بلوچستان، 2025ء میں خواتین پر کتنا تشدد کیا گیا؟ رپورٹ آگئی
اشاعت کی تاریخ: 31st, December 2025 GMT
بلوچستان میں سال 2025ء میں خواتین پر تشدد سے متعلق عورت فاؤنڈیشن نے رپورٹ جاری کردی ہے۔
سالانہ رپورٹ میں بتایا گیا کہ2025ء میں بلوچستان میں خواتین پر تشدد کے 123 سنگین واقعات رپورٹ ہوئے۔
رپورٹ میں کہا گیا کہ بلوچستان میں سال کے دوران 65 خواتین قتل اور 33 کو غیرت کے نام پر قتل کیا گیا۔
سالانہ رپورٹ میں مزید بتایا گیا کہ صوبے میں غیرت کے نام پر قتل کے مجموعی طور پر 58 واقعات ریکارڈ کیے گئے ہیں۔
عورت فاؤنڈیشن کی رپورٹ میں یہ بھی کہا گیا کہ جعفرآباد، کوئٹہ اور نصیر آباد میں غیرت کے نام پر قتل کے کیسز میں اضافہ ہوا ہے۔
سالانہ رپورٹ میں بتایا گیا کہ 2025ء میں اغواء، جنسی زیادتی، ہراسانی اور گھریلو تشدد کے واقعات میں اضافہ ہوا ہے۔
رپورٹ میں کہا گیا کہ خواتین اور بچوں کے سہولتی مراکز کو 129 درخواستیں موصول ہوئی ہیں، کئی واقعات سماجی دباؤ کے باعث رپورٹ ہی نہیں ہوتے۔
.
ذریعہ
ذریعہ: Jang News
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار