؤثر انضمام، تیز فیصلہ سازی اور لچکدار حکمتِ عملی ناگزیر ہے۔ انہوں نے اس عزم کا اعادہ کیا کہ پاک فوج اندرونی و بیرونی چیلنجز، بشمول ہائبرڈ وارفیئر اور انتہاپسندی، سے نمٹنے کے لیے مکمل طور پر تیار ہے۔آئی ایس پی آر کے مطابق یہ دورہ معمول کے آپریشنل معائنے کا حصہ تھا، جس کا مقصد جنگی تیاریوں، تربیتی معیار اور سرحدی سیکیورٹی کی صورتحال کا جائزہ لینا ہے۔ بیان میں کہا گیا کہ فیلڈ مارشل نے موجودہ علاقائی کشیدگی کے تناظر میں مستعدی اور پیشہ ورانہ برتری برقرار رکھنے کی ہدایت کی۔
چیف آف آرمی اسٹاف اور چیف آف ڈیفنس فورسز فیلڈ مارشل عاصم منیر کا گوجرانوالہ اور سیالکوٹ گیریژنز کا دورہ، آئی ایس پی آر pic.twitter.com/Ttz9DAb90W
— Ghazanfar Abbas (@ghazanfarabbass) December 13, 2025
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر