برطانوی جریدہ نے پاکستان کی سفارتی وکٹری پر مہر ثبت کر دی
اشاعت کی تاریخ: 29th, December 2025 GMT
فیلڈمارشل سید عاصم منیر پاکستان کیلئے عسکری و سفارتی محاذ پر فرنٹ فٹ پر کھیلے
معتبر عالمی جریدوں کے تجزیہ کاروں نے پاکستان کو مرکز نگاہ بنا لیا،،دی ٹیلی گراف
2025 میں عالمی منظرنامے میں پاکستان کا اسٹریٹجک ریٹرن کیسے ممکن ہوا، معتبر عالمی جریدوں کے تجزیہ کاروں نے پاکستان کو مرکز نگاہ بنا لیا، برطانوی جریدے دی ٹیلی گراف نے انکشاف کیا ہے کہ پاکستان کی مؤثر سفارتکاری نے واشنگٹن میں اسے دوبارہ مرکزی حیثیت دلا دی ہے، فیلڈ مارشل سید عاصم منیر پاکستان کیلئے عسکری و سفارتی محاذ پر فرنٹ فٹ پر کھیلے۔ ” پاکستان نے وائٹ ہاؤس پر کیسے اثر جمایا” کے عنوان سے آرٹیکل میں برطانوی جریدے نے بھی پاکستان کی سفارتی وکٹری پر مہر ثبت کر دی ہے،دی ٹیلی گراف کے مطابق ایبی گیٹ حملے کے ملزم کی امریکا حوالگی ٹرمپ انتظامیہ سے قریبی تعلقات کا بڑا ٹرننگ پوائنٹ بنی، امریکی کانگریس سے خطاب میں ٹرمپ نے دہشتگردی کے خلاف عملی تعاون پر پاکستان کا خصوصی شکریہ ادا کیا، ٹرمپ کے پہلے دور کی تلخی کے باوجود پاکستان نے واشنگٹن میں دوبارہ مضبوط جگہ بنا لی۔ واشنگٹن میں بھارت کی شدید لابنگ کے باوجود اس بار پاکستان کو واضح سفارتی سبقت حاصل ہوئی، پاکستان کو کئی ممالک کے مقابلے میں بہتر تجارتی ٹیرف رعایتیں دی گئیں، دی ٹیلی گراف کے مطابق وزیراعظم پاکستان اور فیلڈ مارشل عاصم منیر کو اوول آفس میں براہ راست رسائی ملی، پاکستان کی موثر سفارتکاری نے وائٹ ہاؤس کا ماحول بدل دیا، پاکستان کی جانب سے ٹرمپ کو نوبیل امن انعام کے لیے نامزد کیا جانا غیر معمولی سفارتی اقدام ثابت ہوا، پاکستان نے محض بیانات نہیں بلکہ ٹھوس نتائج دے کر اعتماد حاصل کیا۔ دی ٹیلی گراف کے مطابق ایبی گیٹ حملے کا ملزم گرفتاری کے صرف دو دن بعد امریکا روانہ کر دیا گیا، سینئر پاکستانی عہدیدار کے مطابق یہی لمحہ پاک امریکا تعلقات میں تبدیلی کی علامت بنا، سابق امریکی عہدیدار نے اسے پاکستان کی سنجیدہ نیت کا طاقتور اشارہ قرار
دیا،پہلگام، کشمیر واقعے کے بعد خطے میں جنگ کا خطرہ حقیقی سطح پر بڑھ گیا تھا۔ بھارت نے امریکی ثالثی کے امکان کو کھلے الفاظ میں مسترد کر دیا۔ پاکستان نے ذمہ دارانہ رویہ اپنایا، وائٹ ہاؤس کو غیر روایتی سفارتکاری سے ہینڈل کیا، جون میں فیلڈ مارشل عاصم منیر کی صدر ٹرمپ سے نجی اور آف دی ریکارڈ ملاقات ہوئی۔ آف دی ریکارڈ ملاقات میں فیلڈمارشل نے ٹرمپ کو کیسے گرویدہ کیا، دی ٹیلی گراف نے کھلے الفاظ میں ذکر کر دیا، ٹرمپ ملاقات کے بعد فیلڈ مارشل عاصم منیر کی مسلسل تعریف کرتے رہے، غزہ سیز فائر موقع پر ٹرمپ نے فیلڈ مارشل عاصم منیر کو “پسندیدہ فیلڈ مارشل” قرار دیا۔ پاکستان نے خود کو مشرق وسطیٰ میں مؤثر اور ذمہ دار اسٹریٹجک پارٹنر کے طور پر منوایا، جی سی سی ممالک سے قربت اور ایران سے متوازن تعلقات پاکستان کے لیے سفارتی پلس بنے،پاکستان نے امریکا کے لیے اہم معدنیات کے مسئلے کا عملی حل پیش کیا، ستمبر میں چھ کھرب ڈالر مالیت کے معدنی ذخائر پر پاک امریکا تعاون کا ایم او یو سائن ہونا بڑا عالمی سرپرائز بنا۔
ذریعہ
ذریعہ: Juraat
کلیدی لفظ: فیلڈ مارشل عاصم منیر دی ٹیلی گراف نے پاکستان پاکستان کی پاکستان نے پاکستان کو کے مطابق
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا