شہید عثمان ہادی کے قاتلوں کی گرفتاری میں مدد دینے والے کیلیے 50 لاکھ ٹکہ انعام، سکھس فار جسٹس کا اعلان
اشاعت کی تاریخ: 29th, December 2025 GMT
امریکا میں قائم سکھ علیحدگی پسند تنظیم سکھس فار جسٹس (SFJ) نے کہا ہے کہ وہ شہید عثمان ہادی کے قتل میں ملوث افراد کی شناخت، گرفتاری اور واپسی میں مدد دینے والی قابلِ اعتماد معلومات پر 50 لاکھ ٹکہ انعام دے گی۔
تنظیم کا دعویٰ ہے کہ قتل میں ملوث ملزمان واقعے کے بعد بھارت فرار ہو گئے تھے۔
SFJ کا یہ اعلان ڈھاکا پولیس کے اس بیان کے بعد سامنے آیا، جس میں کہا گیا تھا کہ عثمان ہادی کے قتل میں ملوث افراد ملک سے فرار ہو گئے ہیں اور ان کی بیرونِ ملک موجودگی کے شواہد ملے ہیں۔
سکھس فار جسٹس کے جنرل کونسل گرپتونت سنگھ پنوں نے ایک بیان میں الزام عائد کیا کہ تنظیم بھارتی حکومت کے اس کردار کو بے نقاب کرے گی جس کے بارے میں ان کا دعویٰ ہے کہ وہ سرحد پار اور بین الاقوامی سطح پر کارروائیوں میں ملوث ہے۔
پنوں کے مطابق ان کے پاس موجود معلومات کی بنیاد پر عثمان ہادی کے قتل کی کارروائی دیگر مبینہ سرحد پار قتل کے واقعات سے مماثلت رکھتی ہے، جن میں کینیڈا میں ہردیپ سنگھ نجر کا قتل بھی شامل ہے۔
View this post on Instagram
A post shared by Sikhs For Justice (@sikhsforjustice)
پنوں نے دعویٰ کیا کہ قتل کے احکامات دہلی سے دیے گئے، منصوبہ بندی ڈھاکہ میں واقع بھارتی ہائی کمیشن سے کی گئی، اور مبینہ طور پر عملدرآمد ڈھاکہ میں بھارت سے منسلک افراد کے ذریعے ہوا۔
SFJ نے یہ بھی الزام لگایا کہ ڈھاکہ میں تعینات بھارتی ہائی کمشنر پرنئے ورما اس منصوبہ بندی اور موقع پر رابطہ کاری کے ذمہ دار تھے۔
تنظیم کا کہنا ہے کہ ان دعوؤں کی بنیاد پر عوامی تعاون حاصل کرنے کے لیے انعام رکھا گیا ہے تاکہ قانون نافذ کرنے والے ادارے ملزمان کی شناخت، گرفتاری اور واپسی ممکن بنا سکیں۔
تنظیم کے مطابق انعام کا مقصد تحقیقات میں پیش رفت اور مبینہ طور پر ذمہ دار عناصر کے احتساب کو یقینی بنانا ہے۔ تاہم، ان الزامات پر بھارتی حکام یا متعلقہ فریقین کی جانب سے تاحال کوئی باضابطہ ردِعمل سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش سکھس فار جسٹس شہید عثمان ہادی گرپتونت سنگھ پنوں.
ذریعہ
ذریعہ: WE News
کلیدی لفظ: بنگلہ دیش سکھس فار جسٹس شہید عثمان ہادی گرپتونت سنگھ پنوں سکھس فار جسٹس عثمان ہادی کے میں ملوث
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار