مقبوضہ کشمیر، سول سوسائٹی کا اوپن میرٹ کی بحالی پر زور
اشاعت کی تاریخ: 1st, January 2026 GMT
ذرائع کے مطابق سول سوسائٹی جموں و کشمیر کے ارکان نے سرینگر سے جاری ایک بیان میں حکام پر زور دیا کہ وہ اوپن میرٹ کو بحال کریں۔ اسلام ٹائمز۔ بھارت کے غیر قانونی زیر قبضہ جموں و کشمیر میں سول سوسائٹی نے موجودہ ریزرویشن پالیسی پر شدید تشویش کا اظہار کرتے ہوئے اوپن میرٹ کی بحالی پر زور دیا ہے۔ ذرائع کے مطابق سول سوسائٹی جموں و کشمیر کے ارکان نے سرینگر سے جاری ایک بیان میں حکام پر زور دیا کہ وہ اوپن میرٹ کو بحال کریں۔ انہوں نے کہا کہ بی جے پی کی بھارتی حکومت کی موجودہ ریزرویشن پالیسی نے علاقے میں ہونہار طلباء اور ملازمت کے خواہشمندوں کے خواب چکنا چور کر دیے ہیں اور وہ اپنے مستقبل کو تاریک سمجھتے ہیں۔ سول سوسائٹی کے ارکان نے لائق طلباء کے مستقبل کو محفوظ بنانے کی ضرورت پر زور دیتے ہوئے کہا کہ تعلیم اور روزگار میں انصاف اور مساوات کو یقینی بنانے کے لیے اوپن میرٹ کو بحال کیا جانا چاہیے۔
.
ذریعہ
ذریعہ: Islam Times
کلیدی لفظ: سول سوسائٹی اوپن میرٹ
پڑھیں:
ارکان پارلیمنٹ کی رہائش کیلیے فیملی سوٹس؛ بجٹ میں ڈیڑھ ارب روپے مختص کرنے کی تجویز
وفاقی حکومت نے آئندہ مالی سال کے بجٹ میں پارلیمنٹ لاجز کی توسیع اور اراکین پارلیمنٹ کے اہل خانہ کے لیے اضافی رہائش گاہوں کی تعمیر کی غرض سے ڈیڑھ ارب روپے مختص کرنے کا فیصلہ کیا ہے۔
نجی ٹی وی کی رپورٹ میں سرکاری دستاویزات کے حوالے سے بتایا گیا ہے کہ اس ترقیاتی منصوبے کے تحت اسلام آباد کے سیکٹر جی فائیو ٹو میں رہائشی سہولیات فراہم کی جائیں گی۔
اس منصوبے کا مرکزی حصہ اضافی فیملی سوٹس کی تعمیر ہے، جس میں 500 کے قریب سرونٹ کوارٹرز بھی شامل کیے گئے ہیں تاکہ عوامی نمائندوں کی رہائشی ضروریات کو بہتر انداز میں پورا کیا جا سکے۔
منصوبے کی مجموعی لاگت کا تخمینہ 7 ارب 40 کروڑ روپے لگایا گیا ہے۔ حکومتی دستاویز میں واضح کیا گیا ہے کہ 30 جون 2026 تک اس منصوبے پر 2 ارب 29 کروڑ روپے کے اخراجات متوقع ہیں۔ یہ منصوبہ پارلیمنٹ لاجز کی موجودہ گنجائش میں خاطر خواہ اضافے کا باعث بنے گا۔
علاوہ ازیں موجودہ پارلیمنٹ لاجز سے ملحقہ اراکین کے لیے 104 فیملی سوٹس پہلے ہی تعمیر کیے جا رہے ہیں۔ حکام نے بتایا کہ ان سوٹس کی تعمیر کا کام اپنے آخری مراحل میں ہے اور اس وقت وہاں فنشنگ کا کام تیزی سے جاری ہے، جس سے ممبران کو فوری رہائشی سہولت میسر ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ