جماعت اسلامی کراچی جنوری 2026 میں عوامی رابطہ مہم کا نیا مرحلہ شروع کرے گی
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی:امیر جماعت اسلامی کراچی منعم ظفر خان نے اعلان کیا ہے کہ جنوری 2026 میں جماعت اسلامی کراچی کے تحت عوامی رابطہ مہم کے اگلے مرحلے کا باقاعدہ آغاز کیا جائے گا، جس کے دوران 10 لاکھ نئے ممبران بنانے کا ہدف مقرر کیا گیا ہے، اس کے ساتھ ساتھ شہر بھر میں ہزاروں عوامی اور محلہ کمیٹیاں قائم کی جائیں گی، جن میں نوجوانوں کی بھرپور شمولیت کو یقینی بنایا جائے گا تاکہ انہیں مؤثر اور فعال کردار دیا جا سکے۔
ادارہ نورِ حق میں منعقدہ جماعت اسلامی کے ایک روزہ سالانہ اجتماعِ ارکان سے خطاب کر تے ہوئے منعم ظفر خان نے کہا کہ عوامی و محلہ کمیٹیاں اصلاحِ معاشرہ، کردار سازی، شہری مسائل کے حل اور حکومتی اداروں سے عوام کو ریلیف دلانے میں اہم کردار ادا کریں گی، یہ کمیٹیاں نوجوانوں میں بڑھتے ہوئے منشیات کے رجحان کے تدارک کے لیے بھی عملی اقدامات کریں گی۔
امیر جماعت اسلامی کراچی نے جماعت کے ارکان، ذمہ داران اور کارکنان پر زور دیا کہ وہ ممبر سازی مہم کو کامیاب بنانے کے لیے اپنی تمام تر صلاحیتیں بروئے کار لائیں اور اس مہم کے ذریعے دعوت، تربیت اور تنظیم سازی کے عمل کو مزید تیز اور مربوط کریں۔
انہوں نے کہا کہ جماعت اسلامی دراصل اقامتِ دین کی تحریک ہے جو اللہ کی زمین پر اللہ کے نظام کے نفاذ کے لیے جدوجہد کر رہی ہے، مولانا سید ابوالاعلیٰ مودودیؒ نے دین کا جامع تصور پیش کیا، جس کے مطابق دین صرف چند عبادات تک محدود نہیں بلکہ ایک مکمل نظامِ حیات ہے جو معاشرت، معیشت، عدل و انصاف اور حکومت سمیت زندگی کے ہر شعبے کے لیے رہنمائی فراہم کرتا ہے۔
منعم ظفر خان نے کہا کہ انسانوں کو بندوں کی غلامی اور ظلم سے نجات دلانے کی جدوجہد بھی دین کا بنیادی تقاضا ہے، اسی لیے جماعت اسلامی ہمیشہ عوامی مسائل کے حل، ظلم و استحصال کے نظام کے خاتمے اور عوام کے حقوق کے لیے میدان میں رہتی ہے اور عوام کی ایک مؤثر اور توانا آواز بنتی ہے۔
ذریعہ
ذریعہ: Jasarat News
کلیدی لفظ: جماعت اسلامی کراچی کے لیے
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار