عالمی سائنسی مقابلوں میں سعودی عرب کی شاندار کامیابیاں، موہبہ رپورٹ جاری
اشاعت کی تاریخ: 1st, January 2026 GMT
کنگ عبدالعزیز اینڈ ہز کمپینینز فاؤنڈیشن فار گفٹڈنیس اینڈ کری ایٹیوٹی یعنی موہبہ نے اعلان کیا ہے کہ سعودی عرب کے ہونہار طلبا نے سال 2025 کے دوران 26 بین الاقوامی اولمپیاڈز اور انٹرنیشنل سائنس اینڈ انجینئرنگ فیئر میں مجموعی طور پر 129 بین الاقوامی اعزازات حاصل کیے۔
موہبہ کے مطابق یہ کامیابی وزارتِ تعلیم کے ساتھ قریبی اشتراک کا نتیجہ ہے، جس کے باعث عالمی سطح پر اولمپیاڈز اور انٹرنیشنل سائنس اینڈ انجینئرنگ فیئر کے مقابلوں میں سعودی عرب نے دوسری پوزیشن برقرار رکھی۔
یہ بھی پڑھیں: سعودی عرب میں سردی کا 17 سالہ ریکارڈ ٹوٹ گیا
رپورٹ میں بتایا گیا ہے کہ سال کے اختتام تک سعودی قومی ٹیموں نے مختلف سائنسی مقابلوں میں مجموعی طور پر 996 اعزازات اپنے نام کیے۔
Saudi Gifted Students Excel Globally with 129 Awards in 2025.
— SPAENG (@Spa_Eng) December 31, 2025
موہبہ کی رپورٹ میں مزید انکشاف کیا گیا ہے کہ فاؤنڈیشن کے مختلف پروگرامز سے 31 ہزار سے زائد طلبہ نے استفادہ کیا، جبکہ 14 ہزار سے زیادہ طلبہ نے تعلیمی اور تحقیقی سرگرمیوں میں باقاعدہ اندراج کرایا۔
یہ پروگرامز 105 مقامی و بین الاقوامی اقدامات کے تحت 70 تعلیمی و سائنسی اداروں کے تعاون سے مملکت کے 24 شہروں میں منعقد کیے گئے۔
ایک اہم سنگِ میل کے طور پر نیشنل پروگرام فار گفٹڈ آئیڈینٹیفکیشن میں رواں سال 95 ہزار سے زائد طلبا نے رجسٹریشن کروائی، جو غیر معمولی دلچسپی کا مظہر ہے۔
یہ بھی پڑھیں: سعودی عرب کے شہر القطیف میں اسٹریٹ فوڈ فیسٹیول کا آغاز
اسی طرح موہبہ ایڈوانسڈ پروگرام برائے سائنس و ریاضی کے تحت 100 شہروں اور گورنریٹس میں 2,770 سے زائد طلبا کی معاونت کی گئی، جس کا مقصد سائنس اور ریاضی کے شعبوں میں ان کی مہارتوں کو مزید نکھارنا ہے۔
موہبہ ایک غیر منافع بخش ادارہ ہے جو مقامی، علاقائی اور بین الاقوامی سطح پر ہونہار طلبہ کی صلاحیتوں کو فروغ دینے کے لیے سرگرمِ عمل ہے اور اعلیٰ کارکردگی اور تخلیقی صلاحیتوں کے فروغ کے لیے عالمی سطح پر تسلیم شدہ طریقۂ کار اپنائے ہوئے ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: بین الاقوامی
پڑھیں:
وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل کا اہم اجلاس
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) وفاقی وزیرِ صحت مصطفیٰ کمال کی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) کا اہم اجلاس منعقد ہوا ،جس میں انڈونیشیا میں پاکستان کے سفیر زاہد چوہدری نے ویڈیو لنک کے ذریعے شرکت کی۔ اجلاس میں پی ایم ڈی سی کے صدر ڈاکٹر رضوان تاج اور رجسٹرار سمیت دیگر متعلقہ حکام بھی شریک ہوئے۔اجلاس میں انڈونیشیا کے میڈیکل طلبہ کو پاکستان کے طبی تعلیمی اداروں میں داخلے دینے سے متعلق امور کا تفصیلی جائزہ لیا گیا۔ اجلاس کو بتایا گیا کہ انڈونیشیا کی حکومت نے درخواست کی ہے کہ اس کے انڈرگریجویٹ اور پوسٹ گریجویٹ میڈیکل طلبہ کو پاکستان کے معیاری میڈیکل اور ڈینٹل کالجوں میں تعلیم کے مواقع فراہم کئے جائیں۔(جاری ہے)
وفاقی وزیرِ صحت مصطفیٰ کمال نے کہا کہ ان طلبہ کے تعلیمی اور رہائشی اخراجات انڈونیشیا کی حکومت برداشت کرے گی جبکہ انہیں پاکستان کے بہترین طبی تعلیمی اداروں میں مکمل شفافیت اور میرٹ کی بنیاد پر داخلے دیئے جائیں گے۔
انہوں نے کہا کہ اس اقدام کے تحت تقریباً 200 انڈونیشین میڈیکل اور ڈینٹل طلبہ کو عالمی معیار کی تعلیمی اور تربیتی سہولیات فراہم کی جائیں گی جس سے دونوں ممالک کے درمیان طبی تعلیم کے شعبے میں تعاون کو مزید فروغ حاصل ہوگا۔وزیرِ صحت نے کہا کہ یہ امر خوش آئند ہے کہ انڈونیشیا کی حکومت نے اپنے طلبہ کی طبی تعلیم کے لئے پاکستان کے اداروں پر اعتماد کا اظہار کرتے ہوئے انہیں ترجیح دی ہے۔ ان کا کہنا تھا کہ اس پیشرفت سے نہ صرف پاکستان اور انڈونیشیا کے دوطرفہ تعلقات مزید مضبوط ہوں گے بلکہ عالمی سطح پر پاکستان کے طبی تعلیمی نظام اور وقار کو بھی تقویت ملے گی۔مصطفیٰ کمال نے کہا کہ پاکستانی ڈاکٹرز دنیا بھر میں اپنی پیشہ وارانہ صلاحیتوں اور خدمات کے ذریعے ملک کا نام روشن کر رہے ہیں اور یہ اقدام پاکستان کے طبی شعبے پر بین الاقوامی اعتماد کا مظہر ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ