ریاض میں یو ای ٹی المنائی ایسوسی ایشن سعودی عرب کے زیرِ اہتمام نیٹ ورکنگ ایونٹ
اشاعت کی تاریخ: 31st, December 2025 GMT
سعودی عرب کے دارالحکومت ریاض میں یو ای ٹی المنائی ایسوسی ایشن سعودی عرب کے زیرِ اہتمام ایک کامیاب نیٹ ورکنگ ایونٹ منعقد کیا گیا، جس میں سعودی عرب میں مختلف سرکاری اور نجی اداروں سے وابستہ ممتاز پاکستانی انجینئرز، ماہرین اور پروفیشنلز نے بڑی تعداد میں شرکت کی۔
تقریب کے مہمانِ خصوصی پاکستان کے سفیر برائے سعودی عرب احمد فاروق تھے، جبکہ معروف ٹرینر اور موٹیویشنل اسپیکر سید قاسم علی شاہ نے بھی خصوصی شرکت کی اور شرکا سے خطاب کیا۔
مزید پڑھیں: سعودی عرب میں سردی کا 17 سالہ ریکارڈ ٹوٹ گیا
ایونٹ میں صدر یو ای ٹی المنائی سعودی عرب مظہر علی، عاصم جمیل، چیئرمین ریاض ریجن محسن علی زین، وائس چیئرمین عدنان لغاری اور انجینئر طارق شہزاد نے شرکت کی اور انتظامی امور میں اہم کردار ادا کیا۔
سفیرِ پاکستان احمد فاروق نے کہا کہ سعودی عرب میں مقیم پاکستانی انجینئرز اور پروفیشنلز نہ صرف پاکستان کا مثبت تشخص اجاگر کر رہے ہیں بلکہ سعودی عرب کی ترقی اور وژن 2030 میں بھی مؤثر کردار ادا کر رہے ہیں۔
انہوں نے کہا کہ یو ای ٹی جیسے تعلیمی اداروں کے سابق طلبہ کے درمیان مضبوط روابط، تجربات کا تبادلہ اور نوجوان نسل کی رہنمائی قومی ترقی کے لیے انتہائی اہم ہے۔
مزید پڑھیں: یمن کے امن کے لیے مذاکرات ہی واحد حل ہیں، سعودی وزارت خارجہ
سفیرِ پاکستان نے مزید کہا کہ ایسے نیٹ ورکنگ فورمز نوجوان انجینئرز کے لیے روزگار کے نئے مواقع پیدا کرنے، پیشہ ورانہ صلاحیتوں کو نکھارنے اور تعلیمی و فنی ترقی کو فروغ دینے میں مددگار ثابت ہوتے ہیں۔ انہوں نے یو ای ٹی المنائی ایسوسی ایشن کی کوششوں کو سراہتے ہوئے ہر ممکن تعاون کی یقین دہانی بھی کرائی۔
تقریب کا بنیادی مقصد سعودی عرب میں خدمات انجام دینے والے پاکستانی انجینئرز کی نمایاں پیشہ ورانہ کامیابیوں کو اجاگر کرنا اور ان کے درمیان مضبوط روابط قائم کرنا تھا۔ اس موقع پر اس عزم کا اظہار بھی کیا گیا کہ اس فورم کے ذریعے نوجوان انجینئرز کے لیے روزگار کے مواقع پیدا کیے جائیں گے اور مستحق و باصلاحیت طلبہ کے لیے نجی سطح پر وظائف (اسکالرشپس) کے دائرہ کار کو مزید بڑھایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سعودی عرب یو ای ٹی المنائی ایسوسی ایشن سعودی عرب.
ذریعہ
ذریعہ: WE News
کلیدی لفظ: پاکستان یو ای ٹی المنائی ایسوسی ایشن سعودی عرب یو ای ٹی المنائی ایسوسی ایشن کے لیے
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار