خیبرپختونخوا کی خوش بختی ہے کہ مریم نواز اسکی بہو ہے، کیپٹن صفدر کا تورغر میں خطاب
اشاعت کی تاریخ: 31st, December 2025 GMT
کیپٹن صفدر نے کہا ہے کہ نواز شریف کی بیٹی نے پنجاب کو ایک پھول کا ایک گلدستہ بنا دیا ہے، بدمعاشی اور غنڈا گردی بند کردی، قبضہ گروپ ختم کردیا، یہ سب ایک عورت کررہی ہے۔
خیبرپختونوا کے علاقے تورغر میں عوامی اجتماع سے خطاب کرتے ہوئے ان کا کہنا تھا کہ مولویوں نے کہا کہ کتاب کو ووٹ دو تو ثواب ملے گا، سیاسی کتاب کو ووٹ دینے سے ثواب نہیں ملتا۔ کالاڈھاکا کے نوجوانوں نے 34 ہزار ووٹ اس شخص کو دے دیے جس کو کالاڈھاکا کے راستے کا بھی نہیں پتا، تورغر کا بوجھ اب میرے اوپر ہے۔
یہ بھی پڑھیے: وزیر اعظم شہباز شریف کا دورہ تورغر، مختلف منصوبوں کا سنگ بنیاد اور افتتاح
کیپٹن صفدر نے کہا کہ اگر میں نے ایک روپیہ بھی حرام کھایا ہو تو اللہ مجھے معاف نہیں کرے گا، یہ آپ کی خوش بختی ہے کہ مریم نواز خیبرپختونخوا کی بہو ہے، اللہ تعالیٰ نے آپ کو عزت دی ہے۔
انہوں نے کہا کہ لوگوں کو بسوں میں بھر کر لاہور لے جایا گیا اور تورغر کا سودا کیا گیا، یہاں اسکول اسپتال نہیں ہیں، لوگ پشاور اور لاہور جاکر مزدوری کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
capt safdar Torghar تورغر کالاڈھاکا کیپٹن صفدر.
ذریعہ
ذریعہ: WE News
کلیدی لفظ: تورغر کیپٹن صفدر کیپٹن صفدر
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار