کراچی نے سال 2025 کے آخری سورج کو خوش آمید کہہ دیا، ہل پارک پر امیدوں بھرا طلوع آفتاب
اشاعت کی تاریخ: 31st, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی: شہر قائد میں سال 2025 کی آخری صبح کا سورج طلوع ہوتے ہی فضا میں ایک منفرد سی خاموشی اور جذبات کی کیفیت محسوس کی گئی۔
سال کے آخری طلوعِ آفتاب کے دلکش مناظر دیکھنے کے لیے شہر کے مختلف علاقوں سے شہری ہل پارک پہنچے، جہاں صبح کی پہلی روشنی نے نئے آغاز کا پیغام دیا۔
صبح 7 بج کر 16 منٹ پر سال 2025 کے آخری سورج کی سنہری کرنیں افق پر نمودار ہوئیں اور آسمان کو خوبصورت رنگوں سے مزین کر دیا۔
اگرچہ کئی شہری اس منظر کو موبائل کیمروں میں محفوظ کرنا چاہتے تھے، تاہم بادلوں کے باعث یہ لمحہ مکمل طور پر قید نہ ہو سکا۔ اس موقع پر متعدد افراد نے نئے سال کے لیے دعائیں کیں اور گزرے سال کی یادوں کو خاموشی سے رخصت کیا۔
ہل پارک میں موجود شہریوں کے مطابق یہ منظر امید، شکرگزاری اور نئے خوابوں کی علامت تھا۔ سال کے آخری سورج نے کراچی والوں کو یہ پیغام دیا کہ ہر اختتام کے بعد ایک نئی صبح ضرور طلوع ہوتی ہے۔
ذریعہ
ذریعہ: Jasarat News
کلیدی لفظ: کے آخری
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ