’ڈرائیونگ لائسنس کبھی نہیں بن سکے گا‘، تاحیات فیل قرار دیے گئے اسلام آباد کے شہری کا انوکھا قصہ
اشاعت کی تاریخ: 1st, January 2026 GMT
اسلام آباد میں ڈرائیونگ لائسنس کے خواہشمند ایک شخص کا دعویٰ ہے کہ پولیس کی جانب سے انہیں تاحیات فیل قرار دے کر ان کی فائل (ڈرائیونگ پرمٹ) ضبط کر لی گئی جبکہ متعلقہ افسران نے بدتمیزی اور نازیبا زبان استعمال کرنے کے علاوہ پولیس کارروائی کی دھمکیاں بھی دیں۔ یہ واقعہ چند دنوں سے سوشل میڈیا پر زیر بحث بھی ہے۔
یہ بھی پڑھیں: ڈرائیونگ لائسنس کے لیے عمر کی حد 16 سال مقرر کی جائے، پنجاب اسمبلی میں قرار داد جمع
وی نیوز نے متاثرہ شخص سے رابطہ کرکے جاننے کی کوشش کی کہ آخر یہ معاملہ ہے کیا اور انہیں زندگی بھر کے لیے فیل کیوں قرار دے دیا گیا؟
اسلام آباد کے رہائشی اور ایک نجی کمپنی میں ملازم 41 سالہ محمد خلیل نے وی نیوز سے گفتگو کرتے ہوئے بتایا کہ وہ 11 دسمبر کو صبح 9 بجے اسلام آباد پولیس لائن اسٹیشن میں ڈرائیونگ لائسنس بنوانے کے لیے پہنچے۔ انہوں نے ٹوکن حاصل کیا اور اپنی باری کے انتظار میں بیٹھ گئے تاہم انتظار کرتے کرتے تقریباً دن کے 12 بج گئے۔
محمد خلیل کے مطابق ان کی ڈیوٹی کا وقت 11 بجے کے بعد شروع ہو جاتا ہے اور اس دوران ان کے دفتر سے مسلسل کالز آ رہی تھیں کہ وہ کہاں ہیں۔ دفتر کو ثبوت فراہم کرنے کے لیے انہوں نے ٹیسٹ ایریا میں کھڑی گاڑی کی تقریباً 10 سیکنڈ کی ایک مختصر ویڈیو بنائی تاکہ یہ دکھایا جا سکے کہ وہ لائسنس کے عمل میں مصروف ہیں۔
ان کا کہنا ہے کہ ویڈیو ابھی بھیجی بھی نہیں گئی تھی کہ ایک ٹریفک وارڈن نے فوراً ان سے موبائل فون لے لیا، ویڈیو ڈیلیٹ کروائی اور ان کی فائل بھی ضبط کر لی۔
مزید پڑھیے: ڈرائیونگ لائسنس نہ رکھنے پر آف لوڈ ہونیوالا مسافر بالآخر سعودی عرب کیسے پہنچا؟
محمد خلیل کے مطابق انہوں نے موقع پر ہی معذرت کی اور یقین دہانی کروائی کہ آئندہ ایسا نہیں ہوگا، تاہم اس کے باوجود ان کی فائل پر ‘Fail Forever’ لکھ دیا گیا۔
محمد خلیل نے مزید بتایا کہ چند گھنٹوں بعد ان کا موبائل فون تو واپس کر دیا گیا مگر فائل نہیں لوٹائی گئی۔ جب انہوں نے وجہ پوچھی تو ٹریفک وارڈن نے کہا کہ ویڈیو بنانے کی وجہ سے انہیں تاحیات فیل کیا گیا ہے اور وہ چاہے کہیں بھی شکایت کر لیں۔
محمد خلیل کے مطابق بعد ازاں پولیس کی جانب سے کہا گیا کہ آپ کو فائل فیض آباد سے ملے گی۔ جب وہ فیض آباد دفتر میں شفیق نامی افسر کے پاس گئے تو وہاں بھی انہیں یہی بتایا گیا کہ نہ اب ان کا لائسنس بنے گا اور نہ ہی فائل واپس ملے گی۔
انہوں نے الزام عائد کیا کہ اس دوران افسران نے ان سے گفتگو کے دوران نازیبا زبان استعمال کی اور پولیس کارروائی کی دھمکیاں بھی دیں اور کہا کہ اب آپ جو بھی کر لیں۔ آپ کا لائسنس اسلام آباد سے نہیں بن سکتا۔
متاثرہ شہری نے اعلیٰ حکام سے مطالبہ کیا ہے کہ ویڈیو بنانے جیسی معمولی غلطی پر دی جانے والی سخت سزا اور افسران کے غیر مناسب رویے کی تحقیقات کی جائیں اور انہیں انصاف فراہم کیا جائے۔
مزید پڑھیں: اسلام آباد میں ڈرائیونگ لائسنس کے حصول میں 500 فیصد اضافہ ریکارڈ ہوا، ٹریفک پولیس
محمد خلیل کے دوست شہزاد احمد کا کہنا ہے کہ ان کے دوست نے لاعلمی میں لائسنس ٹیسٹ کے دوران موبائل سے مختصر ویڈیو بنا لی جس پر متعلقہ افسران نے نہ صرف موبائل فون اور فائل ضبط کر لی بلکہ شدید بدسلوکی بھی کی۔
شہزاد کے مطابق ان کے دوست کو افسران نے بار بار دفتر کے چکر لگوائے اور مختلف افسران کے پاس بھیجا گیا اور سخت رویہ اختیار کیا گیا۔
شکایت کنندہ نے بتایا کہ انہوں نے ذاتی طور پر ضمانت دی، تحریری معافی نامہ لکھا، اپنا شناختی کارڈ بطور گارنٹی جمع کروایا اور مکمل ذاتی معلومات فراہم کیں جس کے بعد فائل اور موبائل واپس کیے گئے۔
یہ بھی پڑھیے: اسلام آباد میں ڈرائیونگ لائسنس کیسے حاصل کر سکتے ہیں؟
شہزاد کا کہنا ہے کہ اس کے باوجود امیدوار کو دھمکیاں دی گئیں کہ نہ تو لائسنس بنے گا اور نہ ہی فائل واپس ملے گی۔ انہوں نے الزام لگایا کہ ایک انسپکٹر نے انہیں دفتر سے زبردستی نکالنے کی دھمکی دی اور نازیبا الفاظ استعمال کیے۔
شہزاد نے سوال اٹھایا کہ اگر ایک غریب شہری سے لاعلمی میں غلطی ہو جائے اور وہ تحریری معافی بھی دے دے تو کیا اسے لائسنس سے محروم کرنا اور تذلیل کرنا قانوناً درست ہے؟ انہوں نے اعلیٰ حکام سے معاملے کی انکوائری اور انصاف فراہم کرنے کا مطالبہ کیا ہے۔
مزید پڑھیں: اسلام آباد پولیس کا جاری کردہ ڈرائیونگ لائسنس اب دنیا بھر میں کارآمد ہوگا
ترجمان اسلام آباد پولیس تقی عثمانی کا کہنا ہے کہ مذکورہ معاملہ حل ہو چکا ہے لیکن دوسری جانب محمد خلیل اس حوالے سے لاعلم ہیں اور کہتے ہیں کہ ان سے کسی نے بھی ابھی تک کسی قسم کا کوئی رابطہ نہیں کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد ڈرائیونگ لائسنس ڈرائیونگ لائسنس برانچ ڈرائیونگ لائسنس کے خواہشمند فیل فار ایور.
ذریعہ
ذریعہ: WE News
کلیدی لفظ: اسلام اباد ڈرائیونگ لائسنس ڈرائیونگ لائسنس برانچ ڈرائیونگ لائسنس کے خواہشمند میں ڈرائیونگ لائسنس ڈرائیونگ لائسنس کے کا کہنا ہے کہ محمد خلیل کے اسلام آباد افسران نے کے مطابق انہوں نے اور ان کے لیے
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے