توشہ خانہ ٹو کیس، عمران اور بشریٰ کا فیصلہ چیلنج کرنے کا اعلان
اشاعت کی تاریخ: 28th, December 2025 GMT
اپیلیں مکمل طور پر تیار کر لی گئی، پیر کے روز اسلام آباد ہائیکورٹ میں دائر کی جائیں گی
عدالت نے برطرف شدہ گواہ انعام اللہ شاہ اور وعدہ معاف گواہ کے بیان کو بنیاد بنایا
توشہ خانہ ٹو کیس میں بانی چیٔرمین عمران خان اور بشریٰ بی بی نے اپنے خلاف سنائے گئے فیصلے کو اسلام آباد ہائیکورٹ میں چیلنج کرنے کا فیصلہ کر لیا ہے، جس کیلئے اپیلیں مکمل طور پر تیار کر لی گئی ہیں اور پیر کے روز دائر کی جائیں گی۔اپیل کے متن کے مطابق ٹرائل کورٹ نے ایسے گواہوں کے بیانات پر انحصار کیا جن کی قانونی حیثیت متنازع ہے۔ درخواست گزاروں کا مؤقف ہے کہ عدالت نے برطرف شدہ گواہ انعام اللہ شاہ اور وعدہ معاف گواہ کے بیان کو بنیاد بنایا، جو قانون اور عدالتی اصولوں کے خلاف ہے۔ ان کا کہنا ہے کہ استغاثہ توشہ خانہ ٹو معاملے میں الزامات ثابت کرنے میں مکمل طور پر ناکام رہا۔عمران خان اور بشریٰ بی بی کی جانب سے بیرسٹر سلمان صفدر کے ذریعے دائر کی جانے والی اپیلوں میں مؤقف اختیار کیا گیا ہے کہ ایک ہی جرم پر متعدد سزائیں نہیں دی جا سکتیں اور سپیشل سنٹرل عدالت کو اس کیس کی سماعت کا دائرہ اختیار ہی حاصل نہیں تھا۔ مزید یہ بھی کہا گیا ہے کہ صہیب عباسی کو غیر قانونی طور پر سلطانی گواہ بنایا گیا۔درخواست میں یہ نکتہ بھی شامل ہے کہ بلغاری سیٹ توشہ خانہ کے قواعد کے مطابق سابق حکمران جوڑے نے اپنے پاس رکھا، جبکہ مقدمہ مکمل تفتیش کے بغیر قائم کیا گیا۔ اپیل گزاروں نے الزام عائد کیا ہے کہ یہ کارروائی سیاسی انتقام پر مبنی ہے اور قانون کی نظر میں وہ سرکاری ملازم کی تعریف میں نہیں آتے، اس لیے ان کے خلاف یہ کیس بنتا ہی نہیں۔
.
ذریعہ
ذریعہ: Juraat
کلیدی لفظ: توشہ خانہ
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ