نئے سال کے صحت مند ’ریزولیوشنز‘ بہتر نیند کی کنجی بن سکتے ہیں، تحقیق
اشاعت کی تاریخ: 28th, December 2025 GMT
نئے سال کی آمد پر جہاں لاکھوں افراد صحت مند غذا اور جسمانی فٹنس کو اپنا ہدف بناتے ہیں، وہیں نئی تحقیق سے معلوم ہوا ہے کہ یہ عادات نہ صرف جسمانی صحت بلکہ بہتر اور پُرسکون نیند میں بھی نمایاں کردار ادا کرتی ہیں۔ ماہرین کے مطابق اچھی غذا اور باقاعدہ ورزش نیند کے معیار کو بہتر بنانے کے مؤثر ذرائع ہیں۔
یہ بھی پڑھیں:نیند کی کمی دماغ کو وقت سے پہلے بوڑھا کر دیتی ہے، تحقیق میں انکشاف
امریکن اکیڈمی آف سلیپ میڈیسن کی ایک تازہ رپورٹ کے مطابق صحت مند غذا اور جسمانی سرگرمی بہتر نیند کے حصول میں اہم کردار ادا کرتی ہیں۔ رپورٹ میں بتایا گیا ہے کہ وزن کم کرنے یا فٹ رہنے کے لیے اختیار کی جانے والی عادات دراصل نیند کے معیار کو بھی بہتر بناتی ہیں۔
اکیڈمی کے 2025 کے سلیپ پرائرٹائزیشن سروے میں امریکا کے 2007 بالغ افراد سے رائے لی گئی، جس میں 59 فیصد افراد نے کہا کہ متوازن غذا ان کی نیند بہتر بناتی ہے۔ اسی طرح 42 فیصد افراد نے بتایا کہ صبح کی ورزش سے ان کی نیند میں بہتری آتی ہے، جبکہ 46 فیصد افراد نے شام کی ورزش کو فائدہ مند قرار دیا۔
اکیڈمی کی ترجمان ڈاکٹر کن یوئن کے مطابق نیند صحت مند طرزِ زندگی کے 3 بنیادی ستونوں میں سے ایک ہے، جن میں متوازن غذا اور باقاعدہ جسمانی سرگرمی بھی شامل ہیں۔ ان کا کہنا تھا کہ اکثر نئے سال کے عزم وزن یا ورزش تک محدود ہوتے ہیں، مگر یہ عادات نیند سمیت مجموعی صحت کو بھی بہتر بناتی ہیں۔
یہ بھی پڑھیں:وہ حیرت انگیز غذائیں جو نیند کو بہتر بناتی ہیں!
تحقیق میں خاص طور پر 25 سے 34 سال کی عمر کے افراد نے اعتراف کیا کہ صحت مند غذا اور ورزش نے ان کی نیند پر براہِ راست مثبت اثر ڈالا۔ ماہرین کے مطابق مناسب نیند نہ صرف تازگی کا احساس دیتی ہے بلکہ موٹاپے، دل کی بیماریوں، ڈپریشن اور بے چینی جیسے دائمی امراض کے خطرات کو بھی کم کرتی ہے۔
امریکن اکیڈمی آف سلیپ میڈیسن نے بہتر نیند کے لیے چند عملی تجاویز بھی دی ہیں، جن میں روزانہ ایک ہی وقت سونے کی عادت، کم از کم سات گھنٹے کی نیند، پسندیدہ جسمانی سرگرمی اپنانا، صحت بخش غذا کا استعمال اور سونے سے پہلے موبائل فون اور کمپیوٹر سے پرہیز شامل ہے۔
ماہرین کا کہنا ہے کہ اگر نیند کو صحت کی بنیاد سمجھ کر ترجیح دی جائے تو نئے سال کے عزم زیادہ دیرپا اور مؤثر ثابت ہو سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرسکون نیند ریزولیوشنز نیا سال نیند.
ذریعہ
ذریعہ: WE News
کلیدی لفظ: پرسکون نیند ریزولیوشنز نیا سال بہتر بناتی کے مطابق افراد نے نیند کے غذا اور نئے سال کی نیند
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار