مشہور زمانہ فلم ’ہوم آ لون‘ کے وہ حقائق جو آپ اس سے قبل نہیں جانتے تھے
اشاعت کی تاریخ: 28th, December 2025 GMT
شاید ہی کوئی ایسا شخص ہو جس نے ہوم آلون نہ دیکھی ہو جس کے ریلیز کو آج پورے 35 سال ہوگئے لیکن فلم کے کچھ آف دا اسکرین ایسے حقائق ہیں جسے کم ہی لوگ جانتے ہیں۔
یہ ایک ایسی روایت سے ہٹ کر فلم جس کی پوری کہانی ایک بچے کے گرد گھومتی ہو اور جس کا مرکزی کردار بھی ایک بچے کو ادا کرنا ہو، ایسی فلم کو بنانا بہت بڑا رسک تھا۔
یہ فلم 1990 میں ریلیز کی گئی اور دیکھتے ہی دیکھتے عالمی شہرت یافتہ فلم بن گئی جس کی کہانی اور کردار آج بھی فلم بینوں کے دلوں میں زندہ ہیں۔
کرسمس اور ہوم الون
یہ فلم آج بھی کرسمس کی روایات کا لازمی حصہ سمجھی جاتی ہے کیوں کہ فلم کا مرکزی کردار یعنی ننھا بچہ گھر میں اکیلا رہ جاتا ہے اور اہل خانہ کرسمس تعطیلات منانے چلے جاتے ہیں۔
یہی وجہ ہے کہ اس فلم کو برطانیہ میں اس سال کرسمس کے دن ایک بار پھر ٹی وی پر نشر کیا جا رہا ہے جس سے نئی نسل کے ناظرین بھی اس سے لطف اندوز ہو رہے ہیں۔
کہانی کا خلاصہ
فلم کی کہانی آٹھ سالہ کیون میکلسٹر کے گرد گھومتی ہے، جو کرسمس کی تعطیلات پر اپنے خاندان کے سفر کے دوران غلطی سے گھر میں اکیلا رہ جاتا ہے۔
ابتدا میں آزادی سے لطف اندوز ہونے والا کیون اس وقت مشکل میں پڑ جاتا ہے جب اس کا گھر چوروں کے نشانے پر آ جاتا ہے اور وہ اپنی ذہانت سے گھر کا دفاع کرتا ہے۔
میکالے کلکن کی شہرت
ہوم الون نے کم عمر اداکار میکالے کلکن کو راتوں رات عالمی شہرت دلائی۔ شوٹنگ کے وقت ان کی عمر صرف 10 برس تھی، جس کے باعث وہ رات گئے تک سیٹ پر موجود نہیں رہ سکتے تھے۔
ہدایتکار کا انوکھا کردار
بچوں سے متعلق قوانین کے باعث ہدایتکار کرس کولمبس نے بعض رات کے مناظر میں خود کیون کا کردار ادا کیا۔ انہوں نے بتایا کہ وہ رات 10 بجے سے صبح تک میکالے کلکن کی جگہ اداکاری کرتے رہے۔
کیتھرین اوہارا اور ٹینس بال
کیون کی ماں کا کردار ادا کرنے والی اداکارہ کیتھرین اوہارا کو بھی بچوں کی عدم موجودگی میں ایک انوکھے انداز سے مناظر فلمانا پڑے۔
انھیں بچوں کی جگہ اسٹینڈ پر لگے ٹینس بال اور اسکرپٹ سپروائزر کی آواز کے ساتھ اپنے سین مکمل کرانے پڑے تھے۔
کیون کے کردار کا انتخاب
اگرچہ سیکڑوں بچوں کے آڈیشن ہوئے، مگر کرس کولمبس کے ذہن میں ابتدا سے ہی میکالے کلکن تھے۔ یہ انتخاب ہدایتکار جان ہیوز کی سفارش پر کیا گیا تھا، جو ان کے ساتھ پہلے بھی کام کر چکے تھے۔
مشہور گھر کی کہانی
فلم میں دکھایا گیا مشہور گھر شکاگو کے علاقے ونیٹکا میں واقع ہے۔ شوٹنگ پانچ ماہ تک جاری رہی اور اس دوران گھر کے مالکان وہیں مقیم رہے کیونکہ معاہدے کے تحت فلمی ٹیم کو گھر میں تبدیلیوں کی اجازت حاصل تھی۔
جو پیسکی کی اداکاری
فلم میں ولن کا کردار ادا کرنے والے جو پیسکی نے کردار کی سنجیدگی برقرار رکھنے کے لیے میکالے کلکن سے کم سے کم بات چیت کی۔ بعض مناظر میں انہیں واقعی چوٹیں بھی آئیں، جن میں آگ سے جلنے کا واقعہ بھی شامل تھا۔
شو ٹنگ کے دلچسپ حقائق
فلم کی شوٹنگ کے دوران اچانک برفباری نے مشکلات پیدا کیں، جس کے بعد مصنوعی برف کے لیے آلو کے فلیکس، برف مشینیں اور کٹی ہوئی برف استعمال کی گئی۔
متعدد مناظر شکاگو کے اسکول اور ہوائی اڈے پر فلمائے گئے، جو پیرس کے مناظر کے طور پر دکھائے گئے۔
TagsShowbiz News Urdu.
ذریعہ
ذریعہ: Al Qamar Online
کلیدی لفظ: پاکستان کھیل جاتا ہے
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ