لاہور میں ’سہولت آن دی گو بازار‘ عوام اور ریڑھی بانوں کے لیے خوشخبری
اشاعت کی تاریخ: 28th, December 2025 GMT
لاہور میں پنجاب حکومت کے پہلے منفر دسہولت بازار ’سہولت آن دی گو بازار‘ نے عوام اور ریڑھی بانوں کو خوشی سے جھومنے پر مجبور کر دیا۔ یہاں شہریوں کو معیاری اور سستی اشیا دستیاب ہیں جبکہ ریڑھی بان اپنے باعزت روزگار اور دکانوں کے مالک بن گئے ہیں۔
یہ بھی پڑھیں:کیا کوئٹہ کا رمضان سستا بازار عوام کو ریلیف فراہم کر پائے گا؟
لاہور میں وزیراعلیٰ مریم نوازشریف کی ہدایت پر کھلنے والے ’سہولت آن دی گو بازار‘ نے عوام کی توجہ کا مرکز بن جانا شروع کر دیا ہے۔ میڈیا رپورٹ کے مطابق، بازار میں پھل، سبزیاں، چکن اور کریانہ مصنوعات ڈی سی ریٹ پر دستیاب ہیں اور شہری ڈرائیو تھرو خریداری کی سہولت بھی استعمال کر سکتے ہیں۔
ریڑھی بان اب 400 سے زائد اسٹالز کی اوپن قرعہ اندازی کے ذریعے اپنے باعزت اسٹال کے مالک بن گئے ہیں۔ پہلے مرحلے میں گلشن راوی، شادمان، مادر ملت، مدینہ مارکیٹ، ٹاؤن شپ، سندر روڈ اور کوٹھا پنڈ فیصل ٹاؤن سمیت 10 مقامات پر بازار فعال ہو چکے ہیں، جبکہ کھاڑک نالہ، اعوان ٹاؤن، ویلنشیا اور شاہدرہ میں بھی سہولت بازار فنکشنل ہیں۔
وزیراعلیٰ مریم نوازشریف نے کہا کہ ہر ریڑھی بان اب فخر سے کہہ سکتا ہے کہ اس کی اپنی دکان ہے، اور یہ پراجیکٹ حقیقی ترقی کی مثال ہے جس سے ہر محنت کش مستفید ہوتا ہے۔ انہوں نے ہدایت کی کہ سہولت بازار کو مرحلہ وار لاہور کے دیگر علاقوں تک وسعت دی جائے تاکہ سال بھر رمضان بازاروں کی طرح سستی اشیا دستیاب ہوں۔
یہ بھی پڑھیں:مریم نواز کی ٹیم پنجاب کا فخر، سہولت بازار اتھارٹی کے لیے عالمی سرٹیفکیٹ کا اعزاز
سہولت بازار میں سیکیورٹی، واش روم اور صفائی کا بہترین نظام قائم کیا گیا ہے، اور دکاندار اس منصوبے پر انتہائی خوش ہیں۔ ایک دکاندار نے کہا ’شکریہ مریم نواز! اب ہم ریڑھی والے نہیں بلکہ اپنی دکان کے مالک ہیں‘۔
پنجاب سہولت بازار اتھارٹی کے چیئرمین نے کہا کہ سہولت بازار کے قیام سے رمضان بازاروں میں سبسڈی کی ضرورت بھی کم ہو جائے گی۔ فروری تک لاہور میں مزید 5 مقامات پر یہ بازار فعال کر دیے جائیں گے، جبکہ برکی، صدر، نشتر ٹاؤن، رائے ونڈ فیز ٹو، فیصل ٹاؤن، مون مارکیٹ اور فیروز والا میں بھی منصوبہ تکمیل کے آخری مراحل میں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سستا بازار سہولت آن دی گو بازار گلشن راوی، شادمان، مادر ملت، مدینہ مارکیٹ.
ذریعہ
ذریعہ: WE News
کلیدی لفظ: سستا بازار سہولت آن دی گو بازار سہولت آن دی گو بازار سہولت بازار لاہور میں
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار