غزہ میں مستقل امن کیلئے حماس کا غیرمسلح ہونا ضروری ہے، امریکی صدر
اشاعت کی تاریخ: 30th, December 2025 GMT
فلوریڈا:(ویب ڈیسک) امریکی صدر ڈونلڈ ٹرمپ نے کہا ہے کہ غزہ میں جنگ بندی کا تسلسل برقرار رہنا چاہیے اور مستقل قیامِ امن کیلئے حماس کو مکمل طور پر غیرمسلح ہونا پڑے گا۔ فلوریڈا میں میڈیا سے گفتگو کرتے ہوئے صدر ٹرمپ نے کہا کہ غزہ منصوبے کا دوسرا مرحلہ جلد شروع ہونے کی امید ہے اور آخری اسرائیلی یرغمالی کی لاش کی بازیابی کیلئے ہر ممکن کوشش کی جا رہی ہے۔
ایران سے متعلق بات کرتے ہوئے امریکی صدر نے کہا کہ امریکہ بات چیت کیلئے تیار ہے تاہم اگر تباہ شدہ جوہری تنصیبات کی تعمیر دوبارہ شروع کی گئی تو ایران پر دوبارہ حملہ کیا جائے گا۔ ایک سوال کے جواب میں صدر ڈونلڈ ٹرمپ نے کہا کہ روس اور یوکرین کی جنگ کے خاتمے کیلئے کوششیں جاری ہیں، تاہم آج روسی صدر پیوٹن کی رہائش گاہ پر یوکرینی حملے کی خبر سن کر بہت افسوس ہوا۔
ذریعہ
ذریعہ: Daily Mumtaz
کلیدی لفظ: نے کہا
پڑھیں:
پاکستان کی لبنان پر اسرائیلی حملوں کی مذمت
پاکستان نے لبنان پر اسرائیلی حملوں کی مذمت کی ہے۔ مستقل مندوب عاصم افتخار نے اقوام متحدہ کی سلامتی کونسل سے خطاب میں کہا کہ لبنان پر اسرائیل کے حملے عالمی قوانین کی خلاف ورزی ہیں۔
عاصم افتخار نے کہا کہ اسرائیل حملے خطے میں امن کی کوششوں کو متاثر کررہے ہیں۔ پائیدار امن صرف بات چیت سے ہی ممکن ہے۔
ان کا کہنا تھا کہ پاکستان لبنان کی حکومت اور عوام سے یکجہتی کا اظہار کرتا ہے۔
اقوام متحدہ میں پاکستان کے مستقل مندوب نے مزید کہا کہ پاکستان تناؤ میں کمی کے لیے سفارتی کوششیں جاری رکھے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے