یوکرین نے صدر پیوٹن کی رہائشگاہ کو ڈرون سے نشانہ بنانے کی کوشش کی، روس کا الزام
اشاعت کی تاریخ: 29th, December 2025 GMT
روس نے دعویٰ کیا ہے کہ یوکرین نے روسی صدر ولادیمیر پیوٹن کی سرکاری رہائشگاہ نوگوروڈ میں ڈرون حملے کی کوشش کی۔
مزید پڑھیں: جی20 ممالک کے اجلاس میں روس یوکرین امن منصوبے پر غور، امریکا نے بائیکاٹ کیوں کیا؟
روسی حکام کے مطابق یہ حملہ ناکام بنا دیا گیا اور تمام ڈرونز کو بروقت مار گرایا گیا، جس کے نتیجے میں کوئی جانی یا مالی نقصان نہیں ہوا۔ روسی وزیر خارجہ سرگئی لاروف نے اس واقعے کو ریاستی دہشتگردی کی پالیسی کا حصہ قرار دیتے ہوئے کہاکہ ایسی کارروائیاں روس کی قومی سلامتی کے لیے سنگین خطرہ ہیں اور ان کا مناسب جواب دیا جائے گا۔ ان کا کہنا تھا کہ روس اپنی سلامتی کے تحفظ کے لیے تمام ضروری اقدامات کرے گا۔ دوسری جانب یوکرین کے صدر ولادیمیر زیلنسکی نے روسی الزامات کو مسترد کرتے ہوئے کہا ہے کہ یوکرین نے اس نوعیت کی کوئی کارروائی نہیں کی۔ ان کے مطابق پیوٹن کی رہائشگاہ پر حملے کی کہانی من گھڑت ہے اور روس اس دعوے کو یوکرین کے خلاف مزید حملوں کا جواز بنانے کے لیے استعمال کررہا ہے۔ مزید پڑھیں:روس یوکرین علاقائی تنازع: زیلنسکی، پیوٹن سے براہ راست مذاکرات کے لیے تیار زیلنسکی نے مزید کہاکہ یوکرین ایسے اقدامات نہیں کرتا جو سفارتی کوششوں کو نقصان پہنچائیں، بلکہ روس امریکی صدر ٹرمپ کی سفارتی کاوشوں کو بھی کمزور کرنے کی کوشش کررہا ہے۔آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حملہ ناکام روس صدر پیوٹن وی نیوز یوکرین.
ذریعہ
ذریعہ: WE News
کلیدی لفظ: حملہ ناکام صدر پیوٹن وی نیوز یوکرین کے لیے
پڑھیں:
جارحیت کی قیمت واشنگٹن کو بہت مہنگی پڑے گی، عباس عراقچی
تہران:ایران نے امریکی صدر ڈونلڈ ٹرمپ کی جانب سے ممکنہ نئی فوجی کارروائی کے اشاروں پر سخت ردعمل دیتے ہوئے خبردار کیا ہے کہ کسی بھی غیر ذمہ دارانہ عسکری اقدام کے نتائج امریکا کے لیے انتہائی مہنگے ثابت ہوں گے۔
ایرانی وزیر خارجہ سید عباس عراقچی نے سوشل میڈیا پلیٹ فارم ایکس پر جاری اپنے بیان میں کہا کہ امریکی انتظامیہ کے بعض بااثر حلقے زمینی حقائق کو نظر انداز کر رہے ہیں اور ان کی توجہ خطے کی موجودہ صورتحال کے بجائے 2028 کے صدارتی انتخابات پر مرکوز دکھائی دیتی ہے۔
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
انہوں نے کہا کہ واشنگٹن میں موجود کچھ عناصر حقیقت پسندانہ انداز میں حالات کا جائزہ لینے کے بجائے ایسے فیصلوں کی حمایت کر رہے ہیں جو خطے میں مزید کشیدگی کو جنم دے سکتے ہیں۔
ان کے بقول اگر امریکہ نے جذباتی یا غیر دانشمندانہ جارحیت کا راستہ اختیار کیا تو اس کی سیاسی اور سفارتی قیمت صدر ٹرمپ کو خود ادا کرنا پڑ سکتی ہے۔
عباس عراقچی کا کہنا تھا کہ طاقت کے استعمال یا دھمکیوں سے مسائل حل نہیں ہوں گے بلکہ اس سے خطے کی صورتحال مزید پیچیدہ اور خطرناک ہو جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار