کراچی میں ڈبل ڈیکر بس سروس کا آغاز، اورنج لائن کو گرین لائن سے جوڑ دیا گیا
اشاعت کی تاریخ: 30th, December 2025 GMT
ویب ڈیسک: سندھ حکومت نے کراچی میں پبلک ٹرانسپورٹ کے نظام کو مزید بہتر بنانے کے لیے کل سے ڈبل ڈیکر بس سروس شروع کرنے کا اعلان کر دیا ہے۔ اس سلسلے میں سندھ کے سینئر وزیر شرجیل انعام میمن نے اورنج لائن کو گرین لائن سے منسلک کرنے کے منصوبے کا افتتاح کیا اور اورنگی ٹاؤن میں اورنج لائن ڈپو کا دورہ بھی کیا۔
میڈیا سے گفتگو کرتے ہوئے شرجیل میمن نے بتایا کہ یہ پاکستان کی پہلی بی آر ٹی سروس ہے جہاں ایک ہی کارڈ کے ذریعے مختلف لائنز پر سفر ممکن ہوگا۔ اب گرین لائن اور اورنج لائن کے مسافروں کو دوہرا کرایہ ادا نہیں کرنا پڑے گا اور ایک ہی کارڈ سے دونوں روٹس پر سفر کیا جا سکے گا۔
نواز شریف کینسر ہسپتال سے پورے پاکستان کے مریض مستفید ہوں گے:عظمیٰ بخاری
انہوں نے کہا کہ حکومت کی کوشش ہے کہ اس مربوط نظام کے تحت روزانہ ایک لاکھ مسافروں کو سفری سہولت فراہم کی جائے۔ شرجیل میمن کے مطابق ڈبل ڈیکر بس سروس کراچی کے شہریوں کے لیے نئے سال کا تحفہ ہے، جسے ابتدائی طور پر تجرباتی بنیادوں پر محدود پیمانے پر شروع کیا جا رہا ہے۔
ڈبل ڈیکر بسیں پہلے مرحلے میں ملیر سے شارع فیصل تک چلیں گی اور ان کا کرایہ پیپلز بس سروس کے برابر رکھا گیا ہے۔ صوبائی وزیر نے کہا کہ ڈبل ڈیکر بسوں سے سڑکوں پر جگہ بچے گی اور ٹریفک دباؤ میں کمی آئے گی، جبکہ آئندہ مرحلوں میں مزید بسیں بھی شامل کی جائیں گی۔
غیر ملکی مہمانوں کی آمد پر ناقص انتظامات، بادشاہی مسجد کا عملہ عہدوں سے فارغ
شرجیل میمن نے مزید بتایا کہ ریڈ لائن منصوبے کو درپیش مسائل وزیراعلیٰ سندھ کی ہدایت پر حل کر لیے گئے ہیں اور وہاں کام دوبارہ شروع ہو چکا ہے۔ اس کے علاوہ حکومت سندھ نے چار کلومیٹر طویل اورنج لائن منصوبہ بھی بنایا ہے، جبکہ الیکٹرک بسیں بھی کراچی پہنچ چکی ہیں جن کے لیے نئے روٹس متعارف کرائے جائیں گے۔
.
ذریعہ
ذریعہ: City 42
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار