بھارتی پراکسیز بلوچستان میں بدامنی پھیلا رہی ہیں: فیلڈ مارشل
اشاعت کی تاریخ: 31st, December 2025 GMT
راولپنڈی (نیوزڈیسک)آئی ایس پی آر کے مطابق 18ویں قومی ورکشاپ کے شرکا نے جی ایچ کیو کا دورہ کیا، جہاں چیف آف ڈیفنس فورسز فیلڈ مارشل سید عاصم منیر نے ورکشاپ کے شرکا سے ملاقات کی اور کہا کہ بلوچستان پاکستان کی خوشحالی اور ترقی کیلئے کلیدی حیثیت رکھتا ہے۔
خطاب کے دوران بلوچستان کی سماجی و معاشی ترقی اور اس کی اسٹریٹجک اہمیت پر تفصیلی غور کیا گیا۔ فیلڈ مارشل عاصم منیر نے بلوچستان کے عوام کی حب الوطنی، صبر و استقامت اور ثابت قدمی کوسراہا۔
انہوں نے وفاقی اور صوبائی حکومتوں کی جانب سے عوام دوست ترقیاتی اقدامات پر اطمینان کا اظہار کیا اور اس بات پر زور دیا کہ بلوچستان کی معاشی صلاحیت کو مقامی آبادی کے فائدے کے لیے مؤثر انداز میں بروئے کار لایا جانا چاہیے۔
فیلڈ مارشل عاصم منیر نے منفی پروپیگنڈا بے نقاب کرنے میں سول سوسائٹی کے مثبت اور ذمہ دارانہ کردار کو بھی سراہا۔
فیلڈ مارشل نے کہا کہ بلوچستان کے عوام محب وطن اور باہمت ہیں،انہوں نے مفاداتی سیاسی ایجنڈوں کو مسترد کرنے کی ضرورت پر زور دیا ۔
ان کا کہناتھا کہ بھارت کی سرپرستی میں پراکسیز بلوچستان میں بدامنی پھیلا رہے ہیں، سیکیورٹی فورسز دہشتگردی اور بدامنی کے خاتمے کیلئے پرعزم ہیں، ملکی سالمیت کی کسی بھی خلاف ورزی کا بھرپور اور فیصلہ کن جواب دیا جائے گا،پاکستان کی مسلح افواج اپنے شہریوں کی جان و مال کے تحفظ کے لیے پرعزم ہیں۔
.
ذریعہ
ذریعہ: Daily Mumtaz
کلیدی لفظ: فیلڈ مارشل
پڑھیں:
بلوچستان کے مختلف علاقوں میں سیکیورٹی فورسز کا آپریشن، 17دہشتگرد ہلاک
فائل فوٹو۔بلوچستان کے مختلف علاقوں میں انٹیلی جنس کی بنیاد پر آپریشنز کے دوران بھارتی حمایت یافتہ فتنہ الخوارج کے 17دہشت گرد ہلاک کر دیے گئے۔
مسلح افواج کے شعبہ تعلقات عامہ آئی ایس پی آر کے مطابق سیکیورٹی فورسز نے یہ آپریشنز 24 مئی کے ٹرین واقعہ کے بعد کیے، جو مستونگ، نوشکی، زہری، خضدار اور کیچ کے اضلاع میں کیے گئے۔
آئی ایس پی آر کے مطابق دہشت گردوں کی ہلاکت سے ان علاقوں میں دہشت گرد نیٹ ورکس کو بہت زیادہ نقصان ہوا، ہلاک دہشت گردوں کے قبضے سے اسلحہ، بڑی مقدار میں بارودی مواد اور آئی ای ڈیز برآمد کیے گئے۔
آئی ایس پی آر کے مطابق یہ دہشت گرد علاقے میں متعدد دہشت گرد کارروائیوں میں ملوث رہے تھے۔ ان علاقوں میں کلیئرنس آپریشنز جاری ہیں۔
آئی ایس پی آر کے مطابق سیکیورٹی اداروں کی ملک گیر انسدادِ دہشت گردی مہم بھرپور انداز میں جاری رہے گی اور ملک سے بیرونی حمایت یافتہ دہشت گردی کے خطرے کا مکمل خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ