سوئٹرلینڈ کے بار میں خوفناک آتشزدگی، 40 ہلاکتیں، 100 افراد زخمی
اشاعت کی تاریخ: 1st, January 2026 GMT
سوئٹرلینڈ:(ویب ڈیسک) جنوب مغربی سوئٹرلینڈ کے علاقے والیس میں واقع مشہور سکی ریزورٹ کرانز-مونٹانا کی ایک بار میں آتشزدگی کے نتیجے میں کم از کم 40 افراد ہلاک اور تقریباً 100 زخمی ہو گئے ہیں۔
اٹلی کی وزارت خارجہ نے سوئس پولیس کے حوالے سے بتایا کہ ہلاک ہونے والے افراد میں مختلف ممالک کے سیاح شامل ہیں، جن کی شناخت کا عمل جاری ہے۔ زخمیوں میں متعدد افراد شدید جھلس چکے ہیں۔
ریسکیو کارروائیوں میں 10 ہیلی کاپٹرز، 40 ایمبولینسز اور تقریباً 150 ریسکیو کارکنان حصہ لے رہے ہیں، جبکہ یہ آپریشن آئندہ چند روز تک جاری رہنے کی توقع ہے۔ متاثرہ افراد کو فوری طور پر والیس ہسپتال کے انتہائی نگہداشت وارڈ میں منتقل کیا گیا، اور شدید زخمیوں کو دیگر ہسپتالوں میں منتقل کیا جا رہا ہے۔
حکام نے واضح کیا ہے کہ یہ واقعہ دہشت گردی کا نتیجہ نہیں تھا، تاہم آگ لگنے کی وجہ ابھی تک معلوم نہیں ہو سکی ہے۔
.
ذریعہ
ذریعہ: Daily Mumtaz
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع