انڈونیشیا: نرسنگ ہوم میں آتشزدگی، 16 افراد جاں بحق
اشاعت کی تاریخ: 29th, December 2025 GMT
انڈونیشیا کے شہر منادو میں ایک نرسنگ ہوم میں آتشزدگی کے افسوسناک واقعے کے نتیجے میں کم از کم 16 افراد ہلاک ہو گئے۔
بین الاقوامی میڈیا رپورٹس کے مطابق انڈونیشیا کے شمالی صوبے سولاویسی کے دارالحکومت منادو میں واقع ایک نرسنگ ہوم میں لگنے والی ہولناک آگ نے پورے علاقے کو سوگ میں مبتلا کر دیا، جہاں حادثے کے نتیجے میں کم از کم 16 افراد جان کی بازی ہار گئے۔
مقامی حکام کے مطابق آگ لگنے کا واقعہ اتوار کی شام پیش آیا، جس کے بعد امدادی اداروں نے فوری طور پر کارروائیاں شروع کیں تاہم متعدد جانیں نہ بچائی جا سکیں۔
غیر ملکی خبر ایجنسی کے مطابق آگ منادو کے رانوموت سب ڈسٹرکٹ کے پال دوا علاقے میں قائم پانتی وردھا دمائی نرسنگ ہوم میں لگی، جہاں زیادہ تر معمر افراد مقیم تھے۔
آگ کی شدت کے باعث عمارت کے مختلف حصے لپیٹ میں آ گئے، جس کے نتیجے میں ہلاکتیں ہوئیں۔ حادثے کے فوراً بعد جاں بحق افراد کی لاشیں قریبی اسپتال منتقل کر دی گئیں، جب کہ زخمیوں کو طبی امداد فراہم کی گئی۔
غیر ملکی خبر ایجنسی کے مطابق واقعے کے بعد پولیس کی فرانزک ٹیموں نے جائے حادثہ کو گھیرے میں لے کر تحقیقات کا آغاز کر دیا ہے۔
پولیس حکام کا کہنا ہے کہ تفتیش کے دوران جائے وقوعہ کا تفصیلی معائنہ کیا جا رہا ہے اور عینی شاہدین کے بیانات بھی قلم بند کیے جا رہے ہیں، تاکہ آگ لگنے کی ابتدائی وجہ، حفاظتی انتظامات کی صورتحال اور حادثے کے دوران پیش آنے والے واقعات کی مکمل ترتیب سامنے لائی جا سکے۔
واضح رہے کہ انڈونیشیا میں آتشزدگی کے واقعات تشویش کا باعث بنے ہوئے ہیں، اسی ماہ کے آغاز میں دارالحکومت جکارتہ میں ایک رہائشی مکان میں آگ لگنے سے کم از کم 5 افراد ہلاک ہو گئے تھے۔
تازہ واقعے کے بعد ایک بار پھر ملک میں نرسنگ ہومز اور رہائشی عمارتوں میں حفاظتی اقدامات پر سوالات اٹھنے لگے ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل نرسنگ ہوم میں
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ