وزیراعلیٰ خیبرپختونخوا نے لاہور سے اسٹریٹ موومنٹ کا باقاعدہ آغاز کردیا، عوام کیطرف سے بھرپور استقبال
اشاعت کی تاریخ: 27th, December 2025 GMT
وزیر اعلی خیبر ہختونخوا نے لاہور میں باقاعدہ اسٹریٹ موومنٹ کا آغاز کر دیا، شہر کی گلیوں میں بانی پی ٹی ائی کے حق میں نعرے بھی لگوائے جبکہ عوام کی جانب سے گل پاشی اور پرتپاک استقبال کیا گیا۔
ایکسپریس نیوز کے مطابق وزیراعلیٰ خیبرپختونخوا سہیل آفریدی نے لاہور میں دوسرا مصروف ترین دن گزارا جس کے دوران انہوں نے لاہور ہائیکورٹ بار میں منعقد تقریب سے خطاب کیا جبکہ حماد اظہر سمیت دیگر رہنماؤں کے گھر بھی گئے۔
اس کے علاوہ وزیراعلیٰ خیبرپختونخوا نے زمان پارک میں جاکر بانی پی ٹی آئی کی بہن علیمہ خان سے بھی ملاقات کی۔
سہیل آفریدی نے بانی کی ہدایت کے مطابق لاہور میں اسٹریٹ موومنٹ کا آغاز کیا اور شہر کی گلیوں میں جگہ جگہ رک کر عوام سے خطاب کیا جبکہ شہریوں نے گل پاشی اور نعرے لگا کر وزیراعلیٰ کے پی کا استقبال کیا۔
عوام خوف کے بت توڑ چکی ہے۔ لاہور کی سڑکوں، گلیوں اور بازاروں میں 'عمران خان زندہ باد' کے نعرے گونج رہے ہیں۔۔ pic.
زمان پارک میں ملاقات کے بعد وزیر اعلی خیبر پختونخوا سہیل آفریدی اور بانی پی ٹی آئی کی بہن علیمہ خان نے مشترکہ میڈیا سے گفتگو کی اور سہیل آفریدی نے کہا کہ اج بہت خوشی ہورہی ہے زمان پارک اپنے قائد گھر آیا ہوں، ابھی خوشی ادھوری ہے کہ اکیلا آیا ہوں مگر انشا اللہ جلد میرا لیڈر بھی میرے ساتھ ہوگا۔
انہوں نے کہا کہ یہ طاقت کے نشے میں اتنے پاگل ہو چکے ہیں کہ یہ اپنے اقتدار کے لیے پاکستان کے پچاس ٹکڑے بھی کر سکتے ہیں، یہ کبھی پاکستان کے ساتھ مخلص تھے ہی نہیں یہ تو کبھی چاہتے ہی نہیں کہ مذاکرات ہوں یہ تو چاہتے ہیں جنگ جاری رہے۔
وزیراعلیٰ نے کہا کہ ان کو کوئی پوچھنے والا نہیں ہے، اتںے میں تو پراڈو بھی نہیں بکتی جتنے میں یہ پی آئی اے بیچ دی، انہوں نے جوکل ہماری بےعزتی کی اور اسے ہمارے دل و دماغ پر نقش کردیا ہے۔
وزیراعلیٰ سہیل آفریدی نے کہا کہ انڈیا نے کشمیر میں یہ سلوک نہیں کیا ہوگا جو کل سے یہاں ہمارے ساتھ ہورہا ہے مگر لاہوریوں نے ہمیشہ ہمیں پیار دیا کیونکہ یہ خانصاحب کا شہر ہے۔
سہیل آفریدی اندرون لاہور میں لہوریوں کے ساتھ
لاہور لاہور ہے۔ شفیع جان کا تبصرہ pic.twitter.com/n0TnoUZxtx
علیمہ خان نے گفتگو کرتے ہوئے کہا کہ یہ بیچارے اتنے ڈرے او گرے ہوئے لوگ ہیں کہ خواتین اور بچوں کو روک رہے ہیں، آج تینوں جانب سے زمان پارک سڑکیں بند کر دی ہوئی ہیں لیکن کب تک یہ روک سکتے ہیں۔
انہوں نے کہا کہ میرے گیٹ کے آگئے پولیس بٹھائی ہوئی ہے یہ سمجھتے ہیں ہم ڈر جائیں گے لیکن ہم نہیں ڈرتے، اصل میں یہ عوام سے ڈرے ہوئے ہیں اسی لیے سڑکیں اور راستے بند کر دئیے ہیں، آج پورے زمان پارک کو جیل بنا دیا ہے یہاں کے لوگ اندر آسکتے ہیں اور نہ باہر کا سکتے ہیں۔
علیمہ خان نے کہا کہ فکر نہ کریں سہیل آفریدی، اچکزئی اور باقی لوگ یہاں سب آ کر بیٹھیں گے، یہ کیسے ہو سکتا ہے پنجاب پولیس خیبر پختوںخوا کی پولیس پر حاوی ہو جائے۔ آج شروعات ہے یہ کتنے بیرئر لگائیں گے جب لاہور کھڑا ہوگا تو یہ روک نہیں سکیں گے کیونکہ یہ سارے لاہور کو بند نہیں کرسکتے۔
انہوں نے کہا کہ میری بہن کو جو بھائی نے پیغام دیا وہی اصلی پیغام ہے، خان صاحب کا آخری ہیغام آگیا ہے کہ سڑکوں پر آئیں تو ہم سڑکوں پر آئیں گے، یہ صرف یہ چاہتے ہیں کہ بانی پی ٹی آئی ان کو قبول کرلیں۔
لاہور کے بازاروں میں pic.twitter.com/WO4VmCniYG
— Meena Khan Afridi (@MeenakhanAfridi) December 27, 2025قبل ازیں وزیر اعلیٰ کے پی کے سہیل آفریدی نے لاہور ہائیکورٹ میں وکلا سے خطاب کرتے ہوئے کہا کہ وکلا برادری کی جانب سے دی جانے والی عزت پر اُن کا مشکور ہوں، پنجاب کی قابض حکومت کا رویہ مہمانوں کے ساتھ سب کے سامنے ہے م بانی پی ٹی آئی نے کہا سٹریٹ موومنٹ کی تیاری کرنی ہے، جس میں وکلا برداری کا اہم کردار ہوگا۔
وزیراعلیٰ نے کہا کہ ان حکمرانوں نے نظام عدل کو مفلوج کر دیا، تین جج حکم دیتے ہے کہ بانی سے میری ملاقات کروائی جائے، ایک جیل سپرنٹینڈنٹ عدالتی آڈر ردی کی ٹوکری میں ڈال دیتا ہے۔ انہوں نے کہا کہ بانی پی ٹی آئی نے کہا آئین عدلیہ کی بحالی لائے گی، پنجاب میں پولیس بدمعاش پولیس بن گئی ہے۔
انہوں نے کہا کہ آئین ہمیں جلسے اور احتجاج کی اجازت دیتا ہے، ایک صوبے کا وزیراعلی آتا تو ہزار سے زیادہ کارکنوں کو اٹھا لیا جاتا ہے، تحریک انصاف عدلیہ کی آزادی کے ساتھ کھڑی ہے۔
ذریعہ
ذریعہ: Express News
کلیدی لفظ: انہوں نے کہا کہ سہیل ا فریدی نے بانی پی ٹی آئی علیمہ خان زمان پارک لاہور میں نے لاہور کے ساتھ ہیں کہ
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار