سرینام میں گھریلو جھگڑا ہولناک سانحے میں بدل گیا، 9 افراد ہلاک
اشاعت کی تاریخ: 29th, December 2025 GMT
سرینام کے دارالحکومت پاراماریبو کے قریب ضلع کومے ویجنے میں ایک گھریلو جھگڑا جان لیوا ثابت ہوا، جس میں ایک شخص نے چاقو سے حملہ کر کے پانچ بچوں سمیت نو افراد کو ہلاک کر دیا۔ اس کے علاوہ دو افراد زخمی ہوئے۔
پولیس کے مطابق واقعہ اس وقت پیش آیا جب ملزم کا فون پر اپنی اہلیہ سے جھگڑا ہوا۔ غصے میں آ کر اس نے اپنے بچوں پر حملہ کر دیا۔ شور سن کر پڑوسی مدد کے لیے آگے بڑھے، لیکن وہ بھی حملے میں جاں بحق ہو گئے۔
پولیس نے بتایا کہ جائے وقوعہ پر پہنچنے والے اہلکاروں پر بھی ملزم نے حملہ کیا، جس کے بعد پولیس نے اسے ٹانگوں میں گولی مار کر زخمی کیا۔ ملزم کو زخمی حالت میں حراست میں لے کر اسپتال منتقل کر دیا گیا ہے اور تحقیقات جاری ہیں۔
سرینام کی صدر نے اس دل دہلا دینے والے سانحے پر گہرے دکھ اور افسوس کا اظہار کیا اور جاں بحق افراد کے اہل خانہ سے دلی تعزیت کی۔
ذریعہ
ذریعہ: Daily Mumtaz
پڑھیں:
5 دنوں میں پٹرول اور ڈیزل اوسطاً 54 روپے بڑھا دیا گیا: تیمور جھگڑا
تیمور جھگڑا - فوٹو: فائلاپوزیشن اتحاد تحریک تحفظ آئین پاکستان کے رہنماؤں نے کہا ہے کہ 5 دنوں میں پٹرول اور ڈیزل اوسطاً 54 روپے بڑھایا گیا ہے۔
اسلام آباد میں پریس کانفرنس کرتے ہوئے تیمور سلیم جھگڑا کا کہنا تھا کہ پٹرول کی قیمت بڑھانے پر وزیراعظم کی بجائے وزیر پیٹرولیم قیمت بتاتے رہے ہیں، جب وفاقی وزرا تھک گئے تو اوگرا کو کہا کہ آپ خود قیمتیں ایڈجسٹ کریں گے۔
پٹرول کی قیمتیں روزانہ بڑھائی جا رہی ہے، گزشتہ 5 دنوں میں پیٹرول اور ڈیزل اوسطاً 54 روپے بڑھایا گیا ہے۔
پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کردیا گیا ہے: نوٹیفکیشن
انہوں نے کہا کہ بھارت میں پیٹرول 293 روپے، ڈیزل 274 روپے لیٹر تھا جو تبدیل نہیں کیا گیا۔
اس دوران سابق گورنر سندھ محمد زبیر عمر کا کہنا تھا کہ ہمیں تحفظات ہیں، آئی ایم کے ساتھ جو معاہدہ کیا جارہا ہے وہ کیا ہے؟
انہوں نے کہا کہ امریکا سے 10 بلین ڈالر ملیں گے تو بتایا جائے کہ کیا بات ہوئی، بتایا جائے یہ کس مد میں پاکستان کو ملیں گے؟
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار