بابر اعظم کی شاندار نصف سنچری، سڈنی سکسز کی رینیگیڈز پر فتح
اشاعت کی تاریخ: 1st, January 2026 GMT
اسٹار پاکستانی بلے باز بابر اعظم نے شاندار اور پُرسکون ناقابلِ شکست نصف سنچری اسکور کرتے ہوئے سڈنی سکسز کو بگ بیش لیگ سیزن 15 کے ایک سنسنی خیز مقابلے میں میلبرن رینیگیڈز کیخلاف 6 وکٹوں سے فتح دلائی۔
ڈاک لینڈز اسٹیڈیم میں کھیلے گئے اس میچ میں بابر اعظم اور محمد رضوان کے درمیان متوقع مقابلے میں سڈنی سکسز نے ٹاس جیت کر پہلے فیلڈنگ کا فیصلہ کیا۔
یہ بھی پڑھیں: بگ بیش لیگ، آسٹریلوی بلے باز نے بابراعظم کی فارم میں واپسی کی پیشگوئی کردی
رینیگیڈز کی ٹیم کا آغاز مایوس کن رہا جب جیک ایڈورڈز نے ابتدائی اوورز میں ہی ٹِم سیفرٹ کو 8 رنز پر آؤٹ کر دیا، جس کے بعد میزبان ٹیم صرف 2 اوورز میں 10 رنز پر ایک وکٹ گنوا بیٹھی۔
اس کے بعد محمد رضوان نے جوش براؤن کے ساتھ مل کر مختصر جوابی شراکت قائم کی، تاہم اس دوران زیادہ تر جارحانہ کھیل براؤن کی جانب سے دیکھنے میں آیا۔
Adam Gilchrist also called out Babar Azam slow batting in T20s during today's match.
• His limited power range restricts his boundary options.
• He must be proactive himself, not outsource the SR.
• His run-a-ball approach unfairly pressures his partner to take risks. pic.twitter.com/ahfYJNgSyO
— The PCT Army.???????? (@thepctarmy) January 1, 2026
جوش براؤن نے صرف 19 گیندوں پر 43 رنز بنائے، جس میں 3 چوکے اور 4 چھکے شامل تھے، تاہم ہیڈن کیر نے 44 رنز کی شراکت کا خاتمہ کر دیا۔
محمد رضوان روانی حاصل نہ کر سکے اور 10 گیندوں پر 6 رنز بنانے کے بعد آؤٹ ہو گئے۔
جیک فریزر میک گرک نے اننگز کو سنبھالتے ہوئے 29 گیندوں پر 38 رنز اسکور کیے، جس میں 4 چوکے شامل تھے، لیکن وہ شان ایبٹ کا شکار بن گئے۔
مزید پڑھیں: بابراعظم کی بگ بیش لیگ میں مایوس کن شروعات، سڈنی سکسرز کے لیے ڈیبیو میں صرف 2 رنز بناسکے
اس وقت رینیگیڈز کا اسکور 100 سے تجاوز کر چکا تھا۔ آخری اوورز میں حسن خان نے تیز رفتار 39 رنز بنا کر مزاحمت کی۔
تاہم آخری اوور میں ان کی وکٹ گرنے سے ٹیم کی رفتار متاثر ہوئی اور رینیگیڈز نے 9 وکٹوں کے نقصان پر 164 رنز بنائے۔
سڈنی سکسز کی جانب سے شان ایبٹ نے 3 وکٹیں حاصل کیں، جبکہ جیک ایڈورڈز، بین ڈوارشُوئس اور ہیڈن کیر نے 2، 2 کھلاڑیوں کو آؤٹ کیا۔
مزید پڑھیں: بابر اعظم بگ بیش لیگ کے مہنگے ترین کھلاڑیوں میں شامل، سڈنی سکسرز نے کتنے میں خریدا؟
جواب میں سڈنی سکسز نے ڈینیئل ہیوز اور بابر اعظم کی بدولت مضبوط آغاز کیا اور پہلی وکٹ کے لیے 46 رنز جوڑے۔
ہیوز 23 گیندوں پر 30 رنز اسکور کرنے کے بعد گورِندر سندھو کے ہاتھوں آؤٹ ہوئے، تاہم بابر اعظم نے ایک اینڈ سنبھالے رکھا۔
جوش فلپ نے 16 رنز بنائے جبکہ کپتان موئسس ہینرکس نے تیز رفتار 23 رنز اسکور کر کے ٹیم کو درست سمت میں گامزن رکھا۔
مزید پڑھیں:پہلی بار بگ بیش لیگ میں شمولیت پر بابر اعظم نے کیا کہا؟
چوتھی وکٹ گرنے کے بعد بابر اعظم کو جوئیل ڈیوس کا ساتھ ملا اور دونوں نے ناقابلِ شکست 51 رنز کی شراکت قائم کر کے ٹیم کو 19.1 اوورز میں ہدف تک پہنچا دیا۔
بابر اعظم نے 46 گیندوں پر ناقابل شکست 58 رنز بنائے، جس میں 4 چوکے اور ایک چھکا شامل تھا۔
دوسری جانب جوئیل ڈیوس نے 15 گیندوں پر ناقابلِ شکست 34 رنز اسکور کیے، جن میں 3 چوکے اور 2 چھکے شامل تھے۔
مزید پڑھیں: قومی فاسٹ بولر شاہین شاہ آفریدی بگ بیش لیگ سے باہر
میلبرن رینیگیڈز کی جانب سے گورِندر سندھو نے 2 وکٹیں حاصل کیں، جبکہ وِل سدرلینڈ اور میتھیو اسپورز نے ایک ایک کھلاڑی آؤٹ کیے۔
اس فتح کے ساتھ سڈنی سکسز نے سیزن کی دوسری کامیابی حاصل کر لی ہے اور پوائنٹس ٹیبل پر پانچویں نمبر پر آ گئے۔
میلبرن رینیگیڈز صرف ایک فتح کے ساتھ 7ویں پوزیشن پر موجود ہیں اور صرف سڈنی تھنڈر سے آگے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم بگ بیش لیگ ٹاس سڈنی تھنڈر سڈنی سکسز گورِندر سندھو محمد رضوان میلبرن رینیگیڈز
ذریعہ
ذریعہ: WE News
کلیدی لفظ: بگ بیش لیگ ٹاس سڈنی تھنڈر گور ندر سندھو محمد رضوان میلبرن رینیگیڈز میلبرن رینیگیڈز محمد رضوان مزید پڑھیں بگ بیش لیگ گیندوں پر رنز اسکور اوورز میں اعظم کی کے بعد
پڑھیں:
گل فیروزہ، سدرہ امین اور نشرہ سندھو کی شاندار کارکردگی، پاکستان نے سری لنکا کیخلاف پہلا پہلے ون ڈے جیت لیا
گل فیروزہ، سدرہ امین اور نشرہ سندھو کی عمدہ کارکردگی کی بدولت پاکستان ویمنز کرکٹ ٹیم نے سری لنکا کو پہلے ایک روزہ میچ میں 5 وکٹوں سے شکست دے کر 3 میچوں کی سیریز میں 1-0 کی برتری حاصل کر لی۔
یہ بھی پڑھیں: پاکستان ویمنز ٹیم کا سری لنکا ٹور: ٹی20 سیریز نئے مقام پر منتقل، کس کا پلڑا بھاری؟
آئی سی سی ویمنز چیمپیئن شپ 2025-29 کے تحت کھیلے گئے میچ میں سری لنکا نے ٹاس جیت کر پہلے بیٹنگ کا فیصلہ کیا تاہم پاکستانی بولرز کی نپی تلی بولنگ کے باعث مقررہ 50 اوورز میں 9 وکٹوں کے نقصان پر 210 رنز ہی بنا سکی۔
سری لنکا کی جانب سے اوپنرز وشمی گوناتنے اور کپتان چماری اتھاپتھو نے ٹیم کو اچھا آغاز فراہم کیا اور ابتدائی 5 اوورز میں بغیر کسی نقصان کے 31 رنز بنائے۔ دونوں نے پہلی وکٹ کے لیے نصف سینچری شراکت بھی قائم کی جو سری لنکا کی جانب سے ون ڈے کرکٹ میں کسی بھی اوپننگ جوڑی کی 5ویں ففٹی پارٹنرشپ تھی۔
پاکستانی اسپنرز کے اٹیک پر آنے کے بعد سری لنکن بیٹنگ کی رفتار سست پڑ گئی۔ نشرہ سندھو نے پہلے وشمی گوناتنے کو آؤٹ کیا جبکہ بعد ازاں کپتان چماری اتھاپتھو کو بھی بولڈ کر دیا۔
اتھاپتھو اور حسینی پریرا نے دوسری وکٹ کے لیے 53 رنز جوڑے تاہم اس کے بعد پاکستانی بولرز نے میچ پر گرفت مضبوط کر لی۔ نیلکشیکا سلوا اور کویشا دلہاری کے درمیان 5ویں وکٹ کے لیے 42 رنز کی شراکت کے علاوہ کوئی بڑی پارٹنرشپ نہ بن سکی جبکہ آخری 7 اوورز میں سری لنکا نے 32 رنز کے عوض 5 وکٹیں گنوا دیں۔
مزید پڑھیے: فاطمہ ثنا نے تاریخ رقم کر دی، ویمنز دی ہنڈرڈ کھیلنے والی پہلی پاکستانی کرکٹر بن گئیں
پاکستان کی جانب سے نشرہ سندھو نے شاندار بولنگ کرتے ہوئے 42 رنز دے کر 3 وکٹیں حاصل کیں۔
گل فیروزہ کی مسلسل چوتھی نصف سینچری211 رنز کے ہدف کے تعاقب میں پاکستان نے پراعتماد آغاز کیا۔ اوپنر گل فیروزہ نے ایک مرتبہ پھر عمدہ بیٹنگ کا مظاہرہ کرتے ہوئے مسلسل چوتھی ون ڈے نصف سینچری اسکور کی۔
انہوں نے ابتدائی پاور پلے میں جارحانہ انداز اپنایا اور صدف شمس کے ساتھ پہلی وکٹ کے لیے 58 رنز کی شراکت قائم کی۔
Pakistan women beat Sri Lanka women by 5 wickets in the first One-Day International of the three-match series in Hambantota today.@TheRealPCBMedia @TheRealPCB #News #RadioPakistan https://t.co/5cesGghrAK
— Radio Pakistan (@RadioPakistan) July 23, 2026
بعد ازاں گل فیروزہ اور سدرہ امین نے دوسری وکٹ کے لیے 90 رنز کا اہم اضافہ کیا جس نے پاکستان کی فتح کی بنیاد رکھ دی۔
مزید پڑھیں: ویمنز ورلڈکپ فوٹو شوٹ میں فاطمہ ثنا اور جے شاہ کا مصافحہ توجہ کا مرکز بن گیا
گل فیروزہ نے 77 گیندوں پر 78 رنز کی شاندار اننگز کھیلی جبکہ صدف امین نے ذمہ دارانہ بیٹنگ کرتے ہوئے 94 گیندوں پر 57 رنز بنائے۔
پاکستان نے مطلوبہ ہدف 45 اوورز میں 5 وکٹوں کے نقصان پر حاصل کر لیا اور یوں سیریز کا آغاز کامیابی سے کیا۔
آئی سی سی ویمنز چیمپئن شپ میں دوسری پوزیشنیہ پاکستان ویمنز ٹیم کی مسلسل 5ویں ون ڈے فتح ہے جس کے بعد قومی ٹیم آئی سی سی ویمنز چیمپیئن شپ کے پوائنٹس ٹیبل پر دوسرے نمبر پر پہنچ گئی۔
یہ بھی پڑھیے: فاطمہ ثنا کا ایک اور سنگ میل: صرف 15 گیندوں پر نصف سینچری بناکر ٹی 20 کا نیا عالمی ریکارڈ قائم کردیا
پاکستان اور سری لنکا کے درمیان سیریز کا دوسرا ایک روزہ میچ 25 جولائی کو ہمبنٹوٹا میں ہی کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمنز بمقابلہ سری لنکا پاکستان ویمنز ٹیم کی فتح سدرہ امین صدف شمس فاطمہ ثنا گل فیروزہ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار