چین اور روس کے مابین نئے شعبوں میں تعاون تیزی سے پھیلا ہے ، چینی صدر
اشاعت کی تاریخ: 31st, December 2025 GMT
چین اور روس کے مابین نئے شعبوں میں تعاون تیزی سے پھیلا ہے ، چینی صدر china russia WhatsAppFacebookTwitter 0 31 December, 2025 سب نیوز
بیجنگ : چین کے صدر شی جن پھنگ اور روسی صدر ولادیمیر پیوٹن نے نئے سال کی آمد پر تہنیتی پیغامات کا تبادلہ کیا۔بدھ کے روز شی جن پھنگ نے اپنے پیغام میں کہا کہ سال 2025 اقوام متحدہ کی 80 ویں سالگرہ کا سال ہے۔ چین اور روس دونوں ممالک نے جاپانی جارحیت کے خلاف چینی عوام کی مزاحمتی جنگ، سوویت یونین کی عظیم حب الوطنی کی جنگ اور فسطائیت کے خلاف عالمی جنگ کی فتح کی 80 ویں سالگرہ پر شاندار تقریبات منعقد کیں، جو امن ، انصاف اور عوام کی فتح کا بھرپور اعلان تھا۔ سال 2025 چین اور روس کے درمیان نئے دور میں جامع اسٹریٹجک شراکت داری کی مضبوط ترقی کا سال بھی رہا۔
ہم نے بیجنگ اور ماسکو میں دو مرتبہ ملاقاتیں کیں اور باہمی دلچسپی کے اہم معاملات پر گہرا تبادلۂ خیال کیا۔ چین اور روس کے درمیان ویزا استثنیٰ کی پالیسی نافذ ہوئی، توانائی کے راستوں کی تعمیر مستحکم رفتار سے آگے بڑھی اور نئے شعبوں میں تعاون تیزی سے پھیلا۔ دونوں ممالک نے اقوام متحدہ سمیت کثیرجہتی فریم ورک میں ایک دوسرے کی حمایت کی اور عالمی گورننس میں اصلاحات اور بہتری کے لیے اپنی دانش اور طاقت پیش کی۔شی جن پھنگ نے اس بات کی نشاندہی کی کہ سال 2026 میں چین-روس اسٹریٹجک پارٹنرشپ کے قیام کی 30ویں سالگرہ اور “چین روس اچھی ہمسائیگی، دوستی اور تعاون کے معاہدے” پر دستخط کی 25 ویں سالگرہ ہوگی۔ دونوں ممالک 2026 سے 2027 کے درمیان “چین روس تعلیمی سال” کا انعقاد کریں گے۔
صدر شی نے کہا کہ وہ صدر پیوٹن کے ساتھ قریبی رابطہ برقرار رکھنے اور نئے دور میں چین روس تعلقات کو نئے نتائج تک پہنچانے کی قیادت کرنے کے خواہش مند ہیں۔صدر پیوٹن نے صدر شی جن پھنگ کو نئے سال کی مبارکباد پیش کی ۔ انہوں نے کہا کہ گزشتہ سال چین اور روس کے درمیان تعلقات کا اچھا ترقیاتی رجحان برقرار رہا اور ٹھوس نتائج حاصل ہوئے ۔انہوں نے صدر شی جن پھنگ کے ساتھ دو طرفہ تعلقات اور اہم بین الاقوامی مسائل پر قریبی رابطہ برقرار رکھنے پر آمادگی کا اظہار کیا۔ اسی روز، چینی وزیر اعظم لی چھیانگ اور روسی وزیر اعظم میشوسٹن نے بھی نئے سال کی مبارکباد کا تبادلہ کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآئی ایل ٹی 20،فخر زمان کی شاندار بیٹنگ کی بدولت ڈیزرٹ وائپرز فائنل میں پہنچ گئی دنیا میں سب سے پہلے کون سا ملک 2026ء میں داخل ہوگا؟ ترک صدر کا اسرائیل کو سخت پیغام، صومالی لینڈ کو تسلیم کرنا ناقابلِ قبول قرار دے دیا امریکا نے بھارت سے فاصلہ کیوں بڑھایا؟ فنانشل ٹائمز کی چونکا دینے والی رپورٹ ترکیہ میں دہشت گردی کا بڑا منصوبہ ناکام، 21 صوبوں میں ایک ساتھ کریک ڈاؤن، سیکڑوں افراد گرفتار یمن کا یو اے ای کیساتھ دفاعی معاہدہ منسوخ کرنے کا اعلان، فوجیوں کو فوری ملک چھوڑنے کا حکم یواے ای یمن میں کسی بھی فریق کوعسکری یا مالی معاونت کا عمل فوری بند کرے، سعودی عربCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: چین اور روس کے
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ