بچے کے گٹر میں گر کر جاں بحق ہونے کا واقعہ، مرتضیٰ وہاب نے اہم انکشاف کردیا
اشاعت کی تاریخ: 30th, December 2025 GMT
میئر کراچی مرتضیٰ وہاب نے کورنگی مہران ٹاؤن میں 8 سالہ بچے کے گٹر میں گر کر جاں بحق ہونے کے واقعے سے متعلق اہم انکشافات کیے ہیں۔
کڈنی ہل پارک میں میڈیا سے گفتگو میں انہوں نے بتایا کہ ابتدائی رپورٹ کے مطابق گٹر کا ڈھکن ہٹا کر سائیڈ میں رکھ دیا گیا تھا۔
مزید پڑھیں: کراچی میں ایک اور ’کمسن بچہ کھلے گٹر میں گر کر ’پیپلزپارٹی کی 15 سالہ کارکردگی کی نذر‘
میئر نے کہاکہ جس یونین کونسل میں یہ واقعہ پیش آیا، وہاں 9 اور 10 دسمبر کو ایک لاکھ روپے ادا کیے گئے ہیں۔
انہوں نے زور دے کر کہا کہ جو بھی کانٹریکٹر کام نہیں کرے گا، اسے بلیک لسٹ کیا جائے گا اور یہ ہرگز قابل قبول نہیں کہ کراچی میٹروپولیٹن کارپوریشن کو بلیک میل کیا جائے۔
مرتضیٰ وہاب نے بتایا کہ اس علاقے کو مکمل طور پر اربن فاریسٹ میں تبدیل کر دیا گیا ہے اور اس سال متعدد منصوبوں پر کام جاری رہے گا۔
انہوں نے مزید کہا کہ جو کانٹریکٹر کام کرے گا، اس کے ساتھ تعاون کیا جائے گا، جبکہ کام نہ کرنے والے کانٹریکٹرز کو بلیک لسٹ کیا جائے گا۔
واضح رہے کہ گزشتہ روز ایک کمسن بچہ کھلے مین ہول میں گر کر جاں بحق ہو گیا تھا۔
مزید پڑھیں: کیا گٹر میں گر کر جاں بحق ہونے والے کمسن ابراہیم کے دادا نے حقیقت چھپانے کے لیے پیسے لیے؟
کورنگی مہران ٹاؤن میں مین ہول میں جاں بحق ہونے والے بچے کے والد کا کہنا ہے کہ گٹر صفائی کے لیے ایک ماہ قبل کھولا گیا تھا اور پھر اس پر ڈھکن نہیں لگایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انکشافات بچہ جاں بحق کورنگی مرتضیٰ وہاب میئر کراچی مین ہول وی نیوز.
ذریعہ
ذریعہ: WE News
کلیدی لفظ: انکشافات بچہ کورنگی مرتضی وہاب میئر کراچی مین ہول وی نیوز گٹر میں گر کر جاں بحق ہونے کیا جائے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار